ਹੈਦਰਾਬਾਦ: ਐਪਲ ਆਪਣੇ ਗ੍ਰਾਹਕਾਂ ਲਈ ਸਭ ਤੋਂ ਸਸਤਾ ਆਈਫੋਨ ਲਾਂਚ ਕਰਨ ਦੀ ਤਿਆਰੀ ਵਿੱਚ ਹੈ। ਫਿਲਹਾਲ, ਕੰਪਨੀ ਨੇ ਇਸ ਆਈਫੋਨ ਦੀ ਲਾਂਚ ਡੇਟ ਦਾ ਖੁਲਾਸਾ ਨਹੀਂ ਕੀਤਾ ਹੈ ਪਰ ਐਪਲ ਦੇ ਸੀਈਓ ਨੇ ਇੱਕ ਟੀਜ਼ਰ ਸ਼ੇਅਰ ਕਰ ਦਿੱਤਾ ਹੈ, ਜਿਸ ਤੋਂ ਉਮੀਦ ਲਗਾਈ ਜਾ ਰਹੀ ਹੈ ਕਿ ਇਹ iPhone SE 4 ਹੋ ਸਕਦਾ ਹੈ। ਇਸ ਟੀਜ਼ਰ ਨੂੰ ਸ਼ੇਅਰ ਕਰਦੇ ਹੋਏ ਟਿਮ ਕੁੱਕ ਨੇ ਲਿਖਿਆ ਹੈ ਕਿ ਐਪਲ ਇੱਕ ਨਵਾਂ ਪ੍ਰੋਡਕਟ ਲਾਂਚ ਕਰਨ ਜਾ ਰਿਹਾ ਹੈ। ਇਸ ਪੋਸਟ ਰਾਹੀਂ ਕੰਪਨੀ ਨੇ ਲਾਂਚ ਡੇਟ ਦਾ ਵੀ ਐਲਾਨ ਕੀਤਾ ਹੈ।
ਟਿਮ ਕੁੱਕ ਨੇ ਸ਼ੇਅਰ ਕੀਤਾ ਟੀਜ਼ਰ
ਟਿਮ ਕੁੱਕ ਨੇ ਆਪਣੇ 'ਐਕਸ' ਅਕਾਊਂਟ ਰਾਹੀਂ ਇੱਕ ਪੋਸਟ ਸ਼ੇਅਰ ਕੀਤੀ ਹੈ। ਇਸ ਪੋਸਟ ਵਿੱਚ 7 ਸਕਿੰਟ ਦਾ ਟੀਜ਼ਰ ਦਿਖਾਈ ਦੇ ਰਿਹਾ ਹੈ, ਜਿਸ ਵਿੱਚ ਐਪਲ ਦਾ ਲੋਗੋ ਚਮਕਦਾ ਦਿਖਾਈ ਦੇ ਰਿਹਾ ਹੈ। ਇਸ ਟੀਜ਼ਰ ਨੂੰ ਸ਼ੇਅਰ ਕਰਦੇ ਹੋਏ ਟਿਮ ਕੁੱਕ ਨੇ ਲਿਖਿਆ ਹੈ, "ਸਾਡੇ ਪਰਿਵਾਰ ਵਿੱਚ ਇੱਕ ਨਵੇਂ ਮੈਂਬਰ ਨੂੰ ਮਿਲਣ ਲਈ ਤਿਆਰ ਹੋ ਜਾਓ। ਬੁੱਧਵਾਰ 19 ਫਰਵਰੀ, ਐਪਲ ਲਾਂਚ।"
Get ready to meet the newest member of the family.
