ਅਵਾਰਾ ਪਸ਼ੂਆਂ ਨੂੰ ਟਰਾਲੀਆਂ 'ਚ ਭਰ ਕੇ ਲੁਧਿਆਣਾ ਪਹੁੰਚੇ ਕਿਸਾਨਾਂ ਨੇ ਸਰਕਾਰ ਨੂੰ ਦਿੱਤੀ ਚੇਤਾਵਨੀ

ਕਿਸਾਨ ਯੂਨੀਅਨ ਲੱਖੋਵਾਲ ਵੱਲੋਂ ਵੀਰਵਾਰ ਨੂੰ ਸੈਂਕੜਿਆਂ ਦੀ ਤਦਾਦ ਵਿੱਚ ਅਵਾਰਾ ਪਸ਼ੂ ਲੁਧਿਆਣਾ ਡੀਸੀ ਦਫ਼ਤਰ ਛੱਡਣ ਲਈ ਲਿਆਂਦੇ ਗਏ। ਪਸ਼ੂਆਂ ਨਾਲ ਭਰੀਆਂ ਟਰਾਲੀਆਂ ਸ਼ਹਿਰ ਵਿੱਚ ਲਿਆਉਣ ਨਾਲ ਸ਼ਹਿਰ ਵਿੱਚ ਜਾਮ ਲੱਗ ਗਿਆ। ਪੁਲਿਸ ਪ੍ਰਸ਼ਾਸਨ ਵੱਲੋਂ ਕਿਸਾਨਾਂ ਨੂੰ ਰਾਹ ਵਿੱਚ ਹੀ ਰੋਕੇ ਜਾਣ ਤੋਂ ਬਾਅਦ ਐਸਡੀਐਮ ਨੇ ਇੱਕ ਗਰਾਊਂਡ ਵਿੱਚ 2-2 ਟਰਾਲੀਆਂ ਕਰਕੇ ਕਿਸਾਨਾਂ ਨੂੰ ਉਹ ਜਾਨਵਰ ਛੱਡਣ ਲਈ ਕਿਹਾ ਪਰ ਕਿਸਾਨਾਂ ਨੇ ਸਾਰੀਆਂ ਟਰਾਲੀਆਂ ਇੱਕ ਹੀ ਗਰਾਊਂਡ ਵਿੱਚ ਖਾਲੀ ਕਰ ਦਿੱਤੀਆਂ।