ஐதராபாத்: இந்திய கிரிக்கெட் அணியில் சச்சின் டெண்டுல்கர் விட்டுச் சென்ற பேட்டிங் பாரம்பரியத்தை அடுத்து முன்னெடுத்து வந்தவராக இருந்த வருகிறார் விராட் கோலி. விராட் கோலி டி20 கிரிக்கெட் போட்டிகளில் இருந்து ஓய்வு பெற்ற நிலையில் ஒருநாள் மற்றும் டெஸ்ட் போட்டிகளில் தொடர்ந்து விளையாடி வருகிறார்.
இருந்தாலும் கடந்த சில காலங்களாக ரன் மெஷினாக இருந்து வந்த விராட் கோலி பின்னர் ரன் குவிக்க தடுமாறி வருவதோடு மட்டுமே இல்லாமல் பல நேரங்களில் அவசரகதியில் விக்கெட்டுகளையும் இழந்து ரசிகர்கள் மத்தியில் அதிருப்தியை ஏற்படுத்தி இருக்கிறார். ஆனாலும், மீண்டும் பார்முக்கு திரும்புவார் என்று அவரது ரசிகர்கள் அதே நம்பிக்கையுடன் காத்துக் கொண்டிருக்கிறார்கள்.
இந்த மாத இறுதியில் ஆஸ்திரேலியாவில் நடைபெறும் ஐந்து போட்டிகள் கொண்ட பார்டர் கவாஸ்கர் டெஸ்ட் கிரிக்கெட் தொடரில் விளையாட விராட் கோலி தயாராகி வருகிறார். தற்போது 36 வயதை எட்டி இருக்கும் விராட் கோலி கிரிக்கெட்டை தாண்டி தொடர்ந்து தன்னுடைய மனைவி, குழந்தைகள் என குடும்ப வாழ்க்கையில் செட்டிலாகி அவ்வப்போது அவர்களுடன் நேரத்தை செலவிட்டு வருகிறார்.
Virat Kohli is always there for fans 🫡
— Johns. (@CricCrazyJohns) November 8, 2024
- Video of the Day.....!!!! pic.twitter.com/1rynnZrmod
அந்த வகையில் தற்போது தனது மனைவி அனுஷ்கா சர்மாவுடன் நிகழ்ச்சி ஒன்றில் விராட் கோலி கலந்து கொண்டார். அதே நிகழ்ச்சிக்கு வந்த அவரது தீவிர ரசிகையான பெண் ஒருவர் விராட் கோலியின் கையை இழுத்து பிடித்து செல்பி கேட்டிருக்கிறார். நெருக்கமாக கையை இழுத்து பிடித்துக் கொண்டு செல்பி கேட்ட அந்த பெண்ணின் வீடியோ தற்போது இணையத்தில் வெளியாகி வைரலாகி வருகிறது.
அந்தப் பெண் சில நிமிடம் செல்பி எடுத்துக் கொள்ள வேண்டும் என விராட் கோலியின் கையை இறுக்கமாக பிடித்துக் கொண்டு அவரை விடாமல் போஸ் கொடுக்க விராட் கோலி என்னுடைய மனைவி அங்கே சென்றுவிட்டார். கையை விடுங்கள் என்றும் கூறியும் அவர் விடாமல் போட்டோ எடுத்துக் கொண்ட பிறகே விலகினார். தற்போது இந்த வீடியோ இணையத்தில் வெளியாகி வைரலாகி வருகிறது. இதனைப் பார்த்த நெட்டிசன்கள், இது என்னடா விராட் கோலிக்கு வந்த சோதனை? என்று கமெண்ட் செய்து வருகின்றனர்.
இதையும் படிங்க: 6 மணி நேரம்... திணறத் திணற அடி... ரோகித் சர்மாவுக்கு என்னாச்சு?
