ਸੰਗਰੂਰ: ਦੇ ਮੂਨਕ ਵਿਖੇ ਲੋਕ ਸਭਾ ਮੈਂਬਰ ਸਿਮਰਨਜੀਤ ਸਿੰਘ ਮਾਨ ਵਲੋਂ ਘੱਗਰ ਦਰਿਆ (Ghaggar Rive) ਦਾ ਦੌਰਾ ਕੀਤਾ ਗਿਆ ਅਤੇ ਹਲਕੇ ਦੇ ਲ਼ੋਕਾਂ ਦੀਆਂ ਸਮੱਸਿਆਵਾਂ ਸਬੰਧੀ ਪਬਲਿਕ ਮੀਟਿੰਗ ਕੀਤੀ ਗਈ।ਉਨ੍ਹਾਂ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਘੱਗਰ ਦਰਿਆ (Ghaggar Rive) ਲੋਕਾਂ ਦਾ ਵੱਡੀ ਪੱਧਰ ਉੱਤੇ ਆਰਥਿਕ ਨੁਕਸਾਨ ਕਰਦਾ ਹੈ ਇਸ ਦੇ ਸਥਾਈ ਹੱਲ ਦੀ ਅਹਿਮ ਲੋੜ ਹੈ। ਉਹਨਾਂ ਵਲੋਂ ਕਈ ਦਹਾਕੇ ਪਹਿਲਾਂ ਵੀ ਮਹਾਰਾਣੀ ਪ੍ਰਨੀਤ ਕੌਰ ਦੇ ਸਹਿਯੋਗ ਨਾਲ ਇਸ ਘੱਗਰ ਦੇ ਮਾਮਲੇ ਪ੍ਰਤੀ ਯਤਨ ਕੀਤੇ ਸਨ ਪਰੰਤੂ ਸਰਕਾਰਾਂ ਵੱਲੋਂ ਕੋਈ ਅਹਿਮੀਅਤ ਨਹੀਂ ਦਿੱਤੀ ਗਈ। ਉਹਨਾਂ ਕਿਹਾ ਕਿ ਇਸ ਹਲਕੇ ਅੰਦਰ ਆਰਥਿਕ ਪੱਖੋਂ ਕਮਜ਼ੋਰ ਲੋਕ ਜੋਂ ਕਿਸੇ ਗੰਭੀਰ ਬਿਮਾਰੀ ਕੈਂਸਰ, ਗੁਰਦਿਆਂ ਆਦਿ ਤੋਂ ਪੀੜਤ ਹਨ ਉਨ੍ਹਾਂ ਦੇ ਇਲਾਜ ਲਈ ਯਤਨ ਕੀਤੇ ਜਾ ਰਹੇ ਹਨ ਇਸ ਸਬੰਧੀ ਸਾਡੇ ਨਾਲ ਸੰਪਰਕ ਕੀਤਾ ਜਾਵੇ।
ਅੰਮ੍ਰਿਤਪਾਲ ਨੂੰ ਲੈਕੇ ਬਿਆਨ: ਵਾਰਸ ਪੰਜਾਬ ਦੇ ