ਨਿਊਯਾਰਕ: ਵੇਲ ਕਾਰਨੇਲ ਮੈਡੀਸਨ, ਜੌਨਸ ਹੌਪਕਿਨਜ਼ ਯੂਨੀਵਰਸਿਟੀ ਸਕੂਲ ਆਫ਼ ਮੈਡੀਸਨ ਅਤੇ ਕੋਲੰਬੀਆ ਯੂਨੀਵਰਸਿਟੀ ਇਰਵਿੰਗ ਮੈਡੀਕਲ ਸੈਂਟਰ ਦੇ ਖੋਜਕਰਤਾਵਾਂ ਨੇ ਦਿਖਾਇਆ ਹੈ ਕਿ ਚਿੰਤਾ ਵਾਲੀਆਂ ਗਰਭਵਤੀ ਔਰਤਾਂ ਵਿੱਚ ਇੱਕ ਇਮਿਊਨ ਸਿਸਟਮ ਹੁੰਦਾ ਹੈ। ਜੋ ਚਿੰਤਾ ਕਾਰਨ ਗਰਭ ਅਵਸਥਾ ਅਤੇ ਬੱਚੇ ਦੇ ਜਨਮ ਹੋਣ ਤੋਂ ਬਾਅਦ ਦੇ ਸਮੇਂ ਦੌਰਾਨ ਔਰਤਾਂ ਦੇ ਇਮਿਊਨ ਸਿਸਟਮ ਨੂੰ ਪ੍ਰਭਾਵਤ ਕਰ ਸਕਦਾ ਹੈ।
ਗਰਭਵਤੀ ਔਰਤਾਂ ਵਿੱਚ cytotoxic T cells ਅਤੇ ਇਮਿਊਨ ਸੈੱਲਾਂ ਦੀ ਵੱਡੀ ਮਾਤਰਾ: ਇੱਕ ਖੋਜ ਜੋ 14 ਸਤੰਬਰ ਨੂੰ ਬ੍ਰੇਨ, ਵਿਵਹਾਰ ਅਤੇ ਇਮਿਊਨਿਟੀ ਜਰਨਲ ਵਿੱਚ ਜਾਰੀ ਕੀਤੀ ਗਈ ਸੀ, ਦਰਸਾਉਂਦੀ ਹੈ ਕਿ ਚਿੰਤਤ ਗਰਭਵਤੀ ਔਰਤਾਂ ਵਿੱਚ cytotoxic T cells ਅਤੇ ਇਮਿਊਨ ਸੈੱਲਾਂ ਦੀ ਵੱਡੀ ਮਾਤਰਾ ਹੁੰਦੀ ਹੈ। ਇਸਦੇ ਨਾਲ ਹੀ ਚਿੰਤਤ ਔਰਤਾਂ ਵਿੱਚ ਖੂਨ ਸੰਚਾਰ ਕਰਨ ਵਾਲੇ ਇਮਯੂਨੋਲੋਜੀਕਲ ਮਾਰਕਰ ਵੱਖਰੇ ਤਰੀਕੇ ਨਾਲ ਵਿਵਹਾਰ ਕਰਦੇ ਹਨ। ਦੱਸ ਦਈਏ ਕਿ ਚਿੰਤਾ ਵਾਲੀਆਂ ਔਰਤਾਂ ਵਿੱਚ ਇੱਕ ਇਮਿਊਨ ਸਿਸਟਮ ਦਿਖਾਈ ਦਿੰਦਾ ਹੈ ਜੋ ਗਰਭ ਅਵਸਥਾ ਦੌਰਾਨ ਅਤੇ ਜਣੇਪੇ ਤੋਂ ਬਾਅਦ ਸਿਹਤਮੰਦ ਔਰਤਾਂ ਨਾਲੋਂ ਵੱਖਰਾ ਵਿਵਹਾਰ ਕਰਦਾ ਹੈ।
ਗਰਭਵਤੀ ਔਰਤਾਂ ਨੂੰ ਡਰ: ਇਹ ਅਧਿਐਨ ਗਰਭਵਤੀ ਔਰਤਾਂ ਵਿੱਚ ਚਿੰਤਾ ਦੇ ਬਿਹਤਰ ਇਲਾਜ ਨੂੰ ਉਤਸ਼ਾਹਿਤ ਕਰ ਸਕਦਾ ਹੈ। ਡਾ. ਓਸਬੋਰਨ, ਜੋ ਕਿ ਨਿਊਯਾਰਕ-ਪ੍ਰੇਸਬੀਟੇਰੀਅਨ/ਵੇਲ ਕਾਰਨੇਲ ਮੈਡੀਕਲ ਸੈਂਟਰ ਵਿੱਚ ਇੱਕ ਮਨੋਵਿਗਿਆਨੀ ਵੀ ਹੈ। ਇੱਕ ਡਾਕਟਰ ਹੋਣ ਦੇ ਨਾਤੇ ਉਨ੍ਹਾਂ ਨੇ ਪਾਇਆ ਕਿ ਚਿੰਤਾ ਵਾਲੀਆਂ ਔਰਤਾਂ ਚਿੰਤਾ ਨੂੰ ਖਤਮ ਕਰਨ ਵਾਲੀਆ ਦਵਾਈਆਂ ਲੈਣ ਦਾ ਵਿਰੋਧ ਕਰਦੀਆ ਹਨ ਕਿਉਂਕਿ ਉਨ੍ਹਾਂ ਨੂੰ ਡਰ ਹੈ ਕਿ ਦਵਾਈਆਂ ਬੱਚੇ ਨੂੰ ਨੁਕਸਾਨ ਪਹੁੰਚਾਉਣਗੀਆਂ। ਇਸ ਗੱਲ ਦੇ ਸਬੂਤ ਦੇ ਬਾਵਜੂਦ ਵੀ ਕਿ ਇਹ ਦਵਾਈਆ ਗਰਭ ਅਵਸਥਾ ਦੇ ਅਨੁਕੂਲ ਹਨ।
