ਤਲਵੰਡੀ ਸਾਬੋ 'ਚ ਰੈਪਿਡ ਕੋਰੋਨਾ ਟੈਸਟ ਹੋਏ ਆਰੰਭ

ਤਲਵੰਡੀ ਸਾਬੋ: ਪੰਜਾਬ ਦੇ ਨਾਲ-ਨਾਲ ਇਤਿਹਾਸਿਕ ਨਗਰ ਤਲਵੰਡੀ ਸਾਬੋ ਵਿੱਚ ਵੀ ਕੋਰੋਨਾ ਮਰੀਜ਼ਾਂ ਦੀ ਵਧ ਰਹੀ ਗਿਣਤੀ ਨੂੰ ਦੇਖਦਿਆਂ ਪੰਜਾਬ ਸਰਕਾਰ ਅਤੇ ਸਿਹਤ ਵਿਭਾਗ ਨੇ ਸਬ-ਡਵੀਜ਼ਨਲ ਹਸਪਤਾਲ ਤਲਵੰਡੀ ਸਾਬੋ ਵਿਖੇ ਹੁਣ ਮਰੀਜ਼ਾਂ ਲਈ ਆਰ.ਏ.ਟੀ (ਰੈਪਿਡ ਐਂਟੀਜਨ ਟੈਸਟ) ਟੈਸਟਾਂ ਦੀ ਆਰੰਭਤਾ ਕਰ ਦਿੱਤੀ ਹੈ। ਹਸਪਤਾਲ ਪ੍ਰਬੰਧਕਾਂ ਨੇ ਕਿਹਾ ਕਿ ਪਹਿਲਾਂ ਜਿਹੜੇ ਕੋਰੋਨਾ ਟੈਸਟ ਹਸਪਤਾਲ ਵਿੱਚ ਕੀਤੇ ਜਾਂਦੇ ਸਨ, ਉਨ੍ਹਾਂ ਨੂੰ ਮੈਡੀਕਲ ਕਾਲਜ ਫ਼ਰੀਦਕੋਟ ਭੇਜਿਆ ਜਾਂਦਾ ਸੀ ਜਿਸ ਕਰਕੇ ਰਿਪੋਰਟ ਤੀਜੇ ਦਿਨ ਆਉਂਦੀ ਸੀ, ਪਰ ਹੁਣ ਇਸ ਟੈਸਟ ਨਾਲ ਰਿਪੋਰਟ ਹਸਪਤਾਲ ਅੰਦਰ ਹੀ ਅੱਧੇ ਘੰਟੇ ਵਿੱਚ ਮਿਲ ਸਕੇਗੀ।