ਪਿੰਡ ਪੰਜਗਰਾਈਆਂ 'ਚ ਏਟੀਐਮ ਨੂੰ ਤੋੜ ਕੇ ਚੋਰਾਂ ਨੇ ਲੁੱਟੇ ਲੱਖਾਂ ਰੁਪਏ

ਥਾਣਾ ਸ਼ੇਰਪੁਰ ਅਧੀਨ ਪਿੰਡ ਪੰਜਗਰਾਈਆਂ ਦੀ ਸਟੇਟ ਬੈਂਕ ਆਫ਼ ਇੰਡੀਆ ਦੇ ਏਟੀਐਮ ਨੂੰ ਤੋੜ ਕੇ ਚੋਰਾਂ ਨੇ 28 ਲੱਖ ਦੇ ਕਰੀਬ ਰੁਪਏ ਲੁੱਟੇ। ਡੀਸੀਪੀ ਦਾ ਕਹਿਣਾ ਹੈ ਕਿ ਜਾਂਚ ਚੱਲ ਰਹੀ ਹੈ, ਚੋਰਾਂ ਨੂੰ ਹਾਲੇ ਤੱਕ ਗ੍ਰਿਫ਼ਤਾਰ ਨਹੀਂ ਕੀਤਾ ਗਿਆ।

ਸੰਗਰੂਰ:ਪਿੰਡ ਪੰਜਗਰਾਈਆਂ ਵਿੱਚ ਉਸ ਸਮੇਂ ਲੋਕ ਸਹਿਮ ਗਏ, ਜਦੋਂ ਉਨ੍ਹਾਂ ਨੇ ਦੇਖਿਆਂ ਕਿ ਪੰਜਗਰਾਈਆਂ ਦੀ ਸਟੇਟ ਬੈਂਕ ਆਫ ਇੰਡੀਆਂ ਦੀ ਬੈਂਕ ਦੇ ਏਟੀਐਮ ਨੂੰ ਤੋੜ ਕੇ ਉਸ 'ਚੋਂ ਚੋਰ 28 ਲੱਖ ਦੇ ਕਰੀਬ ਰੁਪਏ ਲੈਕੇ ਫਰਾਰ ਹੋ ਗਏ ਹਨ। ਚੋਰਾਂ ਨੇ ਏਟੀਐਮ ਨੂੰ ਇਸ ਢੰਗ ਨਾਲ ਤੋੜਿਆ ਕਿ ਕਿਸੇ ਨੂੰ ਭਿਣਕ ਤੱਕ ਨਹੀ ਲੱਗਣ ਦਿੱਤੀ। ਬੈਂਕ ਦੇ ਅਧਿਕਾਰੀਆਂ 'ਤੇ ਵੀ ਕਈ ਸਵਾਲ ਖੜੇ ਹੋ ਗਏ ਹਨ ਕਿ ਉਨ੍ਹਾਂ ਨੇ ਸਕਿਊਰਟੀ ਗਾਰਡ ਕਿਉ ਨਹੀ ਤੈਨਾਤ ਕੀਤੇ। ਇਸ ਬਾਰੇ ਡੀਸੀਪੀ ਦਾ ਕਹਿਣਾ ਹੈ ਕਿ ਜਾਂਚ ਚੱਲ ਰਹੀ ਹੈ, ਚੋਰਾਂ ਨੂੰ ਹਲੇ ਤੱਕ ਗ੍ਰਿਫ਼ਤਾਰ ਨਹੀ ਕੀਤਾ ਗਿਆ।