ਪਿਸਤਾ ਸਭ ਤੋਂ ਸ਼ਕਤੀਸਾਲੀ ਸੁੱਕੇ ਫ਼ਲਾਂ ਵਿੱਚੋਂ ਇੱਕ ਹੈ। ਇਸ ਵਿੱਚ ਸਰੀਰ ਲਈ ਜ਼ਰੂਰੀ ਸਾਰੇ ਪੌਸ਼ਟਿਕ ਤੱਤ ਹੁੰਦੇ ਹਨ। ਇਸ ਦਾ ਇਹ ਗੁਣ ਹੀ ਇਸ ਨੂੰ ਸੁਪਰਫੂਡ ਬਣਾਉਂਦਾ ਹੈ। ਪਿਸਤਾ ਇੱਕ ਸੁੱਕਾ ਫ਼ਲ ਹੈ ਜਿਸਦੀ ਬਾਹਰੀ ਸਤ੍ਹਾ ਨੂੰ ਹਟਾ ਕੇ ਖਾਇਆ ਜਾਂਦਾ ਹੈ। ਇਹ ਸੁੱਕਾ ਫ਼ਲ ਕੇਵਲ ਖਾਣ ਵਿੱਚ ਹੀ ਸੁਆਦ ਨਹੀਂ ਹੁੰਦਾ ਬਲਕਿ ਉਹਨਾਂ ਹੀ ਸਿਹਤ ਲਈ ਫਾਇਦੇਮੰਦ ਵੀ ਹੁੰਦਾ ਹੈ। ਪੰਜਾਬੀ ਵਿਆਹਾਂ ਵਿੱਚ ਇਸ ਸੁੱਕੇ ਫਲ ਨੂੰ ਸੁਆਗਤ ਦੇ ਭੋਜਨ ਵਿੱਚ ਵਰਤਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਪਿਸਤਾ ਨੂੰ ਸਨੈਕਸ ਦੇ ਤੌਰ 'ਤੇ ਵੀ ਲਿਆ ਜਾ ਸਕਦਾ ਹੈ। ਸਰੀਰ ਨੂੰ ਕਿਸੇ ਵੀ ਤਰ੍ਹਾਂ ਦੀ ਕੋਈ ਇਨਫੈਕਸ਼ਨ ਨੂੰ ਦੂਰ ਕਰਨ ਵਿੱਚ ਵੀ ਪਿਸਤਾ ਨੂੰ ਵਰਤਿਆ ਜਾਂਦਾ ਹੈ।
ਆਓ ਜਾਣਦੇ ਹਾਂ ਪਿਸਤਾ ਖਾਣ ਦੇ ਫਾਇਦੇ
ਪਿਸਤਾ ਵਿੱਚ ਹੇਠ ਲਿਖੇ ਪੌਸ਼ਟਿਕ ਤੱਤ ਹੁੰਦੇ ਹਨ...
- ਪੌਟਾਸ਼ੀਅਮ
- ਫਾਰਸਫੌਰਸ
- ਮੈਗਨੇਸ਼ੀਅਮ
- ਮੈਗਨੀਜ਼
- ਕੈਲਸ਼ੀਅਮ
- ਵਿਟਾਮਿਨ
- ਵਿਟਾਮਿਨ ਏ
- ਵਿਟਾਮਿਨ ਈ
- ਵਿਟਾਮਿਨ ਸੀ
- ਵਿਟਾਮਿਨ ਬੀ
- ਵਿਟਾਮਿਨ ਕੇ
- ਫੌਲੇਟ
- ਪ੍ਰੋਟੀਨਆਓ ਜਾਣਦੇ ਹਾਂ ਪਿਸਤਾ ਖਾਣ ਦੇ ਫਾਇਦੇ...
