ਅੱਖਾਂ ਸਾਡੇ ਸਰੀਰ ਦੀ ਇੱਕ ਮਹੱਤਵਪੂਰਣ ਇੰਦਰੀਆਂ ਹਨ। ਸਾਡੀਆਂ ਅੱਖਾਂ ਦੇ ਕਾਰਨ, ਅਸੀਂ ਇਸ ਰੰਗਲੇ ਸੰਸਾਰ ਅਤੇ ਆਪਣੇ ਨੇੜੇ ਦੇ ਲੋਕਾਂ ਨੂੰ ਵੇਖਣ ਦੇ ਯੋਗ ਹਾਂ। ਜ਼ਰਾ ਕਲਪਨਾ ਕਰੋ ਕਿ ਉਨ੍ਹਾਂ ਲਈ ਜ਼ਿੰਦਗੀ ਕਿਹੋ ਜਿਹੀ ਹੋਵੇਗੀ ਜੋ ਹਨੇਰੇ ਤੋਂ ਇਲਾਵਾ ਕੁੱਝ ਨਹੀਂ ਵੇਖ ਸਕਦੇ ਜਾਂ ਧੁੰਦਲੇ ਦ੍ਰਿਸ਼ਾਂ ਜਾਂ ਸਿਰਫ਼ ਅੱਖਾਂ ਦੀ ਬਿਮਾਰੀ ਦੇ ਕਾਰਨ ਇੱਕ ਬੇਰੰਗ ਸੰਸਾਰ ਨੂੰ ਦੇਖਣ ਲਈ ਮਜ਼ਬੂਰ ਹੋਣਗੇ। 'ਵਿਸ਼ਵ ਦ੍ਰਿਸ਼ਟੀ ਦਿਵਸ' ਅਕਤੂਬਰ ਮਹੀਨੇ ਦੇ ਦੂਜੇ ਵੀਰਵਾਰ ਨੂੰ ਨੁਕਸ, ਘੱਟ ਜਾਂ ਧੁੰਦਲੀ ਨਜ਼ਰ ਅਤੇ ਅੰਨ੍ਹੇਪਣ ਸਮੇਤ ਵੱਖ-ਵੱਖ ਦ੍ਰਿਸ਼ਟੀ ਨਾਲ ਸਬੰਧਤ ਬਿਮਾਰੀਆਂ ਬਾਰੇ ਲੋਕਾਂ ਵਿੱਚ ਜਾਗਰੂਕਤਾ ਫ਼ੈਲਾਉਣ ਦੇ ਉਦੇਸ਼ ਨਾਲ ਮਨਾਇਆ ਜਾਂਦਾ ਹੈ। ਇਸ ਸਾਲ, ਇਹ ਵਿਸ਼ੇਸ਼ ਦਿਨ 8 ਅਕਤੂਬਰ ਨੂੰ ਮਨਾਇਆ ਜਾ ਰਿਹਾ ਹੈ।
ਉਦੇਸ਼ ਅਤੇ ਇਤਿਹਾਸ
ਅੰਤਰਰਾਸ਼ਟਰੀ ਦ੍ਰਿਸ਼ਟੀ ਦਿਵਸ ਦੀ ਸ਼ੁਰੂਆਤ ਸਾਲ 1990 ਵਿੱਚ ਲਾਇਨਜ਼ ਕਲੱਬ ਇੰਟਰਨੈਸ਼ਨਲ ਫਾਉਂਡੇਸ਼ਨ ਦੁਆਰਾ ਇੱਕ ਮੁਹਿੰਮ ਦੇ ਹਿੱਸੇ ਵਜੋਂ ਕੀਤੀ ਗਈ ਸੀ, ਜਿਸ ਦਾ ਉਦੇਸ਼ ਦ੍ਰਿਸ਼ਟੀ ਦੀਆਂ ਕਮੀਆਂ ਅਤੇ ਅੱਖਾਂ ਦੀਆਂ ਬਿਮਾਰੀਆਂ ਤੋਂ ਪੀੜਤ ਲੋਕਾਂ ਨੂੰ ਜਾਗਰੂਕ ਕਰਨਾ ਸੀ। ਇਸ ਤੋਂ ਬਾਅਦ, ਵਿਜ਼ਨ 2020- 'ਰਾਈਟ ਟੂ ਸਾਈਟ' ਪ੍ਰੋਗਰਾਮ 18 ਫ਼ਰਵਰੀ 1999 ਨੂੰ ਇਲਾਜ ਅਤੇ ਅੰਨ੍ਹੇਪਣ ਤੋਂ ਬਚਾਅ ਨਾਲ ਜੁੜੀਆਂ ਮੁਹਿੰਮਾਂ ਨੂੰ ਚੰਗਾ ਪੱਧਰ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ ਸ਼ੁਰੂ ਕੀਤਾ ਗਿਆ ਸੀ। ਉਸ ਸਮੇਂ ਤੋਂ, ਲਾਇਨਜ਼ ਕਲੱਬ ਇੰਟਰਨੈਸ਼ਨਲ ਫਾਊਂਡੇਸ਼ਨ ਦੀ ਗਲੋਬਲ ਲੀਡਰਸ਼ਿਪ ਨੇਤਰਹੀਣ ਲੋਕਾਂ ਦੀ ਸਹਾਇਤਾ ਲਈ, ਵੱਖ-ਵੱਖ ਸਹਿਯੋਗੀ ਲੋਕਾਂ ਦੀ ਮਦਦ ਨਾਲ ਉਨ੍ਹਾਂ ਦੇ ਇਲਾਜ, ਉਨ੍ਹਾਂ ਦੀਆਂ ਅੱਖਾਂ ਅਤੇ ਲੋੜਵੰਦਾਂ ਦੀਆਂ ਅੱਖਾਂ ਦੀ ਜਾਂਚ ਕਰਨ ਲਈ ਨਿਰੰਤਰ ਜਾਗਰੂਕਤਾ ਅਤੇ ਸਰਜਰੀ ਕਰਵਾਉਣ ਵਰਗੇ ਵੱਖ-ਵੱਖ ਪ੍ਰੋਗਰਾਮ ਆਯੋਜਿਤ ਕੀਤੇ ਜਾਂਦੇ ਹਨ।
ਇਸ ਤੋਂ ਇਲਾਵਾ, ਅੰਤਰਰਾਸ਼ਟਰੀ ਦ੍ਰਿਸ਼ਟੀ ਦਿਵਸ 'ਤੇ, ਵੱਖ-ਵੱਖ ਸਰਕਾਰੀ ਅਤੇ ਗ਼ੈਰ-ਸਰਕਾਰੀ ਸੰਗਠਨਾਂ, ਜਿਨ੍ਹਾਂ ਵਿੱਚ ਅੰਤਰਰਾਸ਼ਟਰੀ ਏਜੰਸੀ ਫ਼ਾਰ ਪ੍ਰੀਵੈਂਸ਼ਨ ਆਫ਼ ਬਲਾਇੰਡਨ (ਆਈਏਪੀਬੀ) ਅਤੇ ਵਿਸ਼ਵ ਸਿਹਤ ਸੰਗਠਨ (ਡਬਲਯੂਐਚਓ) ਵੀ ਅੰਨ੍ਹੇਪਣ ਅਤੇ ਟ੍ਰੈਕੋਮਾ, ਘੱਟ ਨਜ਼ਰ, ਮੋਤੀਆ, ਅਪਵਰਕ ਗ਼ਲਤੀ ਦੇ ਪੀੜਤਾਂ ਦੀ ਸਹਾਇਤਾ ਕਰ ਰਹੇ ਹਨ ਅਤੇ ਸ਼ੂਗਰ ਰੇਟਿਨੋਪੈਥੀ ਵਰਗੀਆਂ ਅੱਖਾਂ ਦੀਆਂ ਬਿਮਾਰੀਆਂ ਪ੍ਰਤੀ ਜਾਗਰੂਕਤਾ ਫੈਲਾਉਣ ਦੇ ਉਦੇਸ਼ ਨਾਲ ਕਈ ਪ੍ਰੋਗਰਾਮਾਂ ਦਾ ਆਯੋਜਨ ਕੀਤਾ ਜਾਂਦਾ ਹੈ। ਅੰਕੜਿਆਂ ਦੇ ਅਨੁਸਾਰ, ਪੂਰੀ ਦੁਨੀਆ ਦੀ ਕੁੱਲ ਆਬਾਦੀ ਦੇ ਲਗਭਗ 39 ਮਿਲੀਅਨ ਲੋਕ ਅੰਨ੍ਹੇ ਹਨ। ਇਸ ਸਾਲ ਦੇ ਅੰਤਰਰਾਸ਼ਟਰੀ ਦਿਵਸ ਦਾ ਵਿਸ਼ਾ 'ਹਨੇਰੇ ਵਿੱਚ ਉਮੀਦ' ਹੈ।
ਵਿਜ਼ਨ 2020 'ਰਾਈਟ ਟੂ ਸਾਈਟ'
ਵਿਜ਼ਨ 2020 'ਰਾਈਟ ਟੂ ਸਾਈਟ' ਪ੍ਰੋਗਰਾਮ 1999 ਵਿੱਚ ਅੰਨ੍ਹੇਪਣ ਦੀ ਰੋਕਥਾਮ ਤੇ ਵਿਸ਼ਵ ਸਿਹਤ ਸੰਗਠਨ (ਡਬਲਯੂਐਚਓ) ਦੁਆਰਾ ਸਾਂਝੇ ਤੌਰ 'ਤੇ 1999 ਵਿੱਚ ਸਥਾਪਿਤ ਕੀਤਾ ਗਿਆ ਸੀ। ਜਿਸਦਾ ਮੁੱਖ ਉਦੇਸ਼ ਸਾਰੀ ਦੁਨੀਆਂ ਨੂੰ ਸਾਲ 2020 ਤੱਕ ਉਨ੍ਹਾਂ ਸਾਰੀਆਂ ਬਿਮਾਰੀਆਂ ਤੋਂ ਜਾਣੂ ਕਰਵਾਉਣਾ ਸੀ ਜੋ ਨਜ਼ਰ ਅਤੇ ਉਨ੍ਹਾਂ ਦੇ ਇਲਾਜ ਨੂੰ ਪ੍ਰਭਾਵਿਤ ਕਰਦੇ ਹਨ। ਨਾਲ ਹੀ, ਇਸ ਪ੍ਰੋਗਰਾਮ ਦਾ ਮੁੱਖ ਉਦੇਸ਼ ਅੰਨ੍ਹੇਪਣ ਦੇ ਇਲਾਜ ਤੇ ਰੋਕਥਾਮ ਲਈ ਚਲਾਏ ਜਾ ਰਹੇ ਪ੍ਰੋਗਰਾਮਾਂ ਅਤੇ ਜਾਗਰੂਕਤਾ ਮੁਹਿੰਮਾਂ ਨੂੰ ਬਿਹਤਰ ਰੂਪ ਦੇਣਾ ਸੀ।
- ਅੱਖ ਦੀ ਬਿਮਾਰੀ ਦੇ ਲੱਛਣ
ਅੰਨ੍ਹੇਪਣ ਤੇ ਅੱਖਾਂ ਦੇ ਰੋਗਾਂ ਤੋਂ ਬਚਾਅ ਲਈ ਇਹ ਬਹੁਤ ਮਹੱਤਵਪੂਰਨ ਹੈ ਕਿ ਲੱਛਣਾਂ ਨੂੰ ਸਹੀ ਸਮੇਂ ਉੱਤੇ ਪਛਾਣ ਲਿਆ ਜਾਵੇ ਅਤੇ ਡਾਕਟਰ ਦੀ ਸਲਾਹ ਲੈਣੀ ਚਾਹੀਦੀ ਹੈ। ਅੱਖਾਂ ਦੇ ਰੋਗ ਦੇ ਕੁੱਝ ਆਮ ਲੱਛਣ ਹੇਠਾਂ ਦਿੱਤੇ ਅਨੁਸਾਰ ਹਨ।
