பல ஆண்டு காலங்களாக ஆயுர்வேதத்தில் பல நோய்களுக்கு பிரதான மருந்தாக இருந்து வருவது நெல்லிக்காய் தான். நெல்லிக்காய் தரும் பல்வேறு நன்மைகளுக்காகவே, இதனை பலர் தினமும் காலை ஜூஸ் செய்து குடித்து வருகின்றனர். இந்நிலையில், இரவு அதிலும் குறிப்பாக தூங்க செல்வதற்கு அரை மணி நேரத்திற்கு முன் நெல்லிக்காய் ஜூஸ் குடிப்பதால், உடல் ஆரோக்கியத்தில் நேர்மறையான விளைவுகளை ஏற்படுத்துவதாக தெரியவந்துள்ளது. அதை பற்றி இந்த தொகுப்பில் தெரிந்து கொள்ளலாம்.
செரிமானத்தை ஊக்குவிக்கும்: நெல்லிக்காய் சாற்றை இரவில் எடுத்துக்கொள்வது செரிமானத்திற்கு உதவுவதோடு ஆரோக்கியமான குடல் இயக்கத்தை ஊக்குவிக்கும். நார்ச்சத்து பண்புகளுக்காக அறியப்படும் நெல்லிக்காய் மலச்சிக்கல் பிரச்சனையை நீக்கும்.
நெல்லிக்காய் சாற்றை பருகுவதால், இரைப்பையில் உள்ள அமிலங்களை தூண்டி செரிமானத்தை மேம்படுத்துவதாக மெடிசினல் ஃபுட் இதழில் தெரிவிக்கப்பட்டுள்ளது. தூங்க செல்வதற்கு முன் நெல்லிக்காய் சாறு குடிப்பது அமிலத்தன்மை மற்றும் அஜீரணத்தை தொடர்பான பிரச்சனைகளை நீக்கி நல்ல தூக்கத்திற்கு வழிவகுக்கும்.
எடை இழப்பிற்கு உதவும்: உடல் எடையை கட்டுக்குள் வைக்க முயற்சி செய்பவர்கள் இரவில் நெல்லிக்காய் ஜூஸ் பருகலாம். டயபெடிக்ஸ் அண்ட் மெடபோலிக் டிஸ் ஆர்டர் இதழலால் மேற்கொள்ளப்பட்ட ஆய்வில், நெல்லிக்காய் சாறு உடல் எடை மற்றும் உடல் கொழுப்பின் சதவீதத்தைக் குறைக்கும் என்று கண்டறியப்பட்டுள்ளது.
தூங்கும் போது நாம் எதையும் உட்கொள்ளாமல் இருப்பதால், நெல்லிக்காயில் உள்ள ஆன்டிஆக்ஸிடன்ட்கள் வளர்சிதை மாற்றத்தை அதிகரிப்பதோடு உடல் எடையை கட்டுக்குள் வைக்கவும் உதவும். மாலைப் பொழுதில் நெல்லிக்காய் சாற்றை சேர்த்துக்கொள்வது ஆரோக்கியமான எடையை பராமரிக்க உதவும்.
| இதையும் படிங்க: எடை இழப்பு முதல் முடி வளர்ச்சி வரை..தினசரி நெல்லிக்காய் சாப்பிடுவதால் கிடைக்கும் ஏகப்பட்ட நன்மைகள்! |
சரும ஆரோக்கியம் மேம்படும்: இரவில் நெல்லிக்காய் ஜூஸ் குடிப்பதால் சரும ஆரோக்கியம் கணிசமாக மேம்படும். நெல்லிக்காயில் உள்ள ஆன்டிஆக்ஸிடன்ட்கள் ஆக்ஸிஜனேற்ற அழுத்தம் மற்றும் ஃப்ரீ ரேடிக்கல்களை எதிர்த்துப் போராடுகின்றன, இது வயதான தோற்றத்தை கொடுக்கும் சுருக்கங்கள் ஆகியவற்றில் இருந்து சருமத்தை பாதுகாக்கும்.