ਇਸ ਅਧਿਐਨ ਲਈ ਡਾ. ਓਸਬੋਰਨ ਅਤੇ ਉਸਦੇ ਸਾਥੀਆਂ ਨੇ 107 ਗਰਭਵਤੀ ਔਰਤਾਂ ਦੇ ਇੱਕ ਇਕੱਠ ਦਾ ਮੁਲਾਂਕਣ ਕੀਤਾ। ਜਿਸ ਵਿੱਚ 56 ਚਿੰਤਾ ਵਾਲੀਆ ਔਰਤਾਂ ਅਤੇ 51 ਬਿਨਾਂ ਚਿੰਤਾ ਵਾਲੀਆ ਔਰਤਾਂ ਸ਼ਾਮਿਲ ਸੀ। ਖੋਜਕਰਤਾਵਾਂ ਨੇ ਇਮਿਊਨ ਗਤੀਵਿਧੀ ਲਈ ਖੂਨ ਦੇ ਨਮੂਨਿਆਂ ਦਾ ਵੀ ਮੁਲਾਂਕਣ ਕੀਤਾ ਅਤੇ ਕਲੀਨਿਕਲ ਚਿੰਤਾ ਦਾ ਪਤਾ ਲਗਾਉਣ ਲਈ ਮਨੋਵਿਗਿਆਨਕ ਮੁਲਾਂਕਣ ਕੀਤੇ।
ਇਮਿਊਨ ਸਿਸਟਮ ਵਿੱਚ ਪ੍ਰਤੀਕ੍ਰਿਆ: ਉਨ੍ਹਾਂ ਨੇ ਪਾਇਆ ਕਿ ਚਿੰਤਾ ਕਰਨ ਵਾਲੀਆਂ ਔਰਤਾਂ ਵਿੱਚ cytotoxic T cells ਦਾ ਪੱਧਰ ਗਰਭ ਅਵਸਥਾ ਦੌਰਾਨ ਉੱਚਾ ਹੋਇਆ ਸੀ ਅਤੇ ਫਿਰ ਬੱਚੇ ਦੇ ਜਨਮ ਤੋਂ ਬਾਅਦ ਦੇ ਹਫ਼ਤਿਆਂ ਵਿੱਚ ਘੱਟ ਗਿਆ ਸੀ। ਚਿੰਤਾ ਨਾ ਕਰਨ ਵਾਲੀਆ ਔਰਤਾਂ ਵਿੱਚ ਗਰਭ ਅਵਸਥਾ ਦੌਰਾਨ ਇਨ੍ਹਾਂ ਸੈੱਲਾਂ ਦੀ ਗਤੀਵਿਧੀ ਵਿੱਚ ਗਿਰਾਵਟ ਆਈ। ਖੋਜਕਰਤਾਵਾਂ ਨੇ ਇਹ ਵੀ ਦੇਖਿਆ ਕਿ ਵੱਡੇ ਪੱਧਰ 'ਤੇ ਇਮਿਊਨ ਸਿਸਟਮ ਪ੍ਰਤੀਕ੍ਰਿਆ ਦੇ ਹਿੱਸੇ ਵਜੋਂ ਸੈੱਲਾਂ ਦੁਆਰਾ ਛੁਪੇ ਪਦਾਰਥਾਂ ਦੀ ਗਤੀਵਿਧੀ ਚਿੰਤਾ ਵਾਲੀਆਂ ਔਰਤਾਂ ਵਿੱਚ ਗਰਭ ਅਵਸਥਾ ਦੌਰਾਨ ਘੱਟ ਗਈ ਸੀ ਅਤੇ ਫਿਰ ਬੱਚੇ ਦੇ ਜਨਮ ਤੋਂ ਬਾਅਦ ਵਧ ਗਈ ਸੀ। ਜਦ ਕਿ ਸਿਹਤਮੰਦ ਔਰਤਾਂ ਇਸਦੇ ਉਲਟ ਪੈਟਰਨ ਪ੍ਰਦਰਸ਼ਿਤ ਕਰਦੀਆਂ ਹਨ।
ਇਹ ਵੀ ਪੜ੍ਹੋ :- artificial sweetener: ਖੰਡ ਦੀ ਬਜਾਏ ਨਕਲੀ ਮਿੱਠੇ ਦੀ ਵਰਤੋਂ ਨਾਲ ਵੱਧ ਸਕਦੈ ਦਿਲ ਦਾ ਦੌਰਾ ਪੈਣ ਦਾ ਖ਼ਤਰਾ
