சென்னை: தமிழர் திருநாளான பொங்கல் பண்டிகை இன்று (ஜனவரி 14) தமிழ்நாடு முழுவதும் சிறப்பாக கொண்டாடப்பட்டு வருகிறது. உழவர்களையும் உழவுத் தொழிலையும் கொண்டாடி பெருமைபடுத்தும் நாளாக விளங்கும் பொங்கல் திருவிழா, தமிழர்களின் முக்கியமான பண்பாட்டு அடையாளமாக இருக்கிறது.
உழவிற்கும் நாம் வாழ்வதற்கும் உதவியாக இருக்கும் இயற்கைக்கும் கால்நடைகளுக்கும் நன்றி தெரிவிக்கும் விழாவாக விளங்கும் பொங்கல் திருவிழா. எந்தவித வேறுபாடுகளுமின்றி அனைத்து மக்களாலும் கொண்டாடப்படுகிறது. இந்நிலையில் திரை பிரபலங்களும் அரசியல் தலைவர்களும் தமிழ்நாட்டு மக்களுக்கு தங்களது பொங்கல் வாழ்த்துகளை சமூக ஊடகங்களின் வழியே தெரிவித்து வருகின்றனர்.
உலகெங்கும் வாழும் தமிழ் மக்களுக்கு என்னுடைய இனிய பொங்கல் வாழ்த்துகள்.
— Rajinikanth (@rajinikanth) January 14, 2025
தமிழின் முன்னணி நடிகரான ரஜினிகாந்த் தனது எக்ஸ் பக்கத்தில், ”உலகெங்கும் வாழும் தமிழ் மக்களுக்கு என்னுடைய இனிய பொங்கல் வாழ்த்துகள்” என பொங்கல் வாழ்த்து தெரிவித்துள்ளார். மற்றோரு முன்னணி நடிகரான கமல்ஹாசன் தனது எக்ஸ் பக்கத்தில் ”வரப்பை உயர்த்தினால் நீர் உயர்ந்து, நெல் செழித்து, வாழ்வு வளம் பெறும், நாடு நலம் பெறும் என்பதை உணர்ந்தவர்கள் தமிழர்கள். அறுவடைத் திருநாளில் நம் உழைப்பை உயர்த்துவோம், சிந்தனையின் தரத்தை உயர்த்துவோம். பொங்கல் திருநாளில் அன்பு பொங்கட்டும்” என தனது பொங்கல் வாழ்த்தை தெரிவித்துள்ளார்.
வரப்பை உயர்த்தினால் நீர் உயர்ந்து, நெல் செழித்து, வாழ்வு வளம் பெறும், நாடு நலம் பெறும் என்பதை உணர்ந்தவர்கள் தமிழர்கள். அறுவடைத் திருநாளில் நம் உழைப்பை உயர்த்துவோம், சிந்தனையின் தரத்தை உயர்த்துவோம்.
— Kamal Haasan (@ikamalhaasan) January 14, 2025
பொங்கல் திருநாளில் அன்பு பொங்கட்டும்.#Pongal2025
நடிகர் விஜய் சேதுபதி தனது வாழ்த்தை எக்ஸ் தளத்தில் பகிர்ந்துள்ளார். நடிகர் சிவகார்த்திகேயன் தனது குடும்பத்துடன் பொங்கல் கொண்டாடிய புகைப்படத்தை பதிவிட்டு தனது வாழ்த்தை பதிவிட்டுள்ளார். அதில் ”உங்கள் உள்ளங்களிலும், இல்லங்களிலும் மகிழ்ச்சி பொங்கட்டும். பொங்கலோ பொங்கல்!!, அனைவருக்கும் இனிய தமிழர் திருநாள் நல்வாழ்த்துகள்” என தெரிவித்துள்ளார்.
இதையும் படிங்க: வாடிவாசலுக்கு பின் வெற்றிமாறன் இயக்கும் படம்.. மீண்டும் இணையும் தனுஷ்..
நடிகர் சிலம்பரசன் பொங்கல் மற்றும் சங்கராந்தி என இரு பண்டிகைகளுக்கும் சேர்த்து ஆங்கிலத்தில் வாழ்த்து கூறியுள்ளார். பாடலாசிரியர் வைரமுத்து, ”இதுதான் இறக்குமதி விழா” என பதிவிட்டு பொங்கல் குறித்து தான் எழுதிய கவிதையின் மூலம் வாழ்த்துகளை பகிர்ந்துள்ளார். தமிழ் மக்களின் கலாச்சாரம், உழவு வாழ்க்கை என தமிழர்களுக்கென்ற தனித்துவமான விழா இந்த பொங்கல் விழா என கருத்துகளைக் கொண்டிருந்தது அவரது கவிதை.
உங்கள் உள்ளங்களிலும், இல்லங்களிலும் மகிழ்ச்சி பொங்கட்டும் 🙏🙏
— Sivakarthikeyan (@Siva_Kartikeyan) January 14, 2025
பொங்கலோ பொங்கல்!!
அனைவருக்கும் இனிய தமிழர் திருநாள் நல்வாழ்த்துகள் 😊🙏#HappyPongal #HappySankranti ❤️🤗 pic.twitter.com/B5VsSNsPoZ
மேலும் இசையமைப்பாளர் இமான், நடிகை சிம்ரன் ஆகியோரும் தங்களது எக்ஸ் தளத்தில் பொங்கல் வாழ்த்தை தெரிவித்துள்ளனர். இன்னும் பல பிரபலங்கள் தங்களது வாழ்த்துகளை சமூக ஊடகங்களில் தெரிவித்துக் கொண்டே இருக்கிறார்கள்.
