ਖੇਡ ਮੈਦਾਨਾਂ 'ਚ ਪਿਆ ਕਰੋਨਾ ਦਾ ਅਸਰ, ਪੰਜਾਬ ਪੁਲਿਸ ਨੇ ਗੋਲਫ ਦਾ ਮੈਦਾਨ ਕੀਤਾ ਬੰਦ

ਦੁਨੀਆਂ ਭਰ ਵਿੱਚ ਆਪਣੀ ਦਹਿਸ਼ਤ ਫੈਲਾ ਚੁੱਕੇ ਕੋਰੋਨਾ ਵਾਇਰਸ ਦਾ ਖੌਫ਼ ਹੁਣ ਲੋਕਾਂ ਦੀ ਸੁਰੱਖਿਆ ਕਰਨ ਵਾਲੀ ਪੰਜਾਬ ਪੁਲਿਸ ਦੇ ਖੇਡ ਮੈਦਾਨਾਂ 'ਤੇ ਵੀ ਨਜ਼ਰ ਆਉਣ ਲੱਗ ਪਿਆ ਹੈ। ਇਸ ਗੱਲ ਦਾ ਅੰਦਾਜ਼ਾ ਇਸੇ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਕੋਰੋਨਾ ਨੂੰ ਵੇਖਦਿਆਂ ਜਲੰਧਰ ਦੇ ਪੀਏਪੀ ਕੈਂਪਸ ਸਥਿਤ ਗੋਲਫ ਰੇਂਜ ਅਤੇ ਗੋਲਫ ਕਲੱਬ ਨੂੰ 31 ਮਾਰਚ ਤੱਕ ਬੰਦ ਕਰ ਦਿੱਤਾ ਗਿਾ ਹੈ। ਇਹ ਫੈਸਲਾ ਪੰਜਾਬ ਪੁਲਿਸ ਦੇ ਆਲਾ ਅਧਿਕਾਰੀਆਂ ਵੱਲੋਂ ਲਿਆ ਗਿਆ। ਇਹ ਵੀ ਆਖਿਆ ਜਾ ਰਿਹਾ ਹੈ ਕਿ ਜੇਕਰ ਜ਼ਰੂਰਤ ਮਹਿਸੂਸ ਹੋਈ ਤਾਂ ਬੰਦ ਦੇ ਇਹ ਹੁਕਮ ਅੱਗੇ ਵੀ ਵਧਾਏ ਜਾ ਸਕਦੇ ਹਨ।