ਗੁਹਾਟੀ/ਅਸਾਮ:ਸਟੈਂਡਅੱਪ ਕਾਮੇਡੀਅਨ ਸਮਯ ਰੈਨਾ ਦੇ ਸ਼ੋਅ 'ਇੰਡੀਆਜ਼ ਗੌਟ ਲੇਟੈਂਟ' ਨੂੰ ਲੈ ਕੇ ਚੱਲ ਰਿਹਾ ਵਿਵਾਦ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਸ਼ੋਅ ਦੇ ਨਵੇਂ ਐਪੀਸੋਡ 'ਚ ਰਣਵੀਰ ਅਲਾਹਬਾਦੀਆ, ਆਸ਼ੀਸ਼ ਚੰਚਲਾਨੀ, ਜਸਪ੍ਰੀਤ ਸਿੰਘ ਅਤੇ ਅਪੂਰਵਾ ਆਏ ਸਨ। ਇੱਕ ਕਲਿੱਪ ਵਿੱਚ, ਰਣਵੀਰ ਨੇ ਇੱਕ ਮੁਕਾਬਲੇਬਾਜ਼ ਨਾਲ ਗੱਲ ਕਰਦੇ ਹੋਏ, ਉਸ ਦੇ ਮਾਤਾ-ਪਿਤਾ ਬਾਰੇ ਇੱਕ ਇਤਰਾਜਯੋਗ ਸਵਾਲ ਪੁੱਛਿਆ। ਜਿਸ ਤੋਂ ਬਾਅਦ ਰਣਵੀਰ ਨੂੰ ਸੋਸ਼ਲ ਮੀਡੀਆ 'ਤੇ ਬੁਰੀ ਤਰ੍ਹਾਂ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਹੁਣ ਗੁਹਾਟੀ ਪੁਲਿਸ ਨੇ ਵੀ ਉਨ੍ਹਾਂ ਖਿਲਾਫ ਐਫਆਈਆਰ ਦਰਜ ਕਰ ਲਈ ਹੈ।
ਇਨ੍ਹਾਂ ਸਾਰਿਆਂ 'ਤੇ ਗ਼ਲਤ ਅਤੇ ਅਸ਼ਲੀਲ ਚਰਚਾ ਨੂੰ ਹਵਾ ਦੇਣ ਦਾ ਇਲਜ਼ਾਮ ਹੈ। ਗੁਹਾਟੀ ਕ੍ਰਾਈਮ ਬ੍ਰਾਂਚ ਨੇ ਇਸ ਮਾਮਲੇ 'ਚ ਸਾਈਬਰ ਪੁਲਿਸ ਸਟੇਸ਼ਨ 'ਚ ਕਈ ਧਰਾਵਾਂ ਦੇ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਅਸਾਮ ਦੇ ਮੁੱਖ ਮੰਤਰੀ ਹਿਮਾਂਤਾ ਬਿਸਵਾ ਸਰਮਾ ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਕਰਦੇ ਹੋਏ ਇਸ ਐਫਆਈਆਰ ਦੀ ਜਾਣਕਾਰੀ ਦਿੱਤੀ।
Today @GuwahatiPol has registered an FIR against against certain Youtubers and social Influencers, namely
— Himanta Biswa Sarma (@himantabiswa) February 10, 2025
1. Shri Ashish Chanchlani
2. Shri Jaspreet Singh
3. Shri Apoorva Makhija
4. Shri Ranveer Allahbadia
5. Shri Samay Raina and others
for promoting obscenity and engaging in…
ਕਿਨ੍ਹਾਂ-ਕਿਨ੍ਹਾਂ ਉੱਤੇ ਹੋਈ ਕਾਰਵਾਈ ?
ਅਸਾਮ ਦੇ ਮੁੱਖ ਮੰਤਰੀ ਹਿਮੰਤ ਬਿਸਵਾ ਸਰਮਾ ਨੇ ਸੋਮਵਾਰ ਨੂੰ ਕਿਹਾ ਕਿ ਗੁਹਾਟੀ ਪੁਲਿਸ ਨੇ 'ਇੰਡੀਆਜ਼ ਗੌਟ ਲੇਟੈਂਟ' ਨਾਮ ਦੇ ਇੱਕ ਸ਼ੋਅ ਵਿੱਚ ਕਥਿਤ ਤੌਰ 'ਤੇ ਅਸ਼ਲੀਲਤਾ ਨੂੰ ਉਤਸ਼ਾਹਿਤ ਕਰਨ ਅਤੇ ਅਸ਼ਲੀਲ ਚਰਚਾਵਾਂ ਵਿੱਚ ਸ਼ਾਮਲ ਹੋਣ ਦੇ ਇਲਜ਼ਾਮ ਵਿੱਚ ਰਣਵੀਰ ਅਲਾਹਬਾਦੀਆ, ਆਸ਼ੀਸ਼ ਚੰਚਲਾਨੀ ਅਤੇ ਹੋਰਾਂ ਸਣੇ ਪ੍ਰਮੁੱਖ ਸਮਗਰੀ ਨਿਰਮਾਤਾਵਾਂ ਵਿਰੁੱਧ ਐਫਆਈਆਰ ਦਰਜ ਕੀਤੀ ਹੈ।
ਅਸਾਮ ਦੇ ਮੁੱਖ ਮੰਤਰੀ ਨੇ ਕਿਹਾ, ਅੱਜ ਗੁਹਾਟੀਪੋਲ ਨੇ ਕੁਝ ਯੂਟਿਊਬਰਾਂ ਅਤੇ ਸਮਾਜਿਕ ਪ੍ਰਭਾਵਕਾਂ ਦੇ ਖਿਲਾਫ ਐਫਆਈਆਰ ਦਰਜ ਕਰਵਾਈ ਹੈ, ਜਿਨ੍ਹਾਂ ਦੇ ਨਾਮ ਹਨ...
- ਆਸ਼ੀਸ਼ ਚੰਚਲਾਨੀ
- ਜਸਪ੍ਰੀਤ ਸਿੰਘ
- ਅਪੂਰਵਾ ਮਖੀਜਾ
- ਰਣਵੀਰ ਅਲਾਹਬਾਦੀਆ
- ਸਮਯ ਰੈਨਾ ਅਤੇ ਹੋਰ
ਇਨ੍ਹਾਂ ਧਾਰਾਵਾਂ ਤਹਿਤ ਮਾਮਲਾ ਦਰਜ
ਸ਼ੋਅ 'ਇੰਡੀਆਜ਼ ਗੌਟ ਲੇਟੈਂਟ' 'ਚ ਅਸ਼ਲੀਲਤਾ ਨੂੰ ਉਤਸ਼ਾਹਿਤ ਕਰਨ ਅਤੇ ਅਸ਼ਲੀਲ ਚਰਚਾ 'ਚ ਸ਼ਾਮਲ ਹੋਣ ਦੇ ਇਲਜ਼ਾਮ 'ਚ ਉਨ੍ਹਾਂ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ। ਗੁਹਾਟੀ ਅਪਰਾਧ ਸ਼ਾਖਾ ਨੇ ਸਾਈਬਰ ਪੀਐਸ ਕੇਸ ਨੰਬਰ 03/2025 ਦੀ ਧਾਰਾ 79/95/294/296 ਬੀਐਨਐਸ 2023, ਆਈਟੀ ਐਕਟ, 2000 ਦੀ ਧਾਰਾ 67, ਸਿਨੇਮੈਟੋਗ੍ਰਾਫ ਐਕਟ 1952 ਦੀ ਧਾਰਾ 4/7 ਦੇ ਨਾਲ-ਨਾਲ ਧਾਰਾ 19/2025 ਦੇ ਤਹਿਤ ਕੇਸ ਦਰਜ ਕੀਤਾ ਹੈ।
ਦੱਸ ਦੇਈਏ ਕਿ ਮਸ਼ਹੂਰ ਯੂਟਿਊਬਰ ਰਣਵੀਰ ਅਲਾਹਬਾਦੀਆ ਖਿਲਾਫ ਸੋਸ਼ਲ ਮੀਡੀਆ 'ਤੇ ਟ੍ਰੋਲ ਕਰਨ ਵਾਲਿਆਂ ਵੱਲੋਂ ਕੁਮੈਂਟਾਂ ਦੇ ਢੇਰ ਲਗਾ ਦਿੱਤੇ ਗਏ। ਰਣਵੀਰ ਦੀ ਇਸ ਟਿੱਪਣੀ 'ਤੇ ਕਈ ਲੋਕ ਉਸ 'ਤੇ ਕਾਰਵਾਈ ਦੀ ਮੰਗ ਕਰ ਰਹੇ ਸਨ। ਰਣਵੀਰ ਨੇ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਰਾਹੀਂ ਮੁਆਫੀ ਵੀ ਮੰਗੀ ਹੈ।
A social media influencer, @BeerBicepsGuy has shown his true colors by his disgustingly vulgar comments on a comedy show which is popular on Social Media, in the garb of freedom of speech.
