பிரான்ஸ்: பாரீஸ் ஒலிம்பிக் மகளிர் மல்யுத்தத்தில் 50 கிலோ எடைப் பிரிவில் கலந்து கொண்ட இந்திய மல்யுத்த வீராங்கனை வினேஷ் போகத் அதிக எடை காரணமாக தகுதி நீக்கம் செய்யப்பட்டுள்ளார். பாரீஸ் ஒலிம்பிக் மகளிர் மல்யுத்தத்தில் 50 கிலோ எடைப் பிரிவில் கலந்து கொண்டு உள்ள இந்திய வீராங்கனை வினேஷ் போகத் குறிப்பிட்ட எடையை காட்டிலும் சில கிராம் அதிகம் இருப்பதால தகுதி நீக்கம் செய்யப்பட்டு உள்ளதாக தகவல் வெளியாகி உள்ளது. இதனால் அவர் இறுதிப் போட்டியில் கலந்து கொள்ள முடியாமல் போகலாம் எனத் தகவல் கூறப்படுகிறது.
Indian Wrestler Vinesh Phogat disqualified from the Women’s Wrestling 50kg for being overweight.
— ANI (@ANI) August 7, 2024
It is with regret that the Indian contingent shares news of the disqualification of Vinesh Phogat from the Women’s Wrestling 50kg class. Despite the best efforts by the team through… pic.twitter.com/xYrhzA1A2U
ஒலிம்பிக் மல்யுத்தத்தில் நேற்று (ஆக.6) நடைபெற்ற பெண்களுக்கான 50 கிலோ எடைப் பிரிவின் அரையிறுதியில் கியூபா வீராங்கனை யூஸ்னிலிஸ் குஸ்மேனுடன் மோதிய வினேஷ் போகத் தொடக்க முதலே ஆக்ரோஷமாக செயல்பட்டு எதிரணி வீராங்கனையை கலங்கடித்தார். வினேஷ் போகத்தின் ஆக்ரோஷ ஆட்டத்தால் நிலை தடுமாறிய யூஸ்னிலிஸ் புள்ளிகளே எடுக்காமல் சரணாகதி அடைந்தார்.
இறுதியில் கியூபா வீராங்கனையை 5-க்கு 0 என்ற கணக்கில் வீழ்த்திய வினேஷ் போகத் இறுதிப் போட்டிக்கு முன்னேறினார். இந்நிலையில் 50 கிலோ எடை பிரிவில் போட்டியிடும் அவருக்கு இன்று (ஆக.7) எடை தகுதி சோதனை செய்த போது 50 கிலோ மற்றும் 100 கிராம் எடை இருந்ததாக தெரிவிக்கப்பட்டு உள்ளது.
நிர்ணயித்த 50 கிலோ எடையை விட 100 கிராம் எடை அதிகம் இருந்ததால் வினேஷ் போகத் ஒலிம்பிக் போட்டியில் இருந்து தகுதி நீக்கம் செய்யப்பட்டதாக தெரிவிக்கப்பட்டு உள்ளது. முன்னதாக கூடுதல் எடையை குறைக்க இரவு முழுவதும் கண் விழித்து ஸ்கிப்பிங், ஜாகீங் உள்ளிட்ட பல்வேறு பயிற்சிகளை வினேஷ் போகத் மேற்கொண்டு உள்ளார்.
பல்வேறு பயிற்சிகளை மேற்கொண்ட போது போதும் அவரது முயற்சிகள் பலனளிக்காமல் தோல்வியில் முடிந்தது கடும் அதிருப்தியை ஏற்படுத்தி உள்ளது. பாரீஸ் ஒலிம்பிக் மகளிர் மல்யுத்தத்தில் இந்தியாவுக்கு வினேஷ் போகத் மூலம் தங்கம் அல்லது வெள்ளிப் பதக்கம் கிடைக்கும் என எதிர்பார்த்து காத்திருந்த ரசிகர்களுக்கு பேரிடியாய் இந்த செய்தி வெளியாகி உள்ளது.
இதையும் படிங்க: பாரீஸ் ஒலிம்பிக் 2024: இந்தியாவுக்கு மேலும் ஒரு பதக்கம்? 3000 மீ ஸ்டீபிள்சேஸ் ஃபைனலில் அவினாஷ் சேபிள்! - Paris Olympics 2024
