ਸ਼ਿਵ ਸੈਨਾ ਪੰਜਾਬ ਨੇ CAA ਦੇ ਹੱਕ 'ਚ ਕੀਤਾ ਪ੍ਰਦਰਸ਼ਨ

ਪਟਿਆਲਾ: ਪੂਰੇ ਭਾਰਤ ਵਿੱਚ CAA ਤੇ NRC ਵਿਰੁੱਧ ਰੋਸ ਪ੍ਰਦਰਸ਼ਨ ਹੋ ਰਹੇ ਹਨ। ਇਸ ਪ੍ਰਦਰਸ਼ਨ 'ਚ ਮੁਸਲਿਮ ਸੰਗਠਨ CAA ਦੇ ਵਿਰੁੱਧ ਜ਼ਿਆਦਾ ਰੋਸ ਮੁਜ਼ਾਹਰਾ ਕਰ ਰਹੇ ਹਨ। ਪਟਿਆਲਾ ਵਿੱਚ ਅੱਜ ਸ਼ਿਵ ਸੈਨਾ ਪੰਜਾਬ ਵੱਲੋਂ CAA ਦੇ ਹੱਕ ਵਿੱਚ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਦੌਰਾਨ ਉਨ੍ਹਾਂ ਨਾਅਰੇਬਾਜ਼ੀ ਵੀ ਕੀਤੀ। ਇਹ ਪ੍ਰਦਰਸ਼ਨ ਸੀਏਏ ਦੇ ਹੱਕ ਵਿੱਚ ਪਟਿਆਲਾ ਦੇ ਨਹਿਰੂ ਪਾਰਕ ਤੋਂ ਚੱਲ ਕੇ ਸਾਰੇ ਸਮਾਜ ਲਾਹੌਰੀ ਗੇਟ ਹੁੰਦਾ ਹੋਇਆ, ਸ਼ੇਰਾਂ ਵਾਲੇ ਗੇਟ ਵਿੱਚ ਦੀ ਹੋ ਕੇ ਪਟਿਆਲਾ ਦੇ ਬੱਸ ਅੱਡੇ ਤੱਕ ਚੱਲਿਆ। CAA ਦੇ ਹੱਕ ਵਿੱਚ ਪ੍ਰਦਰਸ਼ਨ ਕਰ ਰਹੇ ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਕਿ ਇਹ ਕਾਨੂੰਨ ਦੇਸ਼ ਦੇ ਹਿੱਤ ਲਈ ਹੈ, ਇਸ ਲਈ ਇਸ ਦਾ ਵਿਰੋਧ ਨਾ ਕੀਤਾ ਜਾਵੇ।