ਕੈਲੋਰੀ ਦੀ ਮਾਤਰਾ ਘੱਟ
ਕੈਲੋਰੀ ਦੀ ਮਾਤਰਾ ਘੱਟ ਹੀ ਹੁੰਦੀ ਹੈ। ਪਿਸਤਾ ਖਾਣ ਨਾਲ ਸਿਹਤ ਚੰਗੀ ਰਹਿੰਦੀ ਹੈ ਪਰ ਇਸ ਵਿੱਚ ਕੈਲੋਰੀ ਦੀ ਮਾਤਰਾ ਘੱਟ ਹੁੰਦੀ ਹੈ ਜਿਵੇਂ ਕਿ ਪਿਸਤਾ ਵਿੱਚ ਕੈਲੋਰੀ 28 ਗ੍ਰਾਮ ਪਿਸਤਾ ਵਿੱਚ 159 ਕੈਲੋਰੀ ਹੁੰਦੀ ਹੈ। ਜਦੋਂ ਕਿ ਅਖ਼ਰੋਟ ਵਿੱਚ ਕੈਲੋਰੀ ਦੀ ਮਾਤਰਾ 193 ਹੁੰਦੀ ਹੈ।
ਦਿਮਾਗ਼ ਲਈ ਫਾਇਦੇਮੰਦ
ਪਿਸਤਾ ਵਿੱਚ ਅਜਿਹੇ ਤੱਤ ਪਾਏ ਜਾਂਦੇ ਹਨ ਜਿਹਨਾਂ ਵਿੱਚ ਦਿਮਾਗ਼ ਦੀ ਪ੍ਰਕਿਰਿਆ ਨੂੰ ਚੰਗਾ ਰੱਖਦੇ ਹਨ। ਦਿਮਾਗ ਨੂੰ ਐਕਟਿਵ ਅਤੇ ਸਾਵਧਾਨ ਬਣਾਉਣ ਵਿੱਚ ਮਦਦ ਕਰਦੇ ਹਨ। ਦਿਮਾਗ਼ ਦੇ ਖੂਨ ਸੰਚਾਰ ਨੂੰ ਵਧਾਉਂਦਾ ਹੈ।
ਹੀਮੋਗਲੋਬਿਨ ਵਿੱਚ ਵਾਧਾ ਕਰਦਾ ਹੈ ਪਿਸਤਾ
ਪਿਸਤਾ ਸਾਡੇ ਹੀਮੋਗਲੋਬਿਨ ਨੂੰ ਵੀ ਵਧਾਉਂਦਾ ਹੈ। ਪਿਸਤਾ ਵਿੱਚ ਵਿਟਾਮਿਨ-6 ਭਰਪੂਰ ਮਾਤਰਾ ਵਿੱਚ ਪਾਇਆ ਜਾਂਦਾ ਹੈ। ਇਸ ਲਈ ਪਿਸਤਾ ਸਾਡੇ ਖੂਨ ਦੇ ਸੰਚਾਰ ਵਿੱਚ ਸੁਧਾਰ ਕਰਦਾ ਹੈ। ਹਰ ਰੋਜ਼ ਪਿਸਤਾ ਦਾ ਸੇਵਨ ਕਰਨ ਨਾਲ ਹੀਮੋਗਲੋਬਿਨ ਦੇ ਉਤਪਾਦਨ ਵਿੱਚ ਮਦਦ ਮਿਲਦੀ ਹੈ। ਜਿਸ ਨਾਲ ਸਰੀਰ ਵਿੱਚ ਆਕਸੀਜਨ ਦੇ ਪ੍ਰਵਾਹ ਵਿੱਚ ਸੁਧਾਰ ਹੁੰਦਾ ਹੈ।
ਸਰੀਰ ਦੇ ਵਜ਼ਨ ਨੂੰ ਘੱਟ ਕਰਨ ਵਿੱਚ ਮਦਦ
ਵਜ਼ਨ ਘੱਟ ਕਰਨ ਵਿੱਚ ਮਦਦ ਮਿਲਦੀ ਹੈ। ਊਰਜਾ ਨਾਲ ਭਰਪੂਰ ਹੋਣ ਦੇ ਬਾਵਜੂਦ ਵੀ ਪਿਸਤਾ ਵਜ਼ਨ ਘੱਟ ਕਰਨ ਵਿੱਚ ਮਦਦ ਕਰਦਾ ਹੈ। ਕੁੱਝ ਅਧਿਐਨਾਂ ਤੋਂ ਪਤਾ ਲੱਗਦਾ ਹੈ ਕਿ ਪਿਸਤਾ ਸਰੀਰ ਦਾ ਵਜ਼ਨ ਘੱਟ ਕਰਦਾ ਹੈ। ਪਿਸਤਾ ਵਿੱਚ ਫਾਇਵਰ ਅਤੇ ਪ੍ਰੋਟੀਨ ਵਰਗੇ ਤੱਤ ਹੁੰਦੇ ਹਨ।
