ਹੈਦਰਾਬਾਦ: ਇਸ ਸਾਲ ਈਦ-ਉਲ-ਅਜ਼ਹਾ ਯਾਨੀ ਬਕਰੀਦ ਦਾ ਤਿਉਹਾਰ ਅੱਜ ਮਨਾਇਆ ਜਾ ਰਿਹਾ ਹੈ। ਇਸਲਾਮ ਨੂੰ ਮੰਨਣ ਵਾਲੇ ਲੋਕਾਂ ਲਈ ਬਕਰੀਦ ਬਹੁਤ ਹੀ ਖਾਸ ਤਿਉਹਾਰਾਂ ਵਿੱਚੋਂ ਇੱਕ ਹੈ। ਇਸ ਤਿਉਹਾਰ ਨੂੰ ਬਲੀਦਾਨ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਈਦ-ਉਲ-ਅਜ਼ਹਾ ਨੂੰ 'ਨਮਕੀਨ ਈਦ' ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇਸ ਦਿਨ ਘਰਾਂ 'ਚ ਵੱਖ-ਵੱਖ ਤਰ੍ਹਾਂ ਦੇ ਪਕਵਾਨ ਬਣਾਏ ਅਤੇ ਖਾਧੇ ਜਾਂਦੇ ਹਨ, ਜਿਨ੍ਹਾਂ 'ਚ ਮਟਨ ਅਤੇ ਮੀਟ ਦੇ ਬਣੇ ਪਕਵਾਨ ਜ਼ਰੂਰ ਸ਼ਾਮਲ ਹੁੰਦੇ ਹਨ। ਲੋਕ ਇੱਕ ਦੂਜੇ ਨੂੰ ਮਿਲਣ, ਜਸ਼ਨ ਮਨਾਉਂਦੇ ਹਨ ਅਤੇ ਇਕੱਠੇ ਖਾਂਦੇ ਹਨ। ਇਸ ਲਈ ਬਕਰੀਦ ਦੇ ਮੌਕੇ 'ਤੇ ਤੁਸੀਂ ਵੀ ਕੁਝ ਸੁਆਦੀ ਪਕਵਾਨਾਂ ਨੂੰ ਘਰ 'ਚ ਹੀ ਬਣਾ ਕੇ ਟ੍ਰਾਈ ਕਰ ਸਕਦੇ ਹੋ।
ਯਖਨੀ ਪੁਲਾਓ: ਬਕਰੀਦ ਦੇ ਮੌਕੇ 'ਤੇ ਨਮਕੀਨ ਪਕਵਾਨਾਂ 'ਚ ਯਖਨੀ ਪੁਲਾਓ ਜ਼ਰੂਰ ਸ਼ਾਮਲ ਹੁੰਦਾ ਹੈ। ਯਖਨੀ ਪੁਲਾਓ ਲਗਭਗ ਸਾਰਿਆਂ ਦਾ ਪਸੰਦੀਦਾ ਪਕਵਾਨ ਹੈ ਕਿਉਂਕਿ ਇਸ ਨੂੰ ਬਣਾਉਣ ਦਾ ਤਰੀਕਾ ਥੋੜ੍ਹਾ ਵੱਖਰਾ ਹੁੰਦਾ ਹੈ। ਮੀਟ ਦੀ ਯਖਨੀ ਬਣਾਉਣ ਲਈ ਸੌਂਫ ਅਤੇ ਮੋਟੇ ਧਨੀਏ ਨੂੰ ਸੂਤੀ ਕੱਪੜੇ ਵਿੱਚ ਬੰਨ੍ਹ ਕੇ ਪਾ ਦਿੱਤਾ ਜਾਂਦਾ ਹੈ। ਇਸ ਦੇ ਨਾਲ ਕੁਝ ਹੋਰ ਮਸਾਲੇ ਵੀ ਮਿਲਾਏ ਜਾਂਦੇ ਹਨ, ਫਿਰ ਇਸਨੂੰ ਪ੍ਰੈਸ਼ਰ ਕੁੱਕਰ ਵਿੱਚ ਪਾ ਦਿੱਤਾ ਜਾਂਦਾ ਹੈ ਅਤੇ ਮੀਟ ਦੇ ਪੱਕਣ ਤੱਕ ਪਕਾਇਆ ਜਾਂਦਾ ਹੈ। ਸੌਂਫ ਅਤੇ ਧਨੀਏ ਦੀ ਖੁਸ਼ਬੂ ਇਸ ਨੂੰ ਹੋਰ ਸੁਆਦੀ ਬਣਾਉਂਦੀ ਹੈ।
ਭੁੰਨਿਆ ਹੋਇਆ ਖੀਮਾ: ਭੁੰਨਿਆ ਹੋਇਆ ਖੀਮਾ ਖਾਣ 'ਚ ਸਵਾਦਿਸ਼ਟ ਅਤੇ ਬਣਾਉਣ 'ਚ ਬਹੁਤ ਆਸਾਨ ਹੈ। ਇਹ ਬਹੁਤ ਘੱਟ ਸਮੱਗਰੀ ਨਾਲ ਤਿਆਰ ਕੀਤਾ ਜਾ ਸਕਦਾ ਹੈ। ਇਸ ਲਈ ਇਸਨੂੰ ਵੀ ਆਪਣੇ ਮੀਨੂ ਵਿੱਚ ਸ਼ਾਮਲ ਕਰੋ।
