ஐதராபாத்: 2025ஆம் ஆண்டுக்கான ஐபிஎல் கிரிக்கெட் தொடர் ஏலம் விரைவில் நடைபெறுகிறது. அதற்கு முன்னதாக ஐபிஎல் அணியில் பல்வேறு மாற்றங்கள் இருக்கும் என எதிர்பார்க்கப்படுகிறது. பல முக்கிய வீரர்கள், நீண்ட காலமாக ஒரே அணியில் இருக்கும் வீரர்கல் இந்த முறை அணி மாறுவார்கள் என எதிர்பார்க்கப்படுகிறது.
இந்நிலையில், லக்னோ சூப்பர் ஜெயன்ட்ஸ் அணியின் ஆலோசகராக முன்னாள் வேகப்பந்து வீச்சாளர் ஜாகீர் கான் நியமிக்கப்பட்டுள்ளார். இது குறித்த அதிகாரப்பூர்வ அறிவிப்பை லக்னோ அணி நிர்வாகம் வெளியிட்டுள்ளது. ஜாகீர் கான் கடந்த 2000ஆம் ஆண்டு முதல் 2014ஆம் ஆண்டு வரை ஏறத்தாழ 14 ஆண்டுகள் இந்திய அணிக்காக விளையாடி உள்ளார்.
மேலும் 2011ஆம் ஆண்டு உலக கோப்பையை இந்திய அணி வெல்ல முக்கிய காரணிகளாக இருந்தவர்களில் ஜாகீர் கானும் ஒருவர் என்பது குறிப்பிடத்தக்கது. மேலும் 2011 உலக கோப்பையில் 21 விக்கெட்டுகள் வீழ்த்தி அதிக விக்கெட்டுகள் வீழ்த்தியவர் என்ற சாதனையும் படைத்தார். அவரது பங்களிப்பினுடன் இந்திய அணி கோப்பையை வென்றது.
தொடர்ந்து ஜஸ்டின் லாங்கர், ஜான்டி ரோட்ஸ், ஆடம் வோக்ஸ், லான்ஸ் குலுசனர் ஆகியோருடன் இணைந்து இந்திய அணியை வழிநடத்தி வந்தார். இடது கை வேகப்பந்து வீச்சாளரான ஜாகீர் கான் இந்திய அணியில் கபீல் தேவுக்கு அடுத்தபடியாக வெற்றிகரமான பவுலராக காணப்பட்டார்.
மொத்தம் 92 டெஸ்ட், 200 ஒருநாள் மற்றும் 17 டி20 கிரிக்கெட் போட்டிகளில் விளையாடி ஜாகீர் கான் 311 விக்கெட்டுகளை வீழ்த்தி உள்ளார். 2017ஆம் ஆண்டு வரை ஐபிஎல் கிரிக்கெட் போட்டிகளில் விளையாடி வந்த ஜாகீர் கான் 100 போட்டிகளில் விளையாடி 102 விக்கெட்டுகளை வீழ்த்தி உள்ளார்.
சர்வதேச கிரிக்கெட்டில் இருந்து ஓய்வு பெற்றதை அடுத்து ஐபிஎல் கிரிக்கெட் தொடரில் மும்பை இந்தியன்ஸ் அணியின் ஆலோசகர் உள்ளிட்ட பல்வேறு பணிகளை கவனித்து வந்தார். ஜாகீர் கானின் உத்வேகத்தின் கீழ் மும்பை அணி ஐபிஎல் கிரிக்கெட் வரலாற்றில் 5 முறை கோப்பை வென்று வெற்றிகரமான அணியாக வலம் வந்தது.
இந்நிலையில், 2025ஆம் ஆண்டு ஐபிஎல் கிரிக்கெட் தொடரில் லக்னோ சூப்பர் ஜெயன்ட்ஸ் அணியின் அலோசகராக ஜாகீர் கான் செயல்பட உள்ளதாக தெரிவிக்கப்பட்டுள்ளது. இது குறித்த அதிகாரப்பூர்வ அறிவிப்பை லக்னோ அணி நிர்வாகம் வெளியிட்டுள்ளது. ஐபிஎல் கிரிக்கெட்டில் நீண்ட காலமாக கோப்பை வெல்லும் கனவுடன் பயணித்து வரும் லக்னோ சூப்பர் ஜெயன்ட்ஸ் அணி ஜாகீர் கான் ஆலோசனையின் கீழ் சிறப்பாக செயல்படும் என எதிர்பார்க்கப்படுகிறது.
இதையும் படிங்க: "என் வீட்டு தோட்டத்தில் தோனியை பார்.." வைரலாகும் ஜடேஜா - தோனி புகைப்படம்! - MS Dhoni on Jadeja Field
