மும்பை: மும்பை பகுதியில் உள்ள ஜாவ்லே கிராமத்தில் நேற்று (அக்டோபர் 30) தீபாவளி கொண்டாட்டம் களைகட்டியது. ஆனால், ஒரு கிராமத்திற்கு மட்டும் அது சோக இரவாக மாறியிருக்கிறது. இங்குள்ள மளிகைக் கடையில் ஏற்பட்ட வெடிவிபத்தில் தாய், மகன், மகள் என மூன்று பேர் உயிரிழந்த சம்பவம் பெரும் சோகத்தை ஏற்படுத்தியுள்ளது. இதில் ஒருவர் மருத்துவமனை கொண்டு செல்லும் வழியில் இறந்ததாகப் காவல்துறை தரப்பில் தெரிவிக்கப்பட்டுள்ளது.
ஐந்து கிலோ எடையுள்ள மூன்று சிலிண்டர்கள் வெடித்ததில் இந்த கோர விபத்து நடந்துள்ளது. இந்த சம்பவத்தில் ஒருவர் பலத்த தீக்காயம் அடைந்ததாக காவல்துறை தரப்பில் தெரிவிக்கப்பட்டுள்ளது. அவர் அருகில் உள்ள மருத்துவமனையில் தீவிர சிகிச்சைப் பிரிவில் அனுமதிக்கப்பட்டுள்ளார். தீயணைப்பு வாகனங்கள் சம்பவ இடத்திற்கு வந்ததையடுத்து தீ கட்டுக்குள் கொண்டுவரப்பட்டது.
| இதையும் படிங்க |
காவல்துறை நடத்திய முதற்கட்ட விசாரணையில், இந்த கடையில் திருட்டுத்தனமாக பெட்ரோல், டீசல் விற்பனை செய்துவந்ததாகக் கூறப்படுகிறது. எனினும், இதன் தீவிரத்தை உணர்ந்த காவல்துறையினர், எதனால் விபத்து நிகழ்ந்தது என்பதைக் கண்டுபிடிக்க தொடர்ந்து விசாரணை மேற்கொண்டு வருகின்றனர்.
ஈடிவி பாரத் தமிழ் வாட்ஸ்ஆப் சேனலில் இணைய இங்கே கிளிக் செய்யவும்.
