ਪਟਿਆਲਾ: ਪ੍ਰਾਚੀਨ ਕਾਲੀ ਮਾਤਾ ਮੰਦਰ ਜੋ ਕਿ ਮਾਲ ਰੋਡ 'ਤੇ ਸਥਿਤ ਹੈ। ਜਿੱਥੇ ਰੋਜ਼ ਹਜ਼ਾਰਾ ਦੀ ਗਿਣਤੀ 'ਚ ਸ਼ਰਧਾਲੂ ਇਸ ਮੰਦਰ ਦੇ ਦਰਸ਼ਨ ਕਰਦੇ ਹਨ। ਦੱਸ ਦਈਏ ਕਿ ਇਹ ਮੰਦਰ ਬਹੁਤ ਹੀ ਪ੍ਰਸਿੱਧ ਮੰਦਰ ਹੈ ਜਿਥੇ ਬਾਹਰੋਂ ਵੀ ਸ਼ਰਧਾਲੂ ਸ਼ਿਰਕਤ ਕਰਦੇ ਹਨ।
ਇਹ ਮੰਦਰ ਵਾਲੇ ਰੋਡ 'ਤੇ ਖਾਸੀ ਆਵਾਜਈ ਰਹਿੰਦੀ ਹੈ ਜਿਸ ਕਰਕੇ ਡੀ.ਸੀ ਨੇ ਮੰਦਰ ਦੇ ਬਾਹਰ ਪਾਰਕਿੰਗ ਕਰਨਾ ਮਨਾ ਹੈ ਜਿਸ ਦਾ ਬੋਰਡ ਵੀ ਲੱਗਾ ਹੋਇਆ ਹੈ ਪਰ ਫਿਰ ਵੀ ਉਥੇ ਪਾਰਕਿੰਗ ਕੀਤੀ ਜਾਂਦੀ ਹੈ। ਜਿਸ ਨਾਲ ਡੀ.ਸੀ ਦੇ ਦਿੱਤੇ ਹੁਕਮਾਂ ਦੀ ਪਾਲਣਾ ਨਹੀਂ ਹੋ ਰਹੀ।
ਇਸ ਸੰਬਧ 'ਚ ਜਦੋਂ ਮਾਲ ਰੋਡ ਦੇ ਇੰਚਾਰਜ ਮੱਖਣ ਸਿੰਘ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਡੀ.ਸੀ ਦੇ ਦਿਸ਼ਾਂ ਨਿਰਦੇਸ਼ ਨਾਲ ਹੀ ਕੰਮ ਕੀਤਾ ਜਾਂਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਡੀ.ਸੀ ਨੇ ਆਦੇਸ਼ ਦਿੱਤਾ ਸੀ ਕਿ ਮੰਦਿਰ ਦੇ ਬਾਹਰ ਕਿਸੇ ਤਰ੍ਹਾਂ ਦੀ ਵੀ ਪਾਰਕਿੰਗ ਨਹੀਂ ਕੀਤੀ ਜਾਵੇਗੀ ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਜੇ ਕਰ ਪਾਰਕਿੰਗ ਜੋਨ ਪੁਰੀ ਤਰ੍ਹਾਂ ਭਰ ਜਾਂਦਾ ਹੈ ਤਾਂ ਉਹ ਮੰਦਰ ਦੇ ਬਾਹਰ ਪਾਰਕਿੰਗ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ: ਠੰਢ ਨਾਲ ਕੰਬੀ ਦਿੱਲੀ, ਕਈ ਇਲਾਕਿਆਂ 'ਚ ਵਿਜ਼ਿਬਿਲਟੀ ਹੋਈ ਜ਼ੀਰੋ
ਜਦੋਂ ਮੱਖਣ ਸਿੰਘ ਨੂੰ ਪਾਰਕਿੰਗ ਜ਼ੋਨ ਖਾਲੀ ਹੋਣ ਬਾਰੇ ਦੱਸਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਉਹ ਜਾ ਕੇ ਚੈੱਕ ਕਰਨਗੇ।
ਜ਼ਿਕਰਯੋਗ ਹੈ ਕਿ ਇਹ ਰੋਡ ਸਭ ਤੋਂ ਜਿਆਦਾ ਆਵਾਜਈ ਵਾਲਾ ਰੋਡ ਹੈ। ਇਸ ਰੋਡ ਤੋਂ ਹੀ ਸੰਗਰੂਰ, ਬਠਿੰਡੇ ਨੂੰ ਜਾਣ ਲਈ ਇਸ ਰੋਡ ਤੋਂ ਗੁਜ਼ਰਨਾ ਪੈਂਦਾ ਹੈ।
