ਕੋਵਿਡ-19 ਮਹਾਂਮਾਰੀ ਨੂੰ ਖਤਮ ਕਰਨ ਦੇ ਲਈ ਵੈਕਸੀਨ ਦੀ ਉਮੀਦ ਵੱਧ ਗਈ ਹੈ। ਇਹ ਕਹਿਣਾ ਹੈ ਵਿਸ਼ਵ ਸਿਹਤ ਸੰਗਠਨ (ਡਬਲਿਯੂਐੱਚਓ) ਦੇ ਚੈਅਰਮੈਨ ਟ੍ਰੇਡੋਜ਼ ਐਡਹੋਮ ਗੈਬ੍ਰੇਯਿਸਿਸ ਦਾ। ਉਨ੍ਹਾਂ ਕਿਹਾ ਕਿ ਹਾਲਾਂਕਿ ਵੈਕਸੀਨ ਦੇ ਨਾਲ ਸਿਹਤ ਉਪਾਅ ਵੀ ਅਪਨਾਉਣੇ ਹੋਣਗੇ, ਜਿਸਦੇ ਕਾਰਗਰ ਹੋਣ ਦੀ ਪੁਸ਼ਟੀ ਹੋ ਚੁੱਕੀ ਹੈ। ਸਮਾਚਾਰ ਏਜੰਸੀ ਸਿਨਹੁਆ ਦੀ ਰਿਪੋਰਟ ਮੁਤਾਬਕ, ਡਬਲਿਯੂਐੱਚਓ ਪ੍ਰਮੁੱਖ ਦਾ ਇਹ ਬਿਆਨ ਦਵਾਈ ਬਨਾਉਣ ਵਾਲੀ ਐਸਟ੍ਰਾਜੇਨੇਕਾ ਕੰਪਨੀ ਦੇ ਸੋਮਵਾਰ ਨੂੰ ਇਹ ਕਹਿਣ ਤੋਂ ਬਾਅਦ ਆਈ ਹੈ ਕਿ ਆਕਸਫ਼ੋਰਡ ਯੂਨੀਵਰਸਿਟੀ ਦੇ ਸਹਿਯੋਗ ਨਾਲ ਵਿਕਸਿਤ ਕੀਤੀ ਜਾ ਰਹੀ ਕੋਵਿਡ-19 ਵੈਕਸੀਨ 90 ਪ੍ਰਤੀਸ਼ਤ ਤੱਕ ਪ੍ਰਭਾਵਸ਼ਾਲੀ ਹੈ। ਫ਼ਾਇਜ਼ਰ ਅਤੇ ਮਾਡਰਨਾ ਤੋਂ ਬਾਅਦ ਇਹ ਤੀਸਰੀ ਕੰਪਨੀ ਹੈ, ਜਿਸਨੇ ਆਖ਼ਰੀ ਸਟੇਜ ਦੇ ਅੰਕੜੇ ਦੱਸੇ ਹਨ।
ਟ੍ਰੇਡੋਜ਼ ਨੇ ਕਿਹਾ, "ਇਸ ਵਿਗਿਆਨਕ ਉਪਲਬੱਧੀ ਦੇ ਮਹਤੱਵ ਨੂੰ ਘੱਟ ਨਹੀ ਮੰਨਿਆ ਜਾ ਸਕਦਾ, ਕਿਉਂ ਕਿ ਇਤਿਹਾਸ ’ਚ ਕੋਈ ਵੀ ਵੈਕਸੀਨ ਇਨ੍ਹੀ ਤੇਜੀ ਨਾਲ ਇਜ਼ਾਦ ਨਹੀਂ ਹੋਈ ਹੈ। ਵਿਗਿਆਨਿਕਾਂ ਦੀ ਸ਼੍ਰੇਣੀ ਨੇ ਵੈਕਸੀਨ ਦੇ ਲਈ ਨਵਾਂ ਮਾਪਦੰਡ ਨਿਰਧਾਰਿਤ ਕਰ ਦਿੱਤਾ ਹੈ। ਹੁਣ ਅੰਤਰਰਾਸ਼ਟਰੀ ਸੰਸਥਾਵਾਂ ਨੂੰ ਇਸਦੇ ਹਰ ਵਰਗ ਤੱਕ ਪਹੁੰਚਾਉਣ ਲਈ ਪੈਮਾਨਾ ਨਿਰਧਾਰਿਤ ਕਰਨਾ ਚਾਹੀਦਾ ਹੈ, ਕਿਉਂ ਕਿ ਜਿਸ ਤੇਜੀ ਨਾਲ ਟੀਕਾ ਵਿਕਸਿਤ ਕੀਤਾ ਗਿਆ ਹੈ, ਉਸ ਤਰ੍ਹਾਂ ਵੈਕਸੀਨ ਨੂੰ ਵੰਡਣਾ ਦਾ ਕੰਮ ਵੀ ਤੇਜੀ ਨਾਲ ਹੋਣਾ ਚਾਹੀਦਾ ਹੈ।
ਉਨ੍ਹਾਂ ਇਸ ਗੱਲ ਨੂੰ ਲੈ ਕੇ ਚਿੰਤਾ ਪ੍ਰਗਟ ਕੀਤੀ ਕਿ ਸਭ ਤੋਂ ਗਰੀਬ ਦੇਸ਼ਾਂ ਨੂੰ ਅਮੀਰ ਦੇਸ਼ਾਂ ਦੁਆਰਾ ਵੈਕਸੀਨ ਪਾਉਣ ਦੀ ਦੌੜ ’ਚ ਰੌਂਦਿਆ ਨਹੀਂ ਜਾਣਾ ਚਾਹੀਦਾ। ਡਬਲਿਯੂਐੱਚਓ ਨੇ ਵੈਕਸੀਨ ਤੱਕ ਪਹੁੰਚ ਬਨਾਉਣ ਲਈ ਕੋਵਿਡ-19 ਟੂਲ ਐਕਸਲੇਟਰ ਸਥਾਪਿਤ ਕੀਤਾ ਹੈ। ਹੁਣ ਤੱਕ ਕੋਵੈਕਸ ਫੈਸਲਿਟੀ ’ਚ 187 ਦੇਸ਼ ਵੈਕਸੀਨ ਦੀ ਖ਼ਰੀਦ ਲਈ ਕਫ਼ਾਇਤੀ ਮੁੱਲ, ਮਾਤਰਾ ਅਤੇ ਸਮਾਂ ਨਿਸ਼ਚਿਤ ਕਰਨ ਲਈ ਸਹਿਯੋਗ ਕਰਨ ’ਚ ਲੱਗ ਗਏ ਹਨ।
ਡਬਲਿਯੂਐੱਚਓ ਪ੍ਰਮੁੱਖ ਦੇ ਅਨੁਸਾਰ, ਵੈਕਸੀਨ, ਟੈਸਟ ਅਤੇ ਉਪਚਾਰ ਲਈ ਵੱਡੇ ਪੈਮਾਨੇ ’ਤੇ ਖਰੀਦਣ ਅਤੇ ਵੰਡਣ ਲਈ 4.3 ਬਿਲੀਅਨ ਅਮਰੀਕੀ ਡਾਲਰਾਂ ਦੀ ਤੱਤਕਾਲ ਜ਼ਰੂਰਤ ਹੈ। ਜਦਕਿ ਅਗਲੇ ਸਾਲ 23.8 ਬਿਲੀਅਨ ਅਮਰੀਕੀ ਡਾਲਰਾਂ ਦੀ ਜ਼ਰੂਰਤ ਹੋਵੇਗੀ।
ਉਨ੍ਹਾਂ ਕਿਹਾ, "ਅੰਤਰ-ਰਾਸ਼ਟਰੀ ਮੁਦਰਾ ਫ਼ੰਡ ਦਾ ਅੰਦਾਜ਼ਾ ਹੈ ਕਿ ਜੇਕਰ ਉਪਚਾਰ ਤੌਰ ਤਰੀਕਿਆਂ ਨੂੰ ਤੇਜੀ ਨਾਲ ਵਿਆਪਕ ਰੂਪ ਨਾਲ ਉਪਲਬੱਧ ਕਰਵਾਇਆ ਜਾਂਦਾ ਹੈ, ਤਾਂ ਇਸ ਨੂੰ 2025 ਦੇ ਅੰਤ ਤੱਕ ਲਗਭਗ 9 ਟ੍ਰਿਲੀਅਨ ਅਮਰੀਕੀ ਡਾਲਰ ਦੀ ਵਿਸ਼ਵ ਪੱਧਰ ’ਤੇ ਆਮਦਨ ਹੋਵੇਗੀ।
