ਘਰ ਦੀ ਕੰਧ ਨੂੰ ਪੌੜੀ ਲਗਾਕੇ ਲੱਖਾਂ ‘ਤੇ ਕੀਤਾ ਹੱਥ ਸਾਫ਼

ਜਲੰਧਰ: ਸ਼ਹਿਰ ਵਿੱਚ ਚੋਰੀ ਦੀਆਂ ਵਾਰਦਾਤਾਂ ਦਿਨ ਬ ਦਿਨ ਵਧਦੀਆਂ ਹੀ ਜਾ ਰਹੀਆਂ ਹਨ। ਜਿਸ ਕਰਕੇ ਲੋਕਾਂ ਵਿੱਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ। ਅਜਿਹਾ ਹੀ ਇੱਕ ਮਾਮਲਾ ਗ੍ਰੀਨ ਐਵੀਨਿਊ (Green Avenue) ਤੋਂ ਸਾਹਮਣੇ ਆਇਆ ਹੈ। ਜਿੱਥੇ ਰਾਤ ਦੇ ਕਰੀਬ ਡੇਢ ਵਜੇ ਚੋਰਾਂ ਨੇ ਇੱਕ ਘਰ ਨੂੰ ਨਿਸ਼ਾਨਾਂ ਬਣਾਇਆ ਹੈ। ਇਸ ਘਟਨਾ ਵਿੱਚ ਲੱਖਾਂ ਦੇ ਗਹਿਣੇ (Jewelry) ਤੇ ਕੈਸ਼ (Cash) ਲੈਕੇ ਫਰਾਰ ਹੋ ਗਏ ਹਨ। ਘਰ ਦੇ ਮਾਲਕ ਮੁਤਾਬਕ ਚੋਰ 4 ਤੋਂ 5 ਲੱਖ ਦਾ ਨੁਕਸਾਨ ਕਰਕੇ ਫਰਾਰ ਹੋ ਗਏ ਹਨ। ਉੱਥੇ ਹੀ ਮੌਕੇ ‘ਤੇ ਪੁੱਜੇ ਥਾਣਾ ਭਾਰਗੋ ਕੈਂਪ ਦੇ ਏ.ਐੱਸ.ਆਈ (A.S.I.) ਸੋਮਨਾਥ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਮਾਮਲਾ ਦਰਜ ਕਰਕੇ ਇਸ ਦੀ ਤਫਤੀਸ਼ ਕੀਤੀ ਜਾ ਰਹੀ ਹੈ। ਅਤੇ ਜਲਦ ਹੀ ਮੁਲਜ਼ਮਾਂ ਨੂੰ ਕਾਬੂ ਕਰ ਲਿਆ ਜਾਵੇਗਾ।