ਨਿਰਸੰਦੇਹ ਜਣੇਪਾ ਜੀਵਨ ਬਦਲਣ ਵਾਲਾ ਅਨੁਭਵ ਹੈ, ਪਰ ਬੱਚੇ ਦਾ ਜਨਮ ਵੀ ਇੱਕ ਵੱਡੀ ਜ਼ਿੰਮੇਵਾਰੀ ਹੈ। ਜਿਵੇਂ ਹੀ ਕਿਸੇ ਮਹਿਲਾ ਨੂੰ ਜਾਣਕਾਰੀ ਮਿਲਦੀ ਹੈ ਕਿ ਉਹ ਗਰਭਵਤੀ ਹੈ, ਤਾਂ ਉਸ ਦਾ ਤੇ ਉਸਦੇ ਆਲੇ ਦੁਆਲੇ ਦੇ ਲੋਕਾਂ ਦਾ ਸਾਰਾ ਧਿਆਨ ਇਸ ਗੱਲ ਤੇ ਕੇਂਦਰਤ ਹੋ ਜਾਂਦਾ ਹੈ ਕਿ ਮਹਿਲਾ ਤੇ ਗਰਭ 'ਚ ਪੱਲ ਰਹੇ ਬੱਚੇ ਦੀ ਦੇਖਭਾਲ ਕਿਵੇਂ ਕੀਤੀ ਜਾਵੇ। ਅਜਿਹੀ ਸਥਿਤੀ ਵਿੱਚ, ਗਰਭਵਤੀ ਮਹਿਲਾ ਦਾ ਸਿਹਤਮੰਦ ਹੋਣਾ ਸਭ ਤੋਂ ਜ਼ਰੂਰੀ ਹੈ, ਜਿਸ ਵਿੱਚ ਸੰਤੁਲਿਤ ਖੁਰਾਕ, ਚੰਗੀਆਂ ਆਦਤਾਂ ਤੇ ਖੁਸ਼ ਰਹਿਣ ਵਰਗੀਆਂ ਆਦਤਾਂ ਬੇਹਦ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀਆਂ ਹਨ।
ਅਜਿਹੇ 'ਚ ਨਾਂ ਮਹਿਜ਼ ਘਰ ਦੇ ਵੱਡੇ ਤੇ ਬਜ਼ੁਰਗ ਅਤੇ ਆਯੂਰਵੈਦਿਕ ਮਾਹਰ ਵੀ ਨਿਰਧਾਰਤ ਮਾਤਰਾ 'ਚ ਗਰਭ ਅਵਸਥਾ ਦੌਰਾਨ ਮਹਿਲਾਵਾਂ ਨੂੰ ਕੇਸਰ ਦਾ ਸੇਵਨ ਕਰਨ ਦੀ ਸਲਾਹ ਦਿੰਦੇ ਹਨ। ਦਰਅਸਲ ਕੇਸਰ ਨੂੰ ਖ਼ਾਸ ਮਸਾਲਿਆਂ ਦੀ ਕਿਸਮਾਂ ਵਿੱਚ ਗਿਣਿਆ ਜਾਂਦਾ ਹੈ।
ਕੇਸਰ ਨੂੰ ਕ੍ਰੋਕਸ ਸੈਟੀਵਸ ਦੇ ਫੁੱਲਾਂ ਤੋਂ ਲਿਆ ਜਾਂਦਾ ਹੈ, ਇਸ ਦੀ ਵਰਤੋਂ ਕਈ ਪਕਵਾਨਾਂ ਦੇ ਨਾਲ -ਨਾਲ ਆਯੁਰਵੈਦਿਕ ਦਵਾਈਆਂ ਵਿੱਚ ਵੀ ਕੀਤੀ ਜਾਂਦੀ ਹੈ। ਇਸ ਦੇ ਬਹੁਤ ਸਾਰੇ ਸਿਹਤ ਲਾਭ ਹਨ। ਗਰਭ ਅਵਸਥਾ ਦੌਰਾਨ ਕੇਸਰ ਕਿਵੇਂ ਲਾਭਦਾਇਕ ਹੋ ਸਕਦਾ ਹੈ ਅਤੇ ਇਸ ਦੀ ਵਰਤੋਂ ਕਿਵੇਂ ਕੀਤੀ ਜਾਣੀ ਚਾਹੀਦੀ ਹੈ, ਇਸ ਬਾਰੇ “ਰਸਾਇਣਮ” ਦੇ ਸੰਸਥਾਪਕ ਤੇ ਸੀਈਓ ਆਯੂਸ਼ ਅਗਰਵਾਲ ਨੇ ਈਟੀਵੀ ਭਾਰਤ ਨਾਲ ਖ਼ਾਸ ਗੱਲਬਾਤ ਕੀਤੀ।