ਕੈਂਸਰ ਤੋਂ ਬਚਾਅ
ਪਿਸਤੇ ਦਾ ਸੇਵਨ ਕਰਨ ਨਾਲ ਕੈਂਸਰ ਤੋਂ ਬਚਾਅ ਹੁੰਦਾ ਹੈ, ਪਿਸਤਾ ਵਿੱਚ ਵਿਟਾਮਿਨ ਬੀ ਹੁੰਦਾ ਹੈ। ਜੋ ਕਿ ਸਫੈਦ ਖੂਨ ਕੌਸ਼ਕਾਂ ਦੇ ਉਤਪਾਦਨ ਵਿੱਚ ਮਦਦ ਕਰਦਾ ਹੈ। ਇਹ ਸਰੀਰ ਨੂੰ ਜ਼ਿਆਦਾ ਪ੍ਰਤੀਰੋਧੀ ਬਣਾਉਂਦਾ ਹੈ ਜਿਸ ਨਾਲ ਸੰਕ੍ਰਮਣਾ ਦੇ ਵਿਰੁੱਧ ਲੜਨ ਅਤੇ ਕੈਂਸਰ ਕੌਸ਼ਿਕਾਵਾਂ ਤੋਂ ਬਚਾਅ ਕਰਨ ਵਿੱਚ ਮਦਦ ਮਿਲਦੀ ਹੈ।
ਅੱਖਾਂ ਲਈ ਫਾਇਦੇਮੰਦ ਵੀ ਹੁੰਦਾ ਹੈ ਪਿਸਤਾ
ਐਂਟੀਆਕਸੀਡੈਂਟ ਲਿਊਟਨ ਅੱਖਾਂ ਲਈ ਬਹੁਤ ਹੀ ਜ਼ਰੂਰੀ ਹੈ। ਪਿਸਤਾ ਇਹਨਾਂ ਦੋਨਾਂ ਐਂਟੀਆਕਸੀਡੈਂਟ ਦਾ ਇੱਕ ਚੰਗਾ ਸਰੋਤ ਹੈ। ਇਸਦਾ ਹਰ ਰੋਜ਼ ਸੇਵਨ ਕਰਨ ਨਾਲ ਆਪਣੀਆਂ ਦੀਆਂ ਅੱਖਾਂ ਦੀ ਸੰਭਾਵਿਤ ਬਿਮਾਰੀਆਂ ਤੋਂ ਬਚਾਇਆ ਜਾ ਸਕਦਾ ਹੈ।
ਕੀ ਪਿਸਤਾ ਦਾ ਕੋਈ ਨੁਕਸਾਨ ਵੀ ਆ
ਹਰ ਚੀਜ਼ ਦੇ ਫਾਇਦੇ ਵੀ ਹਨ ਅਤੇ ਨੁਕਸਾਨ ਵੀ ਇਸੇ ਤਰ੍ਹਾਂ ਹੀ ਜੇਕਰ ਕਿਸੇ ਚੀਜ਼ ਦੀ ਲੋੜ ਤੋਂ ਜਿਆਦਾ ਵਰਤੋਂ ਕੀਤੀ ਜਾਂਦੀ ਹੈ ਤਾਂ ਉਹ ਸਾਡੇ ਲਈ ਨੁਕਸਾਨਦਾਇਕ ਹੋ ਸਕਦਾ ਹੈ। ਪਿਸਤੇ ਵਿੱਚ ਫਾਇਵਰ ਹੁੰਦਾ ਹੈ ਜੇਕਰ ਫਾਇਵਰ ਦੀ ਜਿਆਦਾ ਵਰਤੋਂ ਕੀਤੀ ਜਾਵੇ ਤਾਂ ਪੇਟ ਖਰਾਬ, ਪੇਟ ਦੀ ਪਾਚਨ ਸ਼ਕਤੀ ਪ੍ਰਭਾਵਿਤ ਹੋ ਸਕਦੀ ਹੈ।
