ਗੁਰਦਾਸਪੁਰ 'ਚ ਚਿੱਟੇ ਦੁੱਧ ਦਾ ਕਾਲਾ ਕਾਰੋਬਾਰ, 2 ਟਰੱਕ ਡਰਾਈਵਰਾਂ ਵਿਰੁੱਧ ਮਾਮਲਾ ਦਰਜ

ਗੁਰਦਾਸਪੁਰ: ਸ਼ਹਿਰ 'ਚ ਚਿੱਟੇ ਦੁੱਧ ਦਾ ਕਾਲਾ ਕਾਰੋਬਾਰ ਕਰਨ ਵਾਲੇ 2 ਟਰੱਕ ਡਰਾਈਵਰਾਂ 'ਤੇ ਮਿਲਾਵਟਖੋਰੀ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਿਸ ਨੇ ਦੁੱਧ 'ਚ ਮਿਲਾਵਟਖੋਰੀ ਸਿੱਧ ਹੋਣ 'ਤੇ ਕਰੀਬ 31 ਹਜ਼ਾਰ ਲਿਟਰ ਦੁੱਧ ਨੂੰ ਨਸ਼ਟ ਕਰ ਦਿੱਤਾ। ਇਹ ਮਾਮਲਾ ਉਸ ਵੇਲੇ ਸਾਮਣੇ ਆਇਆ ਜਦੋਂ ਵੇਰਕਾ ਮਿਲਕ ਪਲਾਂਟ ਮੋਹਾਲੀ ਤੋਂ ਗੁਰਦਾਸਪੁਰ ਦੇ ਮਿਲਕ ਪਲਾਂਟ 'ਚ ਸਪਲਾਈ ਕੀਤਾ ਜਾ ਰਿਹਾ ਸੀ। ਦੁੱਧ ਦੀ ਜਾਂਚ ਕੀਤੀ ਗਈ ਤਾਂ ਦੁੱਧ ਵਿੱਚ ਮਿਲਾਵਟਖੋਰੀ ਸਿੱਧ ਹੋਈ। ਇਸ ਦੀ ਭਣਕ ਜਦ ਟਰੱਕ ਦੇ ਡਰਾਈਵਰਾਂ ਨੂੰ ਲੱਗੀ ਤਾਂ ਡਰਾਈਵਰ ਦੋਵੇਂ ਟਰੱਕ ਮੌਕੇ 'ਤੇ ਛੱਡ ਫਰਾਰ ਹੋ ਗਏ। ਪੁਲਿਸ ਨੇ ਦੋਹਾਂ ਟੈਂਕਰ ਚਾਲਕਾਂ ਵਿਰੁੱਧ ਮਾਮਲਾ ਦਰਜ ਕਰ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।