- ਧੁੰਦਲਾ ਜਾਂ ਘੱਟ ਦਿਖਾਈ ਦੇਣਾ।
- ਅੱਖਾਂ ਦੇ ਆਲੇ-ਦੁਆਲੇ ਦਰਦ, ਸੋਜ ਜਾਂ ਖੁਜਲੀ।
- ਅੱਖਾਂ ਵਿੱਚ ਲਾਲੀ ਜਾਂ ਜਲਣ ਹੋਣਾ।
- ਅੱਖਾਂ ਵਿੱਚ ਛੋਟੇ ਛੋਟੇ ਚਟਾਕ ਜਾਂ ਖੂਨ ਦੇ ਗਤਲੇ ਦਿਖਣਾ ।
ਨੇਤਰਰੋਗ ਨੂੰ ਰੋਕਣਾ ਅਤੇ ਅੱਖਾਂ ਨੂੰ ਬਿਮਾਰੀ ਤੋਂ ਮੁਕਤ ਰੱਖਣ ਲਈ ਕੁਝ ਉਪਾਅ
- ਸਿਹਤਮੰਦ ਅਤੇ ਪੌਸ਼ਟਿਕ ਭੋਜਨ ਖਾਓ।
- ਸ਼ਰਾਬ ਅਤੇ ਤੰਬਾਕੂਨੋਸ਼ੀ ਤੋਂ ਦੂਰ ਰਹੋ।
- ਕੰਪਿਊਟਰ ਅਤੇ ਮੋਬਾਈਲ ਦੇ ਸਾਹਮਣੇ ਕੰਮ ਕਰਦਿਆਂ, ਸਕ੍ਰੀਨ ਨੂੰ ਆਪਣੀਆਂ ਅੱਖਾਂ ਤੋਂ ਕਾਫ਼ੀ ਦੂਰੀ 'ਤੇ ਰੱਖੋ।
- ਅੱਖਾਂ ਦੀ ਸਫ਼ਾਈ ਬਣਾਈ ਰੱਖੋ।
- ਆਪਣੀਆਂ ਅੱਖਾਂ ਦੀ ਨਿਯਮਤ ਜਾਂਚ ਕਰਵਾਉ।
- ਅੱਖ ਦੀ ਲਾਗ ਜਾਂ ਕਿਸੇ ਬਿਮਾਰੀ ਦੀ ਸਥਿਤੀ ਵਿੱਚ, ਬਿਨਾਂ ਡਾਕਟਰ ਦੀ ਸਲਾਹ ਲਏ ਬਿਨਾਂ ਕੋਈ ਦਵਾਈ ਨਾ ਲਓ।
- ਸਰੀਰ ਦੇ ਨਾਲ ਨਾਲ ਅੱਖਾਂ ਲਈ ਵੀ ਕਸਰਤ ਕਰੋ।
- ਆਪਣੀ ਨਜ਼ਰ ਵਿੱਚ ਆਈ ਕਿਸੇ ਵੀ ਰੁਕਾਵਟ ਤੋਂ ਸੁਚੇਤ ਰਹੋ।
- ਜਦੋਂ ਸੂਰਜ ਦੇ ਸੰਪਰਕ ਵਿੱਚ ਆਉਣ ਉੱਤੇ ਅੱਖਾਂ ਨੂੰ ਨੁਕਸਾਨਦਾਇਕ ਕਿਰਨਾਂ ਤੋਂ ਬਚਾਓ।
