ਅੰਮ੍ਰਿਤਸਰ ਦੇ ਜੰਡਿਆਲਾ ਗੁਰੂ ਵਿਖੇ ਪਰਾਲੀ ਨੂੰ ਲੱਗੀ ਅੱਗ

ਅੰਮ੍ਰਿਤਸਰ: ਜੰਡਿਆਲਾ ਗੁਰੂ ਨੇੜੇ ਗੁੱਜਰ ਪਰਿਵਾਰ ਦੇ ਲੋਕਾਂ ਵੱਲੋਂ ਇਕੱਠੀ ਕੀਤੀ ਗਈ ਪਰਾਲੀ ਨੂੰ ਅੱਗ ਲੱਗ ਲੱਗਣ ਦੀ ਸੂਚਨਾ ਹੈ। ਅੱਗ ਕਾਰਨ ਨੇੜੇ-ਤੇੜੇ ਪਈ ਪਰਾਲੀ ਵੀ ਪੂਰੀ ਜਲ ਕੇ ਸਵਾਹ ਹੋ ਗਈ। ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਜਿਸ ਵਿਅਕਤੀ ਦੀ ਪਰਾਲੀ ਹੈ ਉਹ ਕਿਸੇ ਕੰਮ ਕਾਰਨ ਦੂਜੇ ਰਾਜ ਵਿੱਚ ਗਿਆ ਹੋਇਆ ਹੈ। ਪਰਾਲੀ ਨੂੰ ਅੱਗ ਲੱਗਣ ਨਾਲ ਕਰੀਬ ਡੇਢ ਤੋਂ ਦੋ ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਅੱਗ ਬੁਝਾਊ ਵਿਭਾਗ ਦੀ ਸਿਰਫ਼ ਇੱਕ ਗੱਡੀ ਹੀ ਆਈ, ਜੋ ਪਾਣੀ ਖ਼ਤਮ ਹੋਣ ਕਾਰਨ ਚਲੀ ਗਈ ਪਰੰਤੂ ਫਿਰ ਕੋਈ ਗੱਡੀ ਨਹੀਂ ਆਈ। ਲੋਕਾਂ ਨੇ ਪ੍ਰਸ਼ਾਸਨ ਅਤੇ ਸਰਕਾਰ ਨੂੰ ਮਦਦ ਦੀ ਗੁਹਾਰ ਲਗਾਈ ਹੈ।