கேஜிஎபில் இணையும் நடிகர் அஜித்! 3 வருடம் கால்ஷீட் கேட்கும் பிரசாந்த் நீல்! அப்ப குட் பேட் அக்லி? - prasanth neel ajith kumar KGF3

கேஜிப், சலார் பட இயக்குநர் பிரசாந்த் நீலுடன் அடுத்தடுத்து இரண்டு படங்களில் நடிகர் அஜித் குமார் நடிக்க உள்ளதாக தகவல் வெளியாகி உள்ளது.

ஐதராபாத்: நடிகர் அஜித் குமார் தற்போது விடாமுயற்சி படத்தில் நடித்துள்ளார். இந்த படத்தை மகிழ் திருமேனி இயக்கியுள்ளார். படத்தின் இறுதிக் கட்ட பணிகள் நடைபெற்று வரும் நிலையில், விரைவில் ரிலீஸ் குறித்து படக்குழு அப்டேட் வெளியிடும் என எதிர்பார்க்கப்படுகிறது. இதனிடையே, ஆதிக் ரவிச்சந்திரன் இயக்கத்தில் நடிகர் அஜித் குமார் குட் பேட் அக்லி படத்தில் நடிக்க உள்ளதாக தெரிவிக்கப்பட்டது.

இது தொடர்பாக படக்குழு போஸ்டர்களை வெளியிட்டு வந்தது. இந்நிலையில், கேஜிஎப், சலார் படங்களின் மூலம் கவனத்தை ஈர்த்த பிரபல இயக்குநர் பிரசாந்த் நீலுடன், நடிகர் அஜித் குமார் இணைந்து இரண்டு படங்களில் பணியாற்றப் போவதாக தகவல் வெளியாகி உள்ளது. இந்த இரண்டு படங்களும் அஜித் குமார் AK64, AK 65 அல்லது AK65, AK66 ஆகிய படங்களாக இருக்கக் கூடும் என எதிர்பார்க்கப்படுகிறது.

கடந்த மாதம் விடாமுயற்சி படத்தின் படபிடிப்பில் நடிகர் அஜித் குமார் மற்றும் இயக்குநர் பிரசாந்த் நீல் ஆகியோர் சந்தித்து பேசிக் கொண்டதகாவும், அப்போது அஜித்தின் மூன்று ஆண்டுகள் கால்ஷீட்டை பிரசாந்த் நீல் கேட்டதாகவும் தகவல் கூறப்படுகிறது. இதில் முதல் படம் மட்டும் தனி கதையம்சத்துடன் பிரம்மாண்டமாக உருவாக்கப்பட உள்ளதாக கூறப்படுகிறது.

#AK and #PrashanthNeel are set to collaborate for two consecutive projects. Their second collaboration will mark the beginning of #PrashanthCinematicUniverse with climax leading to #KGF3. 🔥🔥🔥

OG (Billa , Mankatha, villain) Thala is backkk 🔥🔥🔥🔥pic.twitter.com/mbm8iEs4Vy

— A ʀ ᴀ ᴠ ッ (@Araviii_kohlii_) July 24, 2024

இரண்டாவது படம் கேஜிஎப் மூன்றாவது பாகத்தின் சீக்குவலாக இருக்கக் கூடும் எனத் தகவல் கூறப்படுகிறது. கேஜிஎப் மூன்றாவது பாகத்தில் நடிகர்கள் யாஷ் மற்றும் அஜித் குமாரை இணைந்து நடிக்க வைப்பது குறித்து பிரசாந்த் நீல் திட்டமிட்டுள்ளதாக சொல்லப்படுகிறது. இதன் மூலம் பிரசாந்தி நீலின் சினிமாட்டிக் யூனிவர்சில் நடிகர் அஜித் குமார் இணைவார் என எதிர்பார்க்கப்படுகிறது.

படத்தை பிரபல தயாரிப்பு நிறுவனமான விஜய் கிரகந்தூரின் ஹோம்லே பிலிம்ஸ் தயாரிக்க உள்ளதாக தகவல் வெளியாகி உள்ளது. 2025ஆம் ஆண்டு படப்பிடிப்பை தொடங்க பிரசாந்த் நீல் திட்டமிட்டுள்ளதாக தகவல் வெளியாகி உள்ளது. தற்போது நடிகர் அஜித் குமார் விடாமுயற்சி படத்தில் நடித்து வருகிறார்.

லைகா தயாரிக்கும் இந்தப் படத்துக்கு அனிருத் இசை அமைக்கிறார். திரிஷா, அர்ஜுன், ரெஜினா, ஆரவ் உள்பட பலர் நடிக்கின்றனர். இதன் படப்பிடிப்பு கடந்த ஆண்டு அஜர்பைஜானில் தொடங்கிய நிலையில், அண்மையில் படத்தின் இறுதிக் கட்ட காட்சிகள் அஜர்பைஜானில் நிறைவு பெற்றது.

இதையும் படிங்க: தமிழ் படங்களே இல்லாத IMDb பட்டியல்.. மஞ்சும்மல் பாய்ஸ் படத்திற்கு எந்த இடம்? - IMDb TOP 10 INDIAN MOVIES 2024