— Neelkant Bakshi 🇮🇳 (@neelkantbakshi) February 10, 2025
This is beyond any shreds of decency.
As the general secretary of Bhartiya Influencers…
ਰਣਵੀਰ ਦੇ ਸ਼ਬਦਾਂ ਦੀ ਸਖ਼ਤ ਨਿੰਦਾ
ਇਸ ਦੌਰਾਨ, ਇੰਡੀਅਨ ਇਨਫਲੂਐਂਸਰਜ਼ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਨੀਲਕਾਂਤ ਬਖਸ਼ੀ ਨੇ ਯੂਟਿਊਬਰ ਅਤੇ ਪੋਡਕਾਸਟਰ ਰਣਵੀਰ ਅਲਾਹਾਬਾਦੀਆ, ਜਿਸ ਨੂੰ 'ਬੀਅਰਬਾਇਸੇਪਸ' ਵਜੋਂ ਵੀ ਜਾਣਿਆ ਜਾਂਦਾ ਹੈ, ਵੱਲੋਂ ਇੱਕ ਰਿਐਲਿਟੀ ਕਾਮੇਡੀ ਸ਼ੋਅ 'ਤੇ ਕੀਤੀਆਂ ਟਿੱਪਣੀਆਂ ਦੀ ਸਖ਼ਤ ਨਿੰਦਾ ਕੀਤੀ ਹੈ, ਉਨ੍ਹਾਂ ਨੂੰ 'ਘਿਣਾਉਣੀ ਅਸ਼ਲੀਲ' ਅਤੇ 'ਕਿਸੇ ਵੀ ਮਰਿਆਦਾ ਤੋਂ ਪਰੇ' ਦੱਸਿਆ ਹੈ। ਐਕਸ 'ਤੇ ਇੱਕ ਪੋਸਟ ਵਿੱਚ, ਨੀਲਕਾਂਤ ਨੇ ਕਿਹਾ ਕਿ, 'ਉਹ ਟਿੱਪਣੀਆਂ ਤੋਂ ਪ੍ਰੇਸ਼ਾਨ ਹਨ ਅਤੇ ਅਲਾਹਬਾਦੀਆ ਨੇ ਆਪਣਾ ਅਸਲੀ ਰੰਗ ਦਿਖਾਇਆ ਹੈ।'
ਬਖਸ਼ੀ ਨੇ ਕਿਹਾ, "ਇੱਕ ਸੋਸ਼ਲ ਮੀਡੀਆ ਇਨਫਲੂਏਂਸਰ, @BeerBicepsGuy ਨੇ ਪ੍ਰਗਟਾਵੇ ਸਬੰਧੀ ਅਜ਼ਾਦੀ ਦੀ ਸ਼ਹਿ ਹੇਠ ਸੋਸ਼ਲ ਮੀਡੀਆ 'ਤੇ ਪ੍ਰਸਿੱਧ ਇੱਕ ਕਾਮੇਡੀ ਸ਼ੋਅ 'ਤੇ ਆਪਣੀਆਂ ਘਿਣਾਉਣੀਆਂ ਅਸ਼ਲੀਲ ਟਿੱਪਣੀਆਂ ਨਾਲ ਆਪਣਾ ਅਸਲੀ ਰੰਗ ਦਿਖਾਇਆ ਹੈ। ਇਹ ਕਿਸੇ ਵੀ ਤਰ੍ਹਾਂ ਦੀ ਸ਼ਾਲੀਨਤਾ ਤੋਂ ਪਰੇ ਹੈ। ਇੰਡੀਅਨ ਇੰਫਲੂਐਂਸਰ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਹੋਣ ਦੇ ਨਾਤੇ, ਮੈਂ ਦੁਖੀ ਹਾਂ ਅਤੇ ਉਨ੍ਹਾਂ ਦੀਆਂ ਟਿੱਪਣੀਆਂ ਦੀ ਸਖ਼ਤ ਨਿੰਦਾ ਕਰਦਾ ਹਾਂ।"
