ਤਰਨਤਾਰਨ: ਹਰੀਕੇ ਹੈੱਡ ਦੇ ਲਹਿੰਦੇ ਪਾਸੇ ਪਿੰਡ ਘੜੁੰਮ ਕੁੱਤੀ ਵਾਲਾ ਸਭਰਾਂ ਦੇ ਧੁੱਸੀ ਬੰਨ੍ਹ ਨੂੰ ਬੰਨ੍ਹਣ ਵਿੱਚ ਸੰਪਰਦਾਇ ਕਾਰ ਸੇਵਾ ਸੰਤ ਬਾਬਾ ਸੁੱਖਾ ਸਿੰਘ ਜੀ ਸਰਹਾਲੀ ਸਾਹਿਬ ਵਾਲੇ ਅਤੇ ਸੰਗਤਾਂ ਕਾਮਯਾਬ ਹੋ ਗਈਆਂ ਹਨ। ਬਾਬਾ ਸੁੱਖਾ ਸਿੰਘ ਜੀ ਅਤੇ ਸੰਗਤਾਂ ਵੱਲੋਂ ਜੈਕਾਰਿਆ ਦੀ ਗੂੰਜ ਵਿੱਚ ਇਹ ਸੇਵਾਂ ਫਤਿਹ ਕੀਤੀ ਗਈ। ਸਾਰੀ ਰਾਤ ਸੰਤ ਬਾਬਾ ਸੁੱਖਾ ਸਿੰਘ ਜੀ ਆਪਣੇ ਹੱਥੀਂ ਸੇਵਾ ਕਰਦੇ ਹੋਏ ਨਜ਼ਰ ਆਏ।
ਸੰਗਤ ਨੇ ਮਾਰਿਆ ਦਰਿਆ ਨੂੰ ਬੰਨ੍ਹ: ਟੁੱਟੇ ਹੋਏ ਬੰਨ੍ਹ ਨੂੰ ਬੰਨਣ ਲਈ ਸੰਗਤਾਂ ਵਿੱਚ ਵੀ ਉਤਸ਼ਾਹ ਸੀ ਅਤੇ ਦੂਰ-ਦੂਰ ਤੋਂ ਸੰਗਤਾਂ ਇਸ ਬੰਨ੍ਹ ਨੂੰ ਬੰਨਣ ਲਈ ਮਿੱਟੀ ਦੀਆਂ ਟਰਾਲੀਆਂ ਲੈਕੇ ਆ ਰਹੀਆਂ ਸਨ ਤਾਂ ਜੋ ਇਸ ਬੰਨ ਨੂੰ ਬੰਨਿਆਂ ਜਾ ਸਕੇ। ਇਸ ਉਪਰੰਤ ਸੰਪਰਦਾਇ ਕਾਰ ਸੇਵਾ ਸੰਤ ਬਾਬਾ ਸੁੱਖਾ ਸਿੰਘ ਜੀ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਪਿਛਲੇ 19 ਅਗਸਤ ਸ਼ਨੀਵਾਰ ਨੂੰ 900 ਫੁੱਟ ਦੇ ਕਰੀਬ ਇਹ ਬੰਨ੍ਹ ਟੁੱਟ ਗਿਆ ਸੀ, ਜਿਸ ਤੋਂ ਬਾਅਦ ਵੱਡੇ ਪੱਧਰ ਉੱਤੇ ਸਤਲੁਜ ਦਰਿਆ ਦਾ ਪਾਣੀ ਹੇਠਲੇ ਪਿੰਡਾਂ ਨੂੰ ਜਾਣ ਲੱਗਾ। ਜਿਸ ਕਾਰਨ ਵੱਡੇ ਪੱਧਰ ਉੱਤੇ ਲੋਕਾਂ ਦਾ ਨੁਕਸਾਨ ਹੋ ਰਿਹਾ ਸੀ। ਇਸ ਨੁਕਸਾਨ ਨੂੰ ਵੇਖਦੇ ਹੋਏ ਸੰਗਤਾਂ ਦੇ ਸਹਿਯੋਗ ਨਾਲ ਇਸ ਬੰਨ੍ਹ ਦੀ ਸੇਵਾ 19 ਅਗਸਤ ਸ਼ਨੀਵਾਰ ਤੋਂ ਹੀ ਸ਼ੁਰੂ ਕਰ ਦਿੱਤੀ ਗਈ ਅਤੇ ਅੱਜ ਇਸ ਬੰਨ੍ਹ ਨੂੰ ਸੰਗਤਾਂ ਦੇ ਆਏ ਹਾੜ੍ਹ ਨੇ ਪੂਰ ਕੇ ਵਿਖਾ ਦਿੱਤਾ ਹੈ। ਉਹਨਾਂ ਨੇ ਪੰਜਾਬ ਦੇ ਕੋਨੇ-ਕੋਨੇ ਵਿੱਚੋਂ ਆਈਆਂ ਸੰਗਤਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ।
- Crops Damage In Village : ਹੜ੍ਹ ਕਾਰਨ ਤਬਾਹ ਹੋਈਆਂ ਫ਼ਸਲਾਂ, ਈਟੀਵੀ ਭਾਰਤ ਨੂੰ ਪਿੰਡ ਵਾਸੀਆਂ ਨੇ ਕਿਹਾ- ਤੁਹਾਡੇ ਤੋਂ ਪਹਿਲਾਂ ਕਿਸੇ ਨੇ ਨਹੀਂ ਲਈ ਸਾਰ
- Nuh VHP Yatra: ਮਨਾਹੀ ਦੇ ਬਾਵਜੂਦ ਨੂਹ 'ਚ ਬ੍ਰਜ ਮੰਡਲ ਯਾਤਰਾ ਕੱਢਣ ਦੀਆਂ ਤਿਆਰੀਆਂ, ਸਕੂਲ-ਕਾਲਜ ਤੇ ਬੈਂਕ ਬੰਦ, ਸੁਰੱਖਿਆ ਸਖ਼ਤ
- World Athletics Championship: ਨੀਰਜ ਚੋਪੜਾ ਨੇ ਗੋਲਡ ਮੈਡਲ ਜਿੱਤ ਕੇ ਰਚਿਆ ਇਤਿਹਾਸ, ਪ੍ਰਧਾਨ ਮੰਤਰੀ ਮੋਦੀ ਸਣੇ ਵੱਡੇ ਆਗੂਆਂ ਨੇ ਦਿੱਤੀ ਵਧਾਈ
ਮਾਲਵੇ ਤੋਂ ਸੰਗਤ ਦਾ ਸਹਿਯੋਗ: ਸੰਪਰਦਾਇ ਕਾਰ ਸੇਵਾ ਸੰਤ ਬਾਬਾ ਸੁੱਖਾ ਸਿੰਘ ਜੀ ਨੇ ਅੱਗੇ ਦੱਸਿਆ ਕਿ ਸੇਵਾ ਦੌਰਾਨ ਪੰਜਾਬ ਦੇ ਲੋਕਾਂ ਦਾ ਆਪਸੀ ਭਾਈਚਾਰਾ ਵੀ ਵੇਖਣ ਨੂੰ ਮਿਲਿਆ ਕਿਉਂਕਿ ਸਥਾਨਕ ਲੋਕ ਵਿਪਤਾ ਵਿੱਚ ਪਏ ਲਗਾਤਾਰ ਹੰਭਲਾ ਮਾਰ ਰਹੇ ਸਨ ਪਰ ਦੂਰ-ਦਰਾਡਿਓਂ ਉਨ੍ਹਾਂ ਦੀ ਮਦਦ ਲਈ ਹੋਰ ਸੰਗਤ ਵੀ ਪਹੁੰਚੀ। ਇਲਾਕੇ ਵਿੱਚ ਹੜ੍ਹ ਕਾਰਣ ਫਸਲ ਅਤੇ ਚਾਰੇ ਦੀ ਤਬਾਹੀ ਹੋ ਗਈ ਸੀ ਅਤੇ ਮਾਲਵੇ ਤੋਂ ਸੰਗਤਾਂ ਰਾਸ਼ਣ ਦੇ ਨਾਲ-ਨਾਲ ਹਰਾ ਚਾਰਾ ਲੈਕੇ ਪਹੁੰਚੀਆਂ। ਇਸ ਤੋਂ ਇਲਾਵਾ ਇਲਾਜ ਲਈ ਮੁਫਤ ਮੈਡੀਕਲ ਕੈਂਪ ਵੀ ਲਗਾਏ ਗਏ।
