சென்னை: நாடாளுமன்ற மக்களவைத் தேர்தலையொட்டி சென்னை அண்ணா அறிவாலயத்தில் நடைபெற்ற நிகழ்ச்சியில் தேர்தல் அறிக்கை மற்றும் வேட்பாளர் பட்டியலை மு.க.ஸ்டாலின் வெளியிட்டார். அப்போது முதலாவது அறிவிப்பாகவே கூட்டாட்சி தொடர்பான அறிவிப்பு அமைந்தது.
- மாநிலங்கள் சுயாட்சி பெறும் வகையில் அரசியலமைப்புச் சட்டம் திருத்தப்படும்.
- ஆளுநர்களின் நியமனத்தின் போது மாநில அரசுகள் கலந்தாலோசிக்கப்பட வேண்டும்.
- மாநில ஆளுநர்களுக்கு சட்டப்பாதுகாப்பு வழங்கும் அரசியலமைப்பின் 361வது சட்டப்பிரிவு நீக்கப்படும்.
- புதுச்சேரிக்கு மாநில அந்தஸ்து.
- ரயில்வே துறைக்கு தனி நிதிநிலை அறிக்கை.
- திருக்குறள் தேசிய நூலாக அறிவிக்கப்படும்.
- இந்தியா முழுவதும் உள்ள மகளிருக்கு மாதம் ஆயிரம் மகளிர் உரிமைத்தொகை.
- தமிழகத்திற்கு நீட் தேர்வு விலக்கு அளிக்கப்படும்.
- மகளிர் சுய உதவி குழுக்களுக்கு 10 லட்சம் ரூபாய் வட்டி இல்லா கடன்.
- தேசியம் நெடுஞ்சாலைகளில் உள்ள சுங்கச்சாவடிகள் முழுமையாக அகற்றப்படும்.
- குடியுரிமை திருத்த சட்டம் 2019 ரத்து செய்யப்படும்.
- ஜாதிவாரி கணக்கெடுப்பு நடத்தப்படும், ஜிஎஸ்டி திருத்தம் செய்யப்படும்.
- உழவர்களுக்கு குறைந்தபட்ச ஆதார விலை நிர்ணயம் செய்யப்படும்.
- பெட்ரோல் ரூ 75, டீசல் ரூ65 என கொண்டு வரப்படும்.
- பொது சிவில் சட்டம் கொண்டுவரப்படாது.
- ஒரே நாடு ஒரே தேர்தல் திட்டம் கைவிடப்படும்.
- சென்னையில் மூன்றாவது ரயில் முனையம் அமைக்கப்படும்.
உள்ளிட்ட அறிவிப்புகளை மு.க.ஸ்டாலின் வெளியிட்டுள்ளார்.
