சென்னை: பிரபல நடிகை ராஷி கண்ணா தனது பிரேக்கப் குறித்து மனம் திறந்து பேசியுள்ளார். ராஷி கண்ணா ஹிந்தியில் 'மெட்ராஸ் கஃபே' திரைப்படம் மூலம் அறிமுகமாகி தெலுங்கு, தமிழில் பல்வேறு படங்களில் நடித்துள்ளார். தமிழில் அஜய் ஞானமுத்து இயக்கிய இமைக்கா நொடிகள் படம் மூலம் அறிமுகமானவர் ராஷி கண்ணா. இந்த படத்தில் அதர்வா, ராஷி கண்ணா ஜோடி மிகப் பெரிய அளவில் வரவேற்பை பெற்றது.
இதனைத்தொடர்ந்து ஜெயம் ரவியுடன் ஜோடி சேர்ந்து 'அடங்க மறு' படத்தில் நடித்தார். பின்னர் விஜய் சேதுபதியுடன் 'சங்கத் தமிழன்', 'துக்ளக் தர்பார்' ஆகிய படங்களில் நடித்தார். தனுஷ் நடிப்பில் வெளியான ‘திருச்சிற்றம்பலம்’ திரைப்படத்தில் ராஷி கண்ணா நடிப்பு ரசிகர்கள் மத்தியில் நல்ல வரவேற்பை பெற்றது. அவர் பேசிய வசனங்கள் சமூக வலைதளங்களில் மீம் டெம்ப்ளேட்டாக வலம் வந்தது.
பின்னர் சர்தார், அரண்மனை 4 ஆகிய படங்களில் நடித்தார். இந்நிலையில் பாலிவுட்டில் விக்ராந்த் மேசி, ராஷி கண்ணா நடிப்பில் 'The Sabarmathi Report' திரைப்படம் இன்று திரையரங்குகளில் வெளியாகியுள்ளது. இப்படத்தை விளம்பரப்படுத்தும் நோக்கத்தில் தனது இன்ஸ்க்டாகிராம் பக்கத்தில் லைவ் வந்தார் ராஷி கண்ணா. அப்போது அவர் காதல் தோல்வி குறித்து மனம் திறந்து பேசியுள்ளார்.
அந்த வீடியோவில் "எனக்கு காதல் தோல்வி ஏற்பட்டது, என் வாழ்வில் மிகவும் மோசமான காலம். அப்போது பெரும் மன உளைச்சலில் இருந்தேன். என் நண்பர்கள், வேலை மூலமாக அந்த மன உளைச்சலில் இருந்து வெளியே வந்தேன். அப்போது தெலுங்கில் நான் நடித்த முதல் படம் வெளியானது.
இதையும் படிங்க: சூர்யா திரை வாழ்வில் அதிக வசூல்; 'அமரன்' திரைப்பட வசூலை முறியடித்த 'கங்குவா'!
பின்னர் திருப்பதி கோயிலுக்கு சென்ற போது மக்கள் என்னை சூழ்ந்து கொண்டனர். அப்போது தான் நடிகைகளுக்கு எவ்வளவு புகழ் கிடைக்கும் என்பதை தெரிந்து கொண்டேன். அதற்கு பிறகு நடிப்பை மட்டும் காதலித்து வருகிறேன்". என கூறியுள்ளார். ராஷி கண்ணா, ஜீவா, அர்ஜூன் ஆகியோர் நடித்துள்ள ‘அகத்தியா’ திரைப்படம் வரும் டிசம்பர் மாதம் வெளியாகவுள்ளதாக கூறப்படுகிறது.
ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்
