சென்னை: நடிகர் மோகன்லால் த்ரிஷயம் 3ஆம் பாகம் குறித்து பேசியுள்ளார். ஜீத்து ஜோசப் இயக்கத்தில் மோகன்லால், மீனா உள்ளிட்ட பலர் நடித்து கடந்த 2013இல் வெளியான திரைப்படம் ‘த்ரிஷயம்’ (Drishyam). இப்படம் இந்தியா அளவில் மாபெரும் வெற்றி பெற்றது. ஒரு சாமானியன் தனது குடும்பத்திற்கு ஏற்படும் பிரச்சனையை எவ்வாறு சமாளித்து அவர்களை காப்பாற்றுகிறார், தனது புத்திசாலித்தனத்தால் எவ்வாறு தப்பிக்கிறார் என்பதே த்ரிஷயம் திரைப்படத்தின் கதை.
மிகவும் சாதாரண கதையை கொண்டு, சீட் நுனியில் அமர வைக்கும் அளவுக்கு விறுவிறுப்பான க்ரைம் த்ரில்லர் படமாக த்ரிஷயம் படத்தை ஜீத்து ஜோசப் உருவாக்கியிருந்தார். இந்த படத்தில் மோகன்லால் உள்ளிட்ட நடிகர்கள் மிகவும் இயல்பான நடிப்பை வெளிப்படுத்தி பாராட்டை பெற்றனர். மலையாளத்தில் உருவான த்ரிஷயம் திரைப்படம் தமிழ், தெலுங்கு, ஹிந்தி ஆகிய மொழிகளில் ரீமேக் செய்யப்பட்டது.
இந்திய சினிமாவையே திரும்பிக் பார்க்க வைத்த த்ரிஷயம் திரைப்படம், மலையாள சினிமாவின் தலையெழுத்தையே மாற்றியது. இது மட்டுமின்றி சீன மொழியில் ரீமேக் செய்யப்பட்ட முதல் இந்திய படம் என்ற பெருமையை த்ரிஷயம் பெற்றது. தமிழில் ஜீத்து ஜோசப் இயக்கத்தில் கமல்ஹாசன் நடித்து ’பாபநாசம்’ என்ற தலைப்பில் ரீமேக் செய்யப்பட்டது. த்ரிஷயம் இரண்டாம் பாகமும் சினிமா ரசிகர்கள் மத்தியில் வரவேற்பை பெற்று ஹிந்தி உள்ளிட்ட பல மொழிகளில் ரீமேக் செய்யப்பட்டது.
இந்நிலையில் த்ரிஷயம் 3 திரைப்படம் எடுக்கப்படுவது குறித்து மோகன்லால் பேசியுள்ளார். மோகன்லால் இயக்கி, நடித்துள்ள ’பரோஸ்’ (Barroz) 3டி பேண்டஸி திரைப்படம் கிறிஸ்துமஸ் பண்டிகையை முன்னிட்டு நாளை( டிச.25) வெளியாகிறது. பரோஸ் திரைப்படம் மலையாளம், தமிழ் உள்ளிட்ட மொழிகளில் வெளியாகிறது. இப்படத்திற்கு லிடியன் நாதஸ்வரம் இசையமைத்துள்ளார்.
இதையும் படிங்க: "மாஸ் ஃப்ளாப் ஆன போது பட வாய்ப்பு கிடைக்கவில்லை" - மனம் திறந்த வெங்கட் பிரபு! - VENKAT PRABHU
இந்நிலையில் பரோஸ் திரைப்பட புரமோஷனில் மோகன்லால் பேசுகையில், “த்ரிஷயம் திரைப்படம் மலையாள சினிமாவின் போக்கையே மாற்றியது. உலகம் முழுவதும் மலையாள சினிமாவை பார்க்க தொடங்கினர். குஜராத்திற்கு படப்பிடிப்பிற்காக சென்ற போது கூட ’த்ரிஷயம்’ பட பேரை சொல்லி என்னை அடையாளம் கண்டு கொண்டனர். மலையாள சினிமாவிற்கு பேன் இந்தியா அளவில் கொண்டு சென்றது த்ரிஷயம் படம். தற்போது த்ரிஷயம் 3 உருவாக்க திட்டமிட்டு வருகிறோம்” என கூறியுள்ளார். த்ரிஷயம் 3 குறித்து மோகன்லால் பேசியுள்ள வீடியோ இணையத்தில் வைரலாகி வருகிறது.
