மும்பை : இந்தியாவில் வர்த்தகத்தை விரிவுபடுத்த பிரபல கேளிக்கை நிறுவனமான வால்ட் டிஸ்னியும், ரிலையன்ஸ் நிறுவனமும் ஒன்றிணைய ஒப்புக் கொண்டு உள்ளதாக தகவல் தெரிவிக்கப்பட்டு உள்ளது.
ரிலையன்ஸ் நிறுவனத்தின் வியாகாம்18 தனியார் நிறுவனமும், பிரபல கேளிக்கை நிறுவனமான வால்ட் டிஸ்னியும் கூட்டாக இணைந்து வியாகாம்18 மற்றும் ஸ்டார் இந்தியா மூலம் பல்வேறு ஊடக நிகழ்ச்சிகளை வழங்க உள்ளதாக தெரிவிக்கப்பட்டு உள்ளது. இது தொடர்பாக வெளியிடப்பட்டு உள்ள அறிவிப்பில், நீதிமன்ற அனுமதி பெற்ற திட்டத்தின் மூலம் வியாகாம்18 நிறுவனம் ஸ்டார் இந்தியா பிரைவேட் நிறுவனத்துடன் இணைய உள்ளதாக தெரிவிக்கப்பட்டு உள்ளது.
கூடுதலாக, வளர்ச்சி திட்டங்களுக்கான அடிப்படையில் ரிலையன்ஸ் நிறுவனம் ஏறத்தாழ 11 ஆயிரத்து 500 கோடி ரூபாய் முதலீடு செய்ய உள்ளதாக கூறப்பட்டு உள்ளது. இந்த கூட்டு நிறுவனத்தின் தலைவராக நீடா அம்பானியு, துணை தலைவராக உதய் சங்கரும் செயல்பட உள்ளதாக தெரிவிக்கப்பட்டு உள்ளது.
இதையும் படிங்க : ஏர்டெல் நிறுவனர் பாரதி மிட்டலுக்கு இங்கிலாந்தின் உயரிய விருது! இங்கிலாந்து அரசு அறிவிப்பு
