சென்னை: தேசிய தேர்வு முகமை (என்டிஏ) சார்பில் 83 பாடங்களுக்கான யுஜிசி நெட் (UG NET) தேர்வு நடத்தப்படுகிறது. அந்த வகையில், இந்தாண்டும் ஜூன் மாதம் நடைபெற்றது. ஆனால், நெட் தேர்வில் முறைகேடுகள் நடைபெற்றது கண்டறியப்பட்டதை அடுத்து, தேர்வு ரத்து செய்யப்பட்டு, மறுதேர்வு ஆகஸ்ட் 21ஆம் தேதி முதல் தொடங்கி செப்டம்பர் 5ஆம் தேதி வரை நடைபெற்றது.
11 லட்சத்து 21 ஆயிரத்து 225 பேர் தேர்விற்கு பதிவு செய்த நிலையில், 6 லட்சத்து 84 ஆயிரத்து 224 பட்டதாரிகள் இந்த தேர்வை எழுதினர். இந்நிலையில் யுஜிசி நெட் தேர்வு முடிவுகளை தேசிய தேர்வுகள் முகமை வெளியிட்டுள்ளது. இதில் மொத்தமாக 1 லட்சத்து 70 ஆயிரத்து 734 பேர் தேர்ச்சி பெற்றுள்ளனர்.
National Testing Agency has announced the UGC NET 2024 June exam result. Along with the result, the testing agency has also released the subject-wise cut-offs. pic.twitter.com/zpIGT2i5FC
— ANI (@ANI) October 17, 2024
குறிப்பாக, பிஎச்டி படிக்க தகுதியுடையவர்கள் 1 லட்சத்து 12 ஆயிரத்து 70 பேர் தேர்ச்சி பெற்றுள்ளனர். மேலும், உதவி பேராசிரியர் பணிக்கான தேர்வில் 53 ஆயிரத்து 694 பேரும், ஜூனியர் ரிசர்ச் பெல்லோஷிப்பிற்கு (JRF-Junior Research Fellowship) 4 ஆயிரத்து 970 பேரும் தகுதி பெற்றுள்ளனர்.
இதையும் படிங்க: செட் தேர்வை நடத்துகிறது ஆசிரியர் தேர்வு வாரியம்! உதவிப் பேராசிரியர் பணிக்கான நேரடித் தேர்வு எப்போது?
தேர்வு முடிவுகளை பட்டதாரிகள் ugcnet.nta.nic.in என்ற இணையதளத்தில் சென்று அறிந்து கொள்ளலாம். இதுகுறித்து ஏதேனும் சந்தேகம் இருப்பின் 011-40759000 எனும் உதவிமைய எண் அல்லது ugcnet@nta.ac.in என்ற மின்னஞ்சல் முகவரி வழியாக தொடர்பு கொண்டு விளக்கம் பெறலாம். மேலும், கூடுதல் விவரங்களை http://www.nta.ac.in எனும் வலைத்தளத்திலும் தெரிந்துகொள்ளலாம் என்று தேசிய தேர்வு முகமை தெரிவித்துள்ளது.
ஈடிவி பாரத் தமிழ்நாடு வாட்ஸ்அப் சேனலில் இணைய இங்கே கிளிக் செய்யவும்
