ਰਿਕਸ਼ੇ ਵਾਲੇ ਤੋਂ ਮਿਲੇ ਬੰਬ, ਪੁਲਿਸ ਨੂੰ ਪਈ ਹੱਥਾਂ ਪੈਰਾਂ ਦੀ

ਰਿਕਸ਼ਾ ਚਾਲਕ ਕਿਸੇ ਦੇ ਘਰ ਦਾ ਸਮਾਨ ਕਬਾੜੀਏ ਕੋਲ ਵੇਚਣ ਗਿਆ ਸੀ ਅਤੇ ਕੁਝ ਸਮਾਨ ਕਬਾੜੀਏ ਨੇ ਉਸਨੂੰ ਵਾਪਿਸ ਕਰ ਦਿੱਤਾ। ਉਸ ਸਮਾਨ ਨੂੰ ਤੋੜਨ ਸਮੇਂ ਉਸ ਨੂੰ ਸ਼ੱਕ ਹੋਇਆ ਕਿ ਉਸ ਵਿਚ ਬੰਬ ਹੈ।

ਤਰਨਤਾਰਨ: ਪੱਟੀ ਪੁਲਿਸ ਨੇ ਇੱਕ ਰਿਕਸ਼ਾ ਚਾਲਕ ਕੋਲੋਂ ਤਿੰਨ ਬੰਬ ਬਰਾਮਦ ਕੀਤੇ। ਇਹ ਬਰਾਮਦੀ ਉਸ ਸਮੇਂ ਹੋਈ ਜਦ ਰਿਕਸ਼ਾ ਚਾਲਕ ਕਿਸੇ ਦੇ ਘਰ ਦਾ ਸਮਾਨ ਵੇਚਣ ਕਬਾੜੀਏ ਕੋਲ ਗਿਆ ਅਤੇ ਕੁਝ ਸਮਾਨ ਕਬਾੜੀਏ ਨੇ ਉਸ ਨੂੰ ਵਾਪਿਸ ਕਰ ਦਿੱਤਾ, ਜਿਸ ਨੂੰ ਉਸ ਵੱਲੋਂ ਤੋੜਨ ਦੀ ਕੋਸ਼ਿਸ਼ ਵੀ ਕੀਤੀ ਗਈ। ਜਦ ਉਸਨੂੰ ਸ਼ੱਕ ਪਿਆ ਕਿ ਇਹ ਬੰਬ ਹੋ ਸਕਦੇ ਹਨ ਤਾਂ ਉਸਨੇ ਇਨ੍ਹਾਂ ਨੂੰ ਗੰਦੇ ਪਾਣੀ ਵਾਲੀ ਰੋਹੀ ਵਿਚ ਸੁੱਟਣ ਦੀ ਕੋਸ਼ਿਸ਼ ਕੀਤੀ।

ਇਹ ਵੀ ਪੜ੍ਹੋ: ISIS ਨੇ ਦਿੱਤੀ ਪਠਾਨਕੋਟ ਰੇਲਵੇ ਸਟੇਸ਼ਨ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ, ਅਲਰਟ ਜਾਰੀ

ਉਸ ਸਮੇਂ ਉਸ ਨੂੰ ਕੁਝ ਲੋਕਾਂ ਨੇ ਦੇਖ ਲਿਆ ਤੇ ਇਸ ਸਬੰਧੀ ਪੁਲਿਸ ਨੂੰ ਸੂਚਿਤ ਕੀਤਾ। ਪੁਲਿਸ ਨੇ ਇਹ ਬੰਬ ਆਪਣੇ ਕਬਜ਼ੇ ਵਿਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।