ਗਰਭ ਅਵਸਥਾ ਦੌਰਾਨ ਕੇਸਰ ਦੇ ਸੇਵਨ ਦੇ ਫਾਇਦੇ
- ਖੁਸ਼ਨੁਮਾ ਰੱਖਣ 'ਚ ਮਦਦਗਾਰ
ਗਰਭ ਅਵਸਥਾ ਦੇ ਨੌ ਮਹੀਨੀਆਂ ਦੌਰਾਨ ਮਹਿਲਾਵਾਂ ਦਾ ਮੂਡ ਸਵਿੰਗ ਇੱਕ ਆਮ ਸਮੱਸਿਆ ਹੈ। ਇਸ ਦੇ ਲਈ ਆਮ ਤੌਰ 'ਤੇ ਤੇਜ਼ੀ ਨਾਲ ਹਾਰਮੋਨਲ ਬਦਲਣ ਜਾਂ ਗਰਭ ਅਵਸਥਾ ਦੌਰਾਨ ਮਹਿਲਾਵਾਂ ਦੇ ਸਰੀਰ 'ਚ ਹੋ ਰਹੇ ਬਦਲਾਅ ਨੂੰ ਜ਼ਿੰਮੇਵਾਰ ਮੰਨਿਆ ਜਾਂਦਾ ਹੈ। ਅਜਿਹੇ ਸਮੇਂ ਗਰਭਵਤੀ ਮਹਿਲਾ ਇੱਕ ਪੱਲ 'ਚ ਖੁਸ਼ੀ ਤੇ ਦੂਜੇ ਪੱਲ ਬੇਹਦ ਦੁਖੀ ਮਹਿਸੂਸ ਕਰਦੀ ਹੈ ਤੇ ਕਦੇ ਉਸ ਦਾ ਸੁਭਾਅ ਚਿੜਚਿੜਾ ਹੋ ਜਾਂਦਾ ਹੈ। ਅਜਿਹੇ 'ਚ ਕੇਸਰ ਦਾ ਸੇਵਨ ਕਰਨਾ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਕਿਉਂਕਿ ਇਸ ਦੇ ਸੇਵਨ ਨਾਲ ਸਰੀਰ ਵਿੱਚ ਸੇਰੋਟੌਨਿਨ ਪੈਦਾ ਕਰਦਾ ਹੈ, ਜੋ ਤੁਹਾਡੇ ਮੂਡ ਨੂੰ ਨਿਯਮਤ ਕਰਨ ਤੇ ਤੁਹਾਡੇ ਸਰੀਰ ਵਿੱਚ ਖੂਨ ਦੇ ਬਹਾਵ ਨੂੰ ਵਧਾ ਕੇ ਭਾਵਨਾਤਮਕ ਉਤਰਾਅ -ਚੜ੍ਹਾਅ ਨੂੰ ਨਿਯੰਤਰਿਤ ਕਰਨ ਦੇ ਯੋਗ ਹੁੰਦਾ ਹੈ।
- ਚੰਗੀ ਨੀਂਦ ਦਿੰਦਾ ਹੈ
ਗਰਭ ਅਵਸਥਾ ਦੇ ਦੌਰਾਨ ਹੋਣ ਵਾਲੀਆਂ ਸਰੀਰਕ ਸਮੱਸਿਆਵਾਂ ਦੇ ਕਾਰਨ, ਮਹਿਲਾਵਾਂ ਦੀ ਨੀਂਦ ਉੱਤੇ ਮਾੜਾ ਪ੍ਰਭਾਵ ਪੈਂਦਾ ਹੈ। ਅਜਿਹੀ ਸਥਿਤੀ ਵਿੱਚ, ਸੌਣ ਤੋਂ ਪਹਿਲਾਂ ਇੱਕ ਗਲਾਸ ਗਰਮ ਕੇਸਰ ਵਾਲਾ ਦੁੱਧ ਪੀਣ ਨਾਲ ਚਿੰਤਾ ਨੂੰ ਸ਼ਾਂਤ ਕਰਨ ਦੇ ਨਾਲ ਨਾਲ ਮੂਡ ਵਿੱਚ ਸੁਧਾਰ ਹੋ ਸਕਦਾ ਹੈ, ਜੋ ਚੰਗੀ ਨੀਂਦ ਲੈਣ ਵਿੱਚ ਮਦਦ ਕਰਦਾ ਹੈ।
- ਸਰੀਰਕ ਬਦਲਾਅ ਦੌਰਾਨ ਹੋਣ ਵਾਲੀਆਂ ਪਰੇਸ਼ਾਨੀਆਂ ਤੋਂ ਰਾਹਤ
ਗਰਭ ਅਵਸਥਾ ਦੇ ਦੌਰਾਨ ਹੋਣ ਵਾਲੇ ਹਾਰਮੋਨਲ ਬਦਲਾਵਾਂ ਦੇ ਕਾਰਨ, ਕਈ ਵਾਰ ਸਰੀਰ ਵਿੱਚ ਕੜਵੱਲ ਦੀ ਸਮੱਸਿਆ ਵੇਖੀ ਜਾਂਦੀ ਹੈ। ਇਹ ਆਮ ਤੌਰ 'ਤੇ ਹਲਕਾ ਤੇ ਸਹਿਣਸ਼ੀਲ ਹੁੰਦਾ ਹੈ ਪਰ ਕਈ ਵਾਰ ਗੰਭੀਰ ਅਤੇ ਅਸਹਿਣ ਹੋ ਸਕਦਾ ਹੈ। ਅਜਿਹੀ ਹਾਲਤ 'ਚ, ਕੇਸਰ ਦਾ ਸੇਵਨ ਲਾਭਦਾਇਕ ਹੋ ਸਕਦਾ ਹੈ, ਕਿਉਂਕਿ ਇਹ ਦਰਦ ਤੋਂ ਰਾਹਤ ਦਵਾਉਣ ਲਈ ਦਰਦ ਨਿਵਾਰਕ ਦੇ ਰੂਪ ਵਿੱਚ ਵੀ ਕੰਮ ਕਰਦਾ ਹੈ। ਇਸ ਦੇ ਸੇਵਨ ਨਾਲ ਸਰੀਰ ਦੀਆਂ ਸਾਰੀਆਂ ਮਾਸਪੇਸ਼ੀਆਂ ਵਿੱਚ ਕੜਵੱਲ ਸ਼ਾਂਤ ਹੋ ਸਕਦੀ ਹੈ।
- ਹਾਈ ਬਲੱਡ ਪ੍ਰੈਸ਼ਰ ਨੂੰ ਘਟਾਉਂਦਾ ਹੈ
ਗਰਭ ਅਵਸਥਾ 'ਚ ਬਲੱਡ ਪ੍ਰੈਸ਼ਰ ਵੀ ਪ੍ਰਭਾਵਤ ਹੁੰਦਾ ਹੈ, ਕਿਉਂਕਿ ਨੌ ਮਹੀਨੇ ਦੀ ਇਸ ਸਮੇਂ ਵਿੱਚ ਆਮ ਤੌਰ 'ਤੇ ਬਲੱਡ ਪ੍ਰੈਸ਼ਰ ਵੱਧ ਜਾਂਦਾ ਹੈ ਤਾਂ ਕੇਸਰ ਉਸ ਨੂੰ ਕੰਟਰੋਲ ਕਰਨ ਵਿੱਚ ਮਦਦਗਾਰ ਸਾਬਿਤ ਹੁੰਦਾ ਹੈ।
- ਦਿਲ ਦੇ ਕਾਰਜ ਨੂੰ ਵਧਾਵਾ ਦੇਣ 'ਚ ਮਦਦਗਾਰ
ਗਰਭ ਅਵਸਥਾ ਦੌਰਾਨ ਜੰਕ ਫੂਡ ਤੇ ਚਟਪਟਾ ਭੋਜਨ ਖਾਣ ਦੀ ਇੱਛਾ ਨਿਸ਼ਚਤ ਤੌਰ 'ਤੇ ਮਹਿਲਾਵਾਂ ਵਿੱਚ ਕੈਲੌਰੀ ਦੀ ਮਾਤਰਾ ਵਧਾਉਂਦੀ ਹੈ। ਜਿਸ ਨਾਲ ਕੈਲੋਸਟ੍ਰੌਲ ਦੇ ਪੱਧਰ 'ਚ ਵੀ ਵਾਧਾ ਹੋ ਸਕਦਾ ਹੈ। ਇਹ ਦਿਲ ਦੀ ਸਿਹਤ ਨੂੰ ਪ੍ਰਭਾਵਤ ਕਰ ਸਕਦਾ ਹੈ। ਕੇਸਰ ਕੋਲੋਸਟ੍ਰੌਲ ਦੇ ਪੱਧਰ ਨੂੰ ਘੱਟ ਕਰਨ ਵਿੱਚ ਮਦਦ ਕਰਦਾ ਹੈ। ਕੇਸਰ ਵਿੱਚ ਮੌਜੂਦ ਪਦਾਰਥ ਧਮਨਿਆਂ ਨੂੰ ਬੰਦ ਹੋਣ ਤੋਂ ਬਚਾਉਂਦੇ ਹਨ। ਇਹ ਸਰੀਰ ਵਿੱਚ ਆਕਸੀਜਨ ਲੈਵਨ ਨੂੰ ਵਧਾਉਂਦਾ ਹੈ।
- ਐਲਰਜੀ ਤੋਂ ਬਚਾਅ
ਗਰਭਵਤੀ ਮਹਿਲਾਵਾਂ ਨੂੰ ਐਲਰਜੀ ਅਤੇ ਇਨਫੈਕਸ਼ਨਾਂ ਦਾ ਜ਼ਿਆਦਾ ਖਤਰਾ ਹੁੰਦਾ ਹੈ। ਇਸ ਸਥਿਤੀ ਵਿੱਚ, ਕੇਸਰ ਸਾਰੀਆਂ ਮੌਸਮੀ ਐਲਰਜੀ, ਸਾਹ ਲੈਣ ਵਿੱਚ ਮੁਸ਼ਕਲ, ਛਾਤੀ 'ਚ ਜਮਾਵ ਤੇ ਹੋਰਨਾਂ ਸਮੱਸਿਆਵਾਂ ਨਾਲ ਲੜਨ 'ਚ ਤੁਹਾਡੀ ਮਦਦ ਕਰ ਸਕਦਾ ਹੈ।
ਇਹ ਜਾਦੂਈ ਮਸਾਲਾ ਤੁਹਾਨੂੰ ਤੁਹਾਡੇ ਸਰੀਰ ਦੀਆਂ ਸਾਰੀਆਂ ਅਣਚਾਹੀਆਂ ਬਿਮਾਰੀਆਂ ਤੋਂ ਮੁਕਤ ਕਰਨ ਵਿੱਚ ਮਦਦਗਾਰ ਸਾਬਤ ਹੋ ਸਕਦਾ ਹੈ।ਇਹ ਹੀ ਨਹੀਂ, ਕੇਸਰ ਦੇ ਹੋਰ ਵੀ ਕਈ ਲਾਭ ਹਨ ਜੋ ਗਰਭ ਅਵਸਥਾ ਦੇ ਦੌਰਾਨ ਮਹਿਲਾਵਾਂ ਲਈ ਬੇਹਦਲਾਭਦਾਇਕ ਹੁੰਦੇ ਹਨ। ਸਹੀ ਮਾਤਰਾ ਵਿੱਚ ਇਸ ਦਾ ਸੇਵਨ ਸੁਰੱਖਿਅਤ ਹੈ ਅਤੇ ਮਹਿਲਾਵਾਂ ਦੀ ਸਮੁੱਚੀ ਸਿਹਤ ਲਈ ਇਹ ਬਹੁਤ ਲਾਭਦਾਇਕ ਹੈ। ਜਿੰਨਾ ਚਿਰ ਇਸਨੂੰ ਸਹੀ ਮਾਤਰਾ ਵਿੱਚ ਵਰਤਿਆ ਜਾਂਦਾ ਹੈ, ਇਸ ਦੇ ਕੋਈ ਮਾੜੇ ਪ੍ਰਭਾਵ ਨਹੀਂ ਹੁੰਦੇ। ਇਨ੍ਹਾਂ ਸਾਰੇ ਲਾਭਾਂ ਦੇ ਬਾਵਜੂਦ, ਇਹ ਮਹੱਤਵਪੂਰਣ ਹੈ ਕਿ ਗਰਭ ਅਵਸਥਾ ਦੇ ਦੌਰਾਨ ਇਸ ਦੇ ਸੇਵਨ ਤੋਂ ਪਹਿਲਾਂ ਇੱਕ ਵਾਰ ਡਾਕਟਰੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ : ਮਾਪਿਆਂ ਦਾ ਬੱਚਿਆਂ ਨਾਲ ਚੰਗਾ ਵਿਵਹਾਰ ਹੀ ਚੰਗੀ ਪਰਵਰਿਸ਼