ਰਣਵੀਰ ਨੇ ਮੰਗੀ ਮਾਫੀ
ਸ਼ੋਅ 'ਇੰਡੀਆਜ਼ ਗੌਟ ਲੇਟੈਂਟ' ਦੇ ਯੂਟਿਊਬ ਐਪੀਸੋਡ ਦੌਰਾਨ ਅਲਾਹਬਾਦੀਆ ਦੀਆਂ "ਇਤਰਾਜ਼ਯੋਗ" ਟਿੱਪਣੀਆਂ ਦੀ ਚਾਰੇ ਪਾਸੇ ਆਲੋਚਨਾ ਹੋ ਰਹੀ ਹੈ। ਮਾਮਲਾ ਗਰਮਾਉਣ ਤੋਂ ਬਾਅਦ, ਅਲਾਹਬਾਦੀਆ ਨੇ ਸੋਮਵਾਰ ਨੂੰ ਆਪਣੀਆਂ "ਟਿੱਪਣੀਆਂ" ਲਈ ਮੁਆਫੀ ਮੰਗੀ, ਉਨ੍ਹਾਂ ਨੂੰ 'ਅਣਉਚਿਤ' ਅਤੇ 'ਅਸੰਵੇਦਨਸ਼ੀਲ' ਕਰਾਰ ਦਿੱਤਾ। ਅਲਾਹਬਾਦੀਆ ਨੇ ਆਪਣੇ ਐਕਸ ਅਕਾਊਂਟ 'ਤੇ ਸ਼ੋਅ ਵਿੱਚ ਆਪਣੀ ਟਿੱਪਣੀ ਲਈ ਮੁਆਫੀ ਮੰਗਦੇ ਹੋਏ ਇਕ ਮਿੰਟ ਦਾ ਵੀਡੀਓ ਸਾਂਝਾ ਕੀਤਾ। ਉਸ ਨੇ ਲਿਖਿਆ, "ਮੈਨੂੰ ਉਹ ਨਹੀਂ ਕਹਿਣਾ ਚਾਹੀਦਾ ਸੀ ਜੋ ਮੈਂ ਇੰਡੀਆਜ਼ ਗੌਟ ਲੇਟੈਂਟ 'ਤੇ ਕਿਹਾ ਸੀ... ਮੈਨੂੰ ਦੁੱਖ ਹੈ।"
ਸ਼ੋਅ ਵਿੱਚ ਕੀਤੀਆਂ ਗਈਆਂ ਵਿਵਾਦਪੂਰਨ ਅਤੇ ਇਤਰਾਜ਼ਯੋਗ ਟਿੱਪਣੀਆਂ ਤੋਂ ਬਾਅਦ, ਅਲਾਹਬਾਦੀਆ, ਸੋਸ਼ਲ ਮੀਡੀਆ ਇਨਫਲੂਏਂਸਰ ਅਪੂਰਵਾ ਮਖੀਜਾ, ਕਾਮੇਡੀਅਨ ਸਮਯ ਰੈਨਾ ਅਤੇ ਸ਼ੋਅ 'ਇੰਡੀਆਜ਼ ਗੌਟ ਲੇਟੈਂਟ' ਦੇ ਪ੍ਰਬੰਧਕਾਂ ਵਿਰੁੱਧ ਰਸਮੀ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ।
I shouldn’t have said what I said on India’s got latent. I’m sorry. pic.twitter.com/BaLEx5J0kd
— Ranveer Allahbadia (@BeerBicepsGuy) February 10, 2025