— Tim Cook (@tim_cook) February 13, 2025
Wednesday, February 19. #AppleLaunch pic.twitter.com/0ML0NfMedu
ਨਾਮ ਦਾ ਨਹੀਂ ਹੋਇਆ ਖੁਲਾਸਾ
ਐਪਲ ਦੇ ਸੀਈਓ ਦੁਆਰਾ ਸ਼ੇਅਰ ਕੀਤੇ ਗਏ ਇਸ ਟੀਜ਼ਰ ਪੋਸਟ ਤੋਂ ਪਤਾ ਚੱਲਦਾ ਹੈ ਕਿ ਐਪਲ ਕੰਪਨੀ ਬੁੱਧਵਾਰ 19 ਫਰਵਰੀ 2025 ਨੂੰ ਇੱਕ ਨਵਾਂ ਪ੍ਰੋਡਕਟ ਲਾਂਚ ਕਰਨ ਜਾ ਰਹੀ ਹੈ। ਹਾਲਾਂਕਿ, ਟਿਮ ਕੁੱਕ ਨੇ ਆਪਣੀ ਪੋਸਟ ਵਿੱਚ ਕਿਸੇ ਵੀ ਡਿਵਾਈਸ ਜਾਂ ਆਉਣ ਵਾਲੇ ਉਤਪਾਦ ਦਾ ਨਾਮ ਨਹੀਂ ਦੱਸਿਆ ਹੈ।
ਅਜਿਹੇ 'ਚ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਐਪਲ 19 ਫਰਵਰੀ ਨੂੰ ਹੀ ਆਈਫੋਨ SE 4 ਲਾਂਚ ਕਰਨ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ, ਕਈ ਮੀਡੀਆ ਰਿਪੋਰਟਾਂ ਦਾ ਇਹ ਵੀ ਮੰਨਣਾ ਹੈ ਕਿ ਕੰਪਨੀ ਆਈਫੋਨ SE 4th Gen ਲਾਂਚ ਕਰਨ ਜਾ ਰਹੀ ਹੈ। ਅਜਿਹੀ ਸਥਿਤੀ ਵਿੱਚ ਟਿਮ ਕੁੱਕ ਨੇ ਸ਼ਾਇਦ ਇਸ ਫੋਨ ਦਾ ਟੀਜ਼ਰ ਜਾਰੀ ਕਰਕੇ ਲਾਂਚ ਡੇਟ ਦਾ ਐਲਾਨ ਕੀਤਾ ਹੈ।
ਆਈਫੋਨ ਐਸਈ 4 ਦੇ ਫੀਚਰ
ਆਈਫੋਨ ਐਸਈ 4 ਦੇ ਫੀਚਰਾਂ ਦੀ ਗੱਲ ਕਰੀਏ ਤਾਂ ਇਸ ਦੇ ਕਈ ਫੀਚਰ ਲੀਕ ਹੋ ਗਏ ਸੀ, ਜਿਸ ਤੋਂ ਪਤਾ ਲੱਗਿਆ ਸੀ ਕਿ ਫੋਨ ਦਾ ਡਿਜ਼ਾਈਨ ਆਈਫੋਨ 14 ਵਰਗਾ ਹੋਣ ਵਾਲਾ ਹੈ। ਹਾਲ ਹੀ ਵਿੱਚ ਫੋਨ ਦਾ ਇੱਕ ਕੇਸ ਵੀ ਗਲਤੀ ਨਾਲ ਲੀਕ ਹੋ ਗਿਆ ਸੀ, ਜਿਸ ਤੋਂ ਫੋਨ ਦੇ ਡਿਜ਼ਾਈਨ ਦਾ ਖੁਲਾਸਾ ਹੋਇਆ ਸੀ। ਇਹ ਫੋਨ ਆਈਫੋਨ 14 ਦੇ ਬੇਸ ਮਾਡਲ ਵਰਗਾ ਦਿਖਣ ਦੀ ਉਮੀਦ ਹੈ, ਜਿਸ ਵਿੱਚ USB ਟਾਈਪ-ਸੀ ਚਾਰਜਿੰਗ ਪੋਰਟ, ਸਿੰਗਲ ਬੈਕ ਕੈਮਰਾ ਲੈਂਸ, ਗਲਾਸ ਫਿਨਿਸ਼ ਅਤੇ ਐਪਲ ਇੰਟੈਲੀਜੈਂਸ ਦੇ ਨਾਲ ਐਪਲ ਦੀ ਨਵੀਨਤਮ A18 ਚਿੱਪਸੈੱਟ ਮਿਲ ਸਕਦੀ ਹੈ ਜੋ ਕੁਝ ਮਹੀਨੇ ਪਹਿਲਾਂ ਲਾਂਚ ਕੀਤੇ ਗਏ ਨਵੀਨਤਮ ਐਪਲ ਫੋਨ ਆਈਫੋਨ 16 ਨੂੰ ਵੀ ਪਾਵਰ ਦਿੰਦੀ ਹੈ।
ਇਹ ਵੀ ਪੜ੍ਹੋ:-
