ਹੈਦਰਾਬਾਦ: ਸਿਹਤਮੰਦ ਰਹਿਣ ਲਈ ਸਿਹਤਮੰਦ ਭੋਜਨ ਖਾਣਾ ਬਹੁਤ ਮਹੱਤਵਪੂਰਨ ਹੈ। ਗਰਭ ਅਵਸਥਾ ਦੌਰਾਨ ਭੋਜਨ ਦਾ ਖਾਸ ਧਿਆਨ ਰੱਖਿਆ ਜਾਣਾ ਚਾਹੀਦਾ ਹੈ। ਅਣਜੰਮੇ ਬੱਚੇ ਨੂੰ ਪੌਸ਼ਟਿਕ ਤੱਤ, ਵਿਟਾਮਿਨ ਅਤੇ ਮਿਨਰਲਸ ਦੀ ਲੋੜ ਹੁੰਦੀ ਹੈ। ਇਸ ਲਈ ਗਰਭਵਤੀ ਔਰਤ ਨੂੰ ਸਿਰਫ਼ ਸਿਹਤਮੰਦ ਭੋਜਨ ਹੀ ਖਾਣਾ ਚਾਹੀਦਾ ਹੈ ਅਤੇ ਕੁਝ ਅਜਿਹੇ ਭੋਜਨ ਵੀ ਹਨ ਜਿਸਨੂੰ ਖਾਣ ਤੋਂ ਗਰਭਵਤੀ ਔਰਤ ਨੂੰ ਪਰਹੇਜ਼ ਕਰਨਾ ਚਾਹੀਦਾ ਹੈ।
ਗਰਭਵਤੀ ਔਰਤਾਂ ਇਨ੍ਹਾਂ ਭੋਜਨਾ ਨੂੰ ਖਾਣ ਤੋਂ ਕਰਨ ਪਰਹੇਜ਼:-
ਪੈਕ ਕੀਤਾ ਹੋਇਆ ਭੋਜਨ: ਗਰਭ ਅਵਸਥਾ ਦੌਰਾਨ ਜਿੰਨਾਂ ਸੰਭਵ ਹੋ ਸਕੇ ਪਹਿਲਾ ਤੋਂ ਪੈਕ ਕੀਤੇ ਭੋਜਨਾ ਨੂੰ ਖਾਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਦਰਅਸਲ, ਪੈਕ ਕੀਤੇ ਭੋਜਨ ਦੇ ਡੱਬੇ ਦੀ ਪਰਤ ਵਿੱਚ ਅਕਸਰ BPA ਹੁੰਦਾ ਹੈ, ਜੋ ਐਂਡੋਕਰੀਨ ਗਤੀਵਿਧੀ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ ਅਤੇ ਭਰੂਣ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ।
ਕੈਫਿਨ: ਜੇਕਰ ਗਰਭਵਤੀ ਔਰਤ ਜ਼ਿਆਦਾ ਕੈਫਿਨ ਦੀ ਵਰਤੋਂ ਕਰਦੀ ਹੈ, ਤਾਂ ਉਸਦਾ ਗਰਭਪਾਤ ਹੋ ਸਕਦਾ ਹੈ ਜਾ ਬੱਚੇ ਦਾ ਵਿਕਾਸ ਰੁਕ ਸਕਦਾ ਹੈ। ਕੈਫਿਨ ਤੁਹਾਡੇ ਸਰੀਰ ਵਿੱਚ ਆਇਰਨ ਦੀ ਸਮਾਈ ਨੂੰ ਹੌਲੀ ਕਰ ਦਿੰਦਾ ਹੈ। ਜਿਸ ਨਾਲ ਅਨੀਮੀਆ ਦੀ ਸਮੱਸਿਆ ਪੈਂਦਾ ਹੋ ਸਕਦੀ ਹੈ।
ਸਬਜ਼ੀਆਂ ਅਤੇ ਫ਼ਲਾਂ ਨੂੰ ਬਿਨ੍ਹਾਂ ਧੋ ਕੇ ਖਾਣਾ: ਫਲਾਂ ਅਤੇ ਸਬਜ਼ੀਆਂ ਨੂੰ ਗਰਭਵਤੀ ਔਰਤਾਂ ਦੇ ਭੋਜਨ ਦਾ ਇੱਕ ਮੁੱਖ ਹਿੱਸਾ ਮੰਨਿਆ ਜਾਂਦਾ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਸਬਜ਼ੀਆਂ ਅਤੇ ਫ਼ਲ ਖਾ ਰਹੇ ਹੋ, ਤਾਂ ਉਨ੍ਹਾਂ ਵਿੱਚ ਮੌਜ਼ੂਦ ਕੀਟਨਾਸ਼ਕ ਤੋਂ ਛੁਟਕਾਰਾ ਪਾਉਣ ਲਈ ਇਨ੍ਹਾਂ ਨੂੰ ਚੰਗੀ ਤਰ੍ਹਾਂ ਧੋਣਾ ਚਾਹੀਦਾ ਹੈ। ਕਿਉਕਿ ਬਿਨ੍ਹਾਂ ਧੋਏ ਫ਼ਲ ਅਤੇ ਸਬਜ਼ੀਆਂ ਨੂੰ ਖਾਣਾ ਭਰੂਣ ਲਈ ਹਾਨੀਕਾਰਕ ਹੋ ਸਕਦਾ ਹੈ।
- Corneal Abrasion: ਜੇਕਰ ਤੁਹਾਡੀਆਂ ਅੱਖਾਂ 'ਚ ਦਰਦ ਹੋਣ ਦੇ ਨਾਲ-ਨਾਲ ਪਾਣੀ ਵੀ ਆਉਦਾ ਹੈ, ਤਾਂ ਤੁਸੀਂ ਇਸ ਸਮੱਸਿਆਂ ਦਾ ਹੋ ਸਕਦੇ ਹੋ ਸ਼ਿਕਾਰ, ਛੁਟਕਾਰਾ ਪਾਉਣ ਲਈ ਬਸ ਕਰ ਲਓ ਇਹ ਕੰਮ
- Health Tips: ਡਾਇਬੀਟੀਜ਼ ਕਾਰਨ ਹੋ ਸਕਦੀਆਂ ਨੇ ਕਈ ਬਿਮਾਰੀਆਂ, ਇਸਨੂੰ ਕੰਟਰੋਲ ਕਰਨ ਲਈ ਇੱਥੇ ਦੇਖੋ ਕੁਝ ਸੁਝਾਅ
- Sleeping Problem At Night: ਜੇਕਰ ਤੁਹਾਨੂੰ ਵੀ ਰਾਤ ਨੂੰ ਚੰਗੀ ਨੀਂਦ ਨਹੀਂ ਆਉਦੀ, ਤਾਂ ਇਨ੍ਹਾਂ ਗੱਲਾਂ ਦੀ ਕਰ ਲਓ ਪਾਲਣਾ, ਦਿਨ ਭਰ ਰਹੋਗੇ ਊਰਜਾਵਾਨ
ਕੱਚਾ ਸਮੁੰਦਰੀ ਭੋਜਨ ਅਤੇ ਘੱਟ ਪਕਾਇਆ ਮੀਟ: ਕੁਝ ਸਮੁੰਦਰੀ ਭੋਜਨ ਜਿਵੇਂ ਕਿ ਸ਼ੈਲਫਿਸ਼, ਮਾਰਲਿਨ, ਸਵੋਰਡਫਿਸ਼ ਵਿੱਚ ਮਿਥਾਇਲ ਪਾਰਾ ਹੋ ਸਕਦਾ ਹੈ, ਜੋ ਭਰੂਣ ਦੇ ਦਿਮਾਗ ਦੇ ਵਿਕਾਸ ਲਈ ਖਤਰਨਾਕ ਹੈ। ਇਸਦੇ ਨਾਲ ਹੀ ਜੇਕਰ ਮੀਟ ਨੂੰ ਸਹੀ ਢੰਗ ਨਾਲ ਪਕਾਏ ਬਿਨਾਂ ਖਾਧਾ ਜਾਂਦਾ ਹੈ, ਤਾਂ ਇਸ ਵਿੱਚ ਛੂਤ ਵਾਲੇ ਬੈਕਟੀਰੀਆ ਹੋ ਸਕਦੇ ਹਨ, ਜੋ ਭਰੂਣ ਲਈ ਨੁਕਸਾਨਦੇਹ ਹੋ ਸਕਦੇ ਹਨ।
ਸ਼ਰਾਬ: ਸ਼ਰਾਬ ਵਿੱਚ ਅਜਿਹੀ ਕੋਈ ਮਾਤਰਾ ਨਹੀਂ ਹੈ, ਜੋ ਗਰਭਵਤੀ ਔਰਤ ਲਈ ਸੁਰੱਖਿਅਤ ਮੰਨੀ ਜਾਂਦੀ ਹੋਵੇ। ਇਸ ਲਈ ਗਰਭ ਅਵਸਥਾ ਦੌਰਾਨ ਸ਼ਰਾਬ ਤੋਂ ਬਚਣਾ ਚਾਹੀਦਾ ਹੈ। ਬੱਚੇ ਦੇ ਜਨਮ ਤੋਂ ਪਹਿਲਾ ਸ਼ਰਾਬ ਦਾ ਸੇਵਨ ਬੱਚੇ ਦੇ ਵਿਕਾਸ ਵਿੱਚ ਰੁਕਾਵਟ ਪੈਂਦਾ ਕਰ ਸਕਦਾ ਹੈ।
