சென்னை: பா.ரஞ்சித் இயக்கத்தில் விக்ரம், மாளவிகா மோகனன், பார்வதி, பசுபதி உள்ளிட்ட பலர் நடிப்பில் கடந்த ஆகஸ்ட் 15ஆம் தேதி வெளியான திரைப்படம் 'தங்கலான்'. ஸ்டுடியோ கிரீன் ஞானவேல்ராஜா தயாரித்துள்ள இப்படத்திற்கு ஜீ.வி.பிரகாஷ் இசையமைத்துள்ளார். தமிழ், தெலுங்கு, மலையாளம் ஆகிய மொழிகளில் வெளியான தங்கலான் திரைப்படம் ரசிகர்கள் மத்தியில் கலவையான விமர்சனங்களை பெற்று வருகிறது.
எனினும் தங்கலான் திரைப்படம் பாக்ஸ் ஆபிஸில் நல்ல வசூலை பெற்று வருகிறது. தங்கலான் ரிலீசாகி 4 நாட்களில் கிட்டத்தட்ட 50 கோடி வரை வசூல் செய்துள்ளதாக பிரபல சினிமா வர்த்தக இணையதளம் சாக்னில்க் தெரிவித்துள்ளது. அந்த வகையில் சென்னையில் நேற்று (ஆகஸ்ட் 18) சில முக்கிய திரையரங்குகளில் நடிகர் விக்ரம் உள்ளிட்ட தங்கலான் படக் குழுவினர் ரசிகர்களுடன் அமர்ந்து படம் பார்த்தனர். இந்நிலையில் நேற்று இரவு சென்னை குரோம்பேட்டை வெற்றி திரையரங்கில் தங்கலான் திரையிடப்பட்டது.
அப்போது திடீரென நடிகர் விக்ரம் மற்றும் இயக்குநர் பா ரஞ்சித் திடீரென திரையரங்கிற்குள் நுழைந்து ரசிகர்களுக்கு இன்ப அதிர்ச்சி கொடுத்தனர். மேலும் ரசிகர்களுடன் அமர்ந்து விக்ரம் மற்றும் பா ரஞ்சித் ஆகியோர் பார்த்து ரசித்தினர். மேலும் தங்கலான் திரைப்படம் நல்ல வசூலை பெற்று வருவதை கொண்டாடும் வகையில், விக்ரம் மற்றும் பா.ரஞ்சித் ஆகியோர் திரையரங்கில் ரசிகர்களுடன் கேக் வெட்டினர். இதனையடுத்து நடிகர் விக்ரம் ரசிகர்களுடன் உரையாடி, தங்கலான் படத்தை வெற்றி பெற வைத்ததற்கு நன்றி என கூறினார்.
ஈடிவி பாரத் தமிழ் வாட்ஸ்ஆப் சேனலில் இணைய இங்கே கிளிக் செய்யவும்
இதையும் படிங்க: வேட்டையன் Vs கங்குவா.. வெளியானது 'வேட்டையன்' பட ரிலீஸ் தேதி! - vettaiyan release date
