கொல்கத்தா: மேற்கு வங்க மாநிலம் கொல்கத்தாவில் உள்ள கார்டன் ரீச் பகுதியில் 5 மாடி கட்டிடம் ஒன்று கட்டப்பட்டு வந்துள்ளது. இதற்கு உரிய பாதுகாப்பு ஏற்பாடு உள்ளிட்ட எந்த விதமான அனுமதியும் பெறவில்லை என கூறப்படுகிறது.
இந்த கட்டிடத்தில் தொழிலாளர்கள் வழக்கம் போல் இன்று அதிகாலை பணியாற்றிக் கொண்டு இருந்தனர். அப்போது கட்டிடம் திடீரென இடிந்து விழுந்தது. இது குறித்து உடனடியாக போலீசார் மற்றும் தீயணைப்புத்துறையினருக்குத் தகவல் தெரிவிக்கப்பட்டது.
இதனையடுத்து, சம்பவ இடத்திற்கு விரைந்து வந்த தீயணைப்புத்துறையினர், உடனடியாக மீட்புப் பணிகளைத் துவங்கினர். இதில் 13 பேர் இதுவரை மீட்கப்பட்டுள்ள நிலையில், நான்கு பேர் உயிரிழந்துள்ளதாகத் தகவல்கள் வெளியாகியுள்ளன. இந்த விபத்தில் மேலும், சிலர் சிக்கி இருக்கலாம் என அச்சமடைந்துள்ளனர்.
இது குறித்து மேற்கு வங்க தீயணைப்பு மற்றும் அவசர சேவை அமைச்சர் சுஜித் போஸ் கூறுகையில், "இந்த விபத்தில் 13 பேர் சம்பவ இடத்திலிருந்து மீட்கப்பட்டுள்ளனர். இதில், 2 பேர் சிகிச்சை பலனின்றி உயிரிழந்துள்ளதாக மருத்துவர்கள் தெரிவித்துள்ளார். இந்த விபத்தில் உயிரிழந்தவர்களின் குடும்பத்தார்க்கு 5 லட்சமும், காயமடைந்தவர்களுக்கு ரூ.1லட்சம் வழங்கப்படும்" என தெரிவித்தார்.
இதற்கிடையில் அம்மாநில முதலமைச்சர் மம்தா பானர்ஜி, சம்பவ இடத்தை பார்வையிட்டு,மருத்துவமனையில் அனுமதிக்கப்பட்டுள்ளவர்களைச் சந்தித்தார். இது குறித்து செய்தியாளர்களைச் சந்தித்த அவர் பேசுகையில், "விபத்து நேர்ந்த உடன் மீட்புப்பணிகள் உடனடியாக மீட்புப் பணிகள் உடனடியாக துவங்கப்பட்டது. இந்த விபத்தில் 2 பேர் உயிரிழந்துள்ளனர்.
மேலும், சிலர் சிக்கி இருக்கலாம் என அஞ்சப்படுகிறது. அவர்களும் விரைவில் மீட்கப்படுவார்கள். விபத்து ஏற்பட்டுள்ள இந்த கட்டிடம் சட்டவிரோதமாகக் கட்டப்பட்டுள்ளது தெரிய வந்துள்ளது. மாநில அரசு சார்பில் இந்த கட்டிடம் கட்டுவதற்கான அனுமதி அதிகாரப்பூர்வமாக வழங்கப்படவில்லை.
இது குறித்து விசாரணை நடத்த உத்தரவிடப்பட்டுள்ளது. மேலும், சட்ட விரோதமாக இந்த கட்டுமான பணிகளை மேற்கொண்டவர்கள் மீது கடும் நடவடிக்கை எடுக்கப்படும் என உறுதியளித்தார். தொடர்ந்து பேசிய அவர், உயிரிழந்தவர்கள் மற்றும் படுகாயம் அடைந்தவர்களுக்கு அரசு சார்பில் நிதி உதவி அளிக்கப்படும். அருகாமையில் உள்ள சில வீடுகளும் சேதம் அடைந்துள்ளது. அவர்களுக்கும் அரசு உரிய உதவிகளை வழங்கும்” என தெரிவித்துள்ளார்.
இதையும் படிங்க:பாஜகவில் இருந்து வெளியேறிய பிறகு அதிமுக சிறப்பாக உள்ளது: செல்லூர் ராஜூ கருத்து