ਕਿਸ ਸਮੇਂ ਪਿਸਤਾ ਨੂੰ ਖਾਇਆ ਜਾਵੇ
ਪਿਸਤਾ ਇੱਕ ਅਜਿਹਾ ਸੁੱਕਾ ਫਲ ਹੈ ਕਿ ਤੁਸੀਂ ਆਪਣੀ ਡਾਇਟ ਵਿੱਚ ਰੋਜ਼ਾਨਾ ਲੈ ਸਕਦੇ ਹੋ। ਰਾਤ ਨੂੰ ਜੇਕਰ ਥੋੜੀ ਬਹੁਤੀ ਭੁੱਖ ਹੁੰਦੀ ਹੈ ਤਾਂ ਤੁਸੀਂ ਜੰਕ ਫੂਡ ਖਾਣ ਤੋਂ ਪ੍ਰਹੇਜ਼ ਕਰੋ ਅਤੇ ਪਿਸਤੇ ਨੂੰ ਵਰਤੋਂ। ਪਿਸਤਾ ਜਿਸਨੂੰ ਤੁਸੀਂ ਸਿੱਧੇ ਤੌਰ 'ਤੇ ਖਾ ਸਕਦੇ ਹੋ ਜਾਂ ਖੀਰ, ਪੁਡਿੰਗ, ਸਮੂਦੀ, ਸੀਰੀਅਲ, ਆਈਸਕ੍ਰੀਮ ਆਦਿ ਵਿੱਚ ਇਸਦੀ ਵਰਤੋਂ ਕਰ ਸਕਦੇ ਹੋ। ਤੁਸੀਂ ਸ਼ਾਮ ਜਾਂ ਅੱਧੀ-ਸਵੇਰੇ ਥੋੜ੍ਹੀ ਜਿਹੀ ਭੁੱਖ ਲਈ ਜੰਕ ਫੂਡ ਖਾਣ ਦੀ ਬਜਾਏ ਸਨੈਕ ਦੇ ਤੌਰ 'ਤੇ ਪਿਸਤਾ ਵੀ ਖਾ ਸਕਦੇ ਹੋ। ਦਿਨ ਵਿੱਚ ਇੱਕ ਜਾਂ ਦੋ ਮੁੱਠੀ ਪਿਸਤਾ ਖਾਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।
ਪਿਸਤਾ ਕਿੱਥੇ ਕਿੱਥੇ ਪਾਇਆ ਜਾਂਦਾ
ਪਿਸਤਾ ਮੁੱਖ ਰੂਪ ਵਿੱਚ ਇਰਾਨ ਵਿੱਚ, ਅਫ਼ਗਾਨਿਸਤਾਨ, ਮੱਧ ਏਸ਼ੀਆ ਦੇ ਦੇਸ਼ਾਂ ਵਿੱਚ ਵੀ ਪਾਇਆ ਜਾਂਦਾ ਹੈ। ਇਸ ਦੇ ਇਲਾਵਾ ਦੁਨੀਆਂ ਵਿੱਚ ਇਟਲੀ, ਸੀਰੀਆ, ਪਾਕਿਸਤਾਨ, ਤੁਰਕੀ, ਮਿਸਰ ਅਤੇ ਇਰਾਕ ਵਿੱਚ ਇਸਦੀ ਖੇਤੀ ਕੀਤੀ ਜਾਂਦੀ ਹੈ। ਪਿਸਤਾ ਨੂੰ ਹੋਰ ਨਾਵਾਂ ਨਾਲ ਵੀ ਜਾਣਿਆ ਜਾਂਦਾ ਹੈ ਜਿਵੇਂ ਪਿਸਤਾ, ਗੁੱਲੀ ਪਿਸਤਾ, ਮੁਕੁਲਕ, ਚਾਰੁਫਲ ਅਤੇ ਹਰੇ ਬਦਾਮ।
ਇਹ ਵੀ ਪੜ੍ਹੋ:Perfume Day 2022: ਆਓ ਘਰ ਵਿੱਚ ਹੀ ਬਣਾਈਏ ਖੁਸ਼ਬੂਦਾਰ ਅਤਰ
