சென்னை: சென்னை பரங்கிமலை காவல் நிலைய எல்லைக்கு உட்பட்ட ஆலந்தூர் பகுதியில் நேற்று(ஜூலை 18) இரவு ஆய்வாளர் பாலன் தலைமையில் போலீசார் வாகனச் சோதனையில் ஈடுபட்டிருந்தனர். அப்போது, அதிகாலையில் இரண்டு பெண்களை ஏற்றிக்கொண்டு வந்த ஆட்டோவை நிறுத்தி போலீசார் விசாரணை செய்தார்.
ஆட்டோவை ஓட்டி வந்த கதிர்வேலு என்பவர் முன்னுக்கு பின் முரணாக பேசியதால் சந்தேகமடைந்த போலீசார் இரு பெண்களிடமும் தீவிரமாக விசாரணை நடத்தியதோடு, ஆட்டோவையும் சோதனை செய்தனர். அப்போது, பெண்கள் அமர்ந்திருந்த சீட்டிற்கு கீழே தடை செய்யப்பட்ட போதைப் பொருட்கள் மறைத்து வைக்கப்பட்டிருந்தது கண்டிபிடிக்கப்பட்டது.
பின்னர், அவற்றை பறிமுதல் செய்த போலீசார், கே.கே.நகரை சேர்ந்த கதிர்வேலு, தேவி, லட்சுமி, காமராஜ் மற்றும் முருகன் ஆகிய ஐந்து பேரை கைது செதனர்.
காவல் நிலையம் அழைத்துச் செல்லப்பட்டு நடத்தப்பட்ட விசாரணையில், "முருகன் மற்றும் கதிர்வேலு ஆகியோர் உதவியால் சூலூர்பேட்டை பகுதியிலிருந்து போதை வஸ்துக்களை வாங்கி வந்து கே.கே. நகர், வளசரவாக்கம், வடபழனி, கண்ணகி நகர் போன்ற பகுதியில் விற்பனை செய்வதாகவும், சென்னையில் போதைப் பொருட்கள்(டோபாக்கோ) டிமாண்ட் அதிகமாக உள்ளதால், ஒரு பாக்கெட் விலை 150 லிருந்து 200 ரூபாய் விற்பனை செய்வதாகவும் வாக்குமூலம் அளித்துள்ளனர்.
மேலும், கைது செய்யப்பட்ட ஐந்து நபர்களின் வீடுகளில் சோதனை நடத்தப்பட்டது குறிப்பிடத்தக்கது.
இதையும் படிங்க: டிஎன்பிஎஸ்சி குரூப்2, 2ஏ தேர்வுகளுக்கு விண்ணப்பிக்க இன்றே கடைசி! மிஸ் பண்ணிடாதிங்க...!
