கொல்கத்தா : 17வது ஐபிஎல் கிரிக்கெட் தொடர் நாடு முழுவது கோலாகலமாக நடைபெற்று வருகிறது. இதில் இன்று (ஏப்.14) மாலை 3.30 மணிக்கு நடைபெறும் 28வது லீக் ஆட்டத்தில் முன்னாள் சாம்பியன் கொல்கத்தா நைட் ரைடர்ஸ் - லக்னோ சூப்பர் ஜெயன்ட்ஸ் அணிகள் பலப்பரீட்சை நடத்துகின்றன.
டாஸ் வென்ற கொல்கத்தா அணியின் கேப்டன் ஸ்ரேயாஸ் ஐயர் பந்துவீச்சை தேர்வு செய்தார். நடப்பு சீசனில் இதுவரை விளையாடிய 4 ஆட்டங்களில் 3ல் வெற்றியும் 1 தோல்வியும் கண்டு கொல்கத்தா நைட் ரைடர்ஸ் அணி புள்ளிப் பட்டியலில் 2வது இடத்தில் உள்ளது. கடைசியாக சென்னை அணிக்கு எதிரான ஆட்டத்தில் 7 விக்கெட் வித்தியாசத்தில் கொல்கத்தா அணி தோல்வியை தழுவியது.
இந்த ஆட்டத்தில் வெற்றி பெற்று மீண்டும் பழைய நிலைக்கு திரும்ப கொல்கத்தா அணி முயற்சிக்கும். அதேநேரம் லக்னோ அணியை பொறுத்தவரை விளையாடிய 5 ஆட்டங்களில் 3 வெற்றி 2 தோல்வியுடன் புள்ளிப் பட்டியலில் 4வது இடத்தில் உள்ளது. லக்னோ அணியில் வேகப்பந்து வீச்சாளர் மயங்க் காயம் காரணமாக விலகி இருப்பது அந்த அணிக்கு சற்று பின்னடைவாக காணப்படுகிறது.
அதேநேரம் சொந்த மண்ணில் லக்னோ குறைத்து எடை போடக் கூடாது. வெற்றிக்காக இரு அணி வீரர்களும் கடுமையாக மோதிக் கொள்வார்கள் என்பதால் ஆட்டத்தில் விறுவிறுப்புக்கு பஞ்சம் இருக்காது.
போட்டிக்கான இரு அணி வீரர்கள் பட்டியல் :
லக்னோ சூப்பர் ஜெயன்ட்ஸ் : குயின்டன் டி காக், கேஎல் ராகுல் (கேப்டன், விக்கெட் கீப்பர்), தீபக் ஹூடா, ஆயுஷ் படோனி, மார்கஸ் ஸ்டோனிஸ், நிக்கோலஸ் பூரன், க்ருனால் பாண்டியா, மொஹ்சின் கான், ரவி பிஷ்னோய், சிஜோமோன் ஜோசப், யாஷ் தாக்கூர்.
கொல்கத்தா நைட் ரைடர்ஸ் : பில் சால்ட், (விக்கெட் கீப்பர்) வெங்கடேஷ் ஐயர், ஷ்ரேயாஸ் ஐயர் (கேப்டன்), சுனில் நரைன், ஆங்க்ரிஷ் ரகுவன்ஷி, ஆந்திரே ரஸ்செல், ரமன்தீப் சிங், மிட்செல் ஸ்டார்க், வைபவ் அரோரா, வருண் சக்ரவர்த்தி, ஹர்ஷித் ராணா.
இதையும் படிங்க : செஸ் கேண்டிடேட்: இந்திய வீரர்கள் அசத்தல் வெற்றி! பிரக்ஞானந்தா, குகேஷ் முன்னிலை! - Chess Candidates 2024