ਸ਼ੋਰਬਾ: ਇਹ ਇੱਕ ਅਜਿਹਾ ਪਕਵਾਨ ਹੈ ਜਿਸਦਾ ਨਾਮ ਸੁਣਦੇ ਹੀ ਮੂੰਹ ਵਿੱਚ ਪਾਣੀ ਆਉਣ ਲੱਗ ਜਾਂਦਾ ਹੈ। ਇਸ ਬਾਰੇ ਸਭ ਤੋਂ ਵਧੀਆ ਗੱਲ ਇਹ ਹੈ ਕਿ ਤੁਸੀਂ ਇਸ ਨੂੰ ਕਿਸੇ ਵੀ ਚੀਜ਼ ਨਾਲ ਪਰੋਸ ਸਕਦੇ ਹੋ ਜਿਵੇ ਕਿ ਰੋਟੀ, ਨਾਨ, ਬਿਰਯਾਨੀ, ਚਾਵਲ ਜਾਂ ਖਿਚੜੀ ਆਦਿ।
ਨਰਗਿਸੀ ਕੋਫਤੇ: ਇਹ ਅੰਡੇ ਨਾਲ ਬਣਾਇਆ ਜਾਂਦਾ ਹੈ। ਇਸ ਕੋਫਤੇ ਨੂੰ ਖਾਣ 'ਚ ਦੋ ਚੀਜ਼ਾਂ ਮੀਟ ਅਤੇ ਅੰਡੇ ਦਾ ਸਵਾਦ ਹੁੰਦਾ ਹੈ। ਜੋ ਇਸ ਨੂੰ ਨਵਾਂ ਸਵਾਦ ਦਿੰਦੇ ਹਨ। ਨਰਗਿਸੀ ਕੋਫਤੇ ਹਰ ਕਿਸੇ ਦੇ ਪਸੰਦੀਦਾ ਹੁੰਦੇ ਹਨ।
- Rice For Skin Care: ਚਿਹਰੇ ਦੀ ਸੁੰਦਰਤਾਂ ਵਧਾਉਣ 'ਚ ਕਾਰਗਰ ਹੈ ਚੌਲਾਂ ਤੋਂ ਬਣਿਆ ਇਹ ਫੇਸ ਪੈਕ, ਇੱਥੇ ਸਿੱਖੋ ਇਸਨੂੰ ਬਣਾਉਣ ਦੇ ਆਸਾਨ ਤਰੀਕੇ
- Dark Spots: ਜੇਕਰ ਤੁਹਾਨੂੰ ਵੀ ਨੇ ਇਹ ਆਦਤਾਂ, ਤਾਂ ਹੋ ਜਾਓ ਸਾਵਧਾਨ, ਇਹ ਆਦਤਾਂ ਚਿਹਰੇ 'ਤੇ ਦਾਗ-ਧੱਬਿਆਂ ਦਾ ਬਣ ਸਕਦੀਆਂ ਨੇ ਕਾਰਨ
- Pressure Cooker: ਕੂਕਰ 'ਚ ਭੁੱਲ ਕੇ ਵੀ ਨਾ ਪਕਾਓ ਇਹ ਚੀਜ਼ਾਂ, ਭੋਜਣ ਆਪਣਾ ਸੁਆਦ ਗੁਆਉਣ ਦੇ ਨਾਲ-ਨਾਲ ਸਿਹਤ ਲਈ ਵੀ ਹੋ ਸਕਦੈ ਨੁਕਸਾਨਦੇਹ
ਸੀਖ ਕਬਾਬ: ਜੇਕਰ ਮਾਸ ਦੀ ਗੱਲ ਹੋਵੇ ਤਾਂ ਇਸ ਵਿੱਚ ਸੀਖ ਕਬਾਬ ਦਾ ਨਾਂ ਸਭ ਤੋਂ ਪਹਿਲਾਂ ਆਉਂਦਾ ਹੈ। ਇਹ ਵਿਅੰਜਨ ਬਾਰੀਕ ਮਟਨ, ਅਦਰਕ-ਲਸਣ ਦਾ ਪੇਸਟ ਅਤੇ ਹਰੀ ਮਿਰਚ ਨਾਲ ਬਣਾਇਆ ਗਿਆ ਹੈ। ਸੀਖ ਕਬਾਬ ਦੇਖ ਕੇ ਹਰ ਕਿਸੇ ਦੇ ਮੂੰਹ 'ਚ ਪਾਣੀ ਆ ਜਾਂਦਾ ਹੈ। ਇਹ ਈਦ ਦੇ ਮੌਕੇ 'ਤੇ ਵਿਸ਼ੇਸ਼ ਤੌਰ 'ਤੇ ਬਣਾਇਆ ਜਾਂਦਾ ਹੈ।
ਖੀਮਾ ਸਮੋਸਾ: ਖੀਮੇ ਦੇ ਸਮੋਸੇ ਖਾਣ ਵਿੱਚ ਬਹੁਤ ਹੀ ਸਵਾਦਿਸ਼ਟ ਹੁੰਦੇ ਹਨ। ਇਹ ਮਟਨ ਤੋਂ ਬਣਾਏ ਜਾਂਦੇ ਹਨ। ਤੁਸੀਂ ਇਹਨਾਂ ਨੂੰ ਸਨੈਕ ਦੇ ਰੂਪ ਵਿੱਚ ਕਦੇ ਵੀ ਖਾ ਸਕਦੇ ਹੋ।