நெல்லிக்காயை தொடர்ந்து உட்கொள்வது சருமத்தின் நீரேற்றத்தை மேம்படுத்தும் என்று பைட்டோதெரபி ஆராய்ச்சியில் ஒரு ஆய்வு நிரூபித்ததுள்ளது. குறிப்பாக, இரவில் உட்கொள்ளும் போது, நெல்லியில் உள்ள ஊட்டச்சத்துக்கள் அதிகமாக வேலை செய்வதோடு, சருமம் சம்பந்தமான பிரச்சனைகளை நீக்குகின்றது.
நோய் எதிர்ப்பு சக்தி அதிகரிக்கும்: நெல்லிக்காயில் இருக்கும் வைட்டமின் சி ஒரு சிறந்த ஆக்ஸிஜனேற்றியாக இருந்து, நோயெதிர்ப்பு மண்டலத்தை வலுப்படுத்துகிறது. ஜெர்னல் ஆப் இம்முனாலஜி இதழில் வெளியிடப்பட்ட ஒரு ஆய்வில், வைட்டமின் சி வெள்ளை இரத்த அணுக்களின் உற்பத்தியை மேம்படுத்துகிறது, இது தொற்றுநோய்களை எதிர்த்துப் போராடுவதற்கு முக்கிய பங்கு வகிக்கிறது என்பது குறிப்பிடத்தக்கது.
இரவில் நெல்லிக்காய் ஜூஸ் குடிக்கும் போது, உடலுக்கு நோய் எதிர்ப்புச் செயல்பாட்டை ஆதரிக்கத் தேவையான ஊட்டச்சத்துக்கள் கிடைக்கும். குறிப்பாக காய்ச்சல் அல்லது அதிக மன அழுத்தத்தின் போது, நோய்த்தொற்றுகளை மிகவும் திறம்பட எதிர்த்துப் போராட உடலுக்கு உதவியாக இருக்கிறது.
தூக்கத்தின் தரம் கூடும்: பதட்டம் மற்றும் மன அழுத்தத்தைக் குறைக்க உதவும் பண்புகளை நெல்லிக்காய் கொண்டுள்ளது. ஆயுர்வேத மருத்துவத்தின் சர்வதேச இதழில் வெளியிடப்பட்ட ஒரு ஆய்வில், கார்டிசோல் அளவை (மன அழுத்த ஹார்மோன்) குறைக்கும் திறன் காரணமாக நெல்லிக்காய் தூக்க முறைகளை மேம்படுத்த முடியும் என்று கூறுகிறது. படுக்கைக்கு முன் நெல்லிக்காய் சாறு உட்கொள்வது மன அமைதியை ஊக்குவிக்கும் மற்றும் வேகமாக தூங்க உதவும்.
எப்படி எடுத்துக்கொள்ளலாம்?: நெல்லிக்காய் சாற்றின் அதிகபட்ச பலன்களைப் பெற, தூங்க செல்வதற்கு அரை மணி நேரத்திற்கு முன் நெல்லிக்காய் ஜூஸ் குடிக்கலாம். அதே போல, சிறிய அளவில் தொடங்கி உடல் ஒத்துழைப்புக்கு ஏற்றவாறு குடியுங்கள். நெல்லிக்காய் சாறுடன், தேன் அல்லது இஞ்சி சேர்த்து குடித்து வரலாம்.
இதையும் படிங்க:
கல்லீரலை சுத்தப்படுத்தும் நெல்லிக்காய்..3 நாட்களுக்கு இப்படி பயன்படுத்துங்க!
தூங்க செல்வதற்கு முன் மஞ்சள் பால் குடிப்பதால் கிடைக்கும் 8 நன்மைகள்? கண்டிப்பா தெரிஞ்சிக்கோங்க!
பொறுப்புத் துறப்பு: இங்கு, உங்களுக்கு வழங்கப்படும் அனைத்து தகவல்களும், பரிந்துரைகளும் உங்கள் புரிதலுக்காக மட்டுமே. அறிவியல் ஆராய்ச்சி, ஆய்வுகள், மருத்துவம் மற்றும் சுகாதார நிபுணத்துவ ஆலோசனைகளின் அடிப்படையில் இந்தத் தகவலை நாங்கள் வழங்குகிறோம். இவற்றைப் பின்பற்றும் முன் உங்கள் தனிப்பட்ட மருத்துவரின் ஆலோசனையைப் பெறுவது நல்லது என்பதை குறிப்பிடுகிறோம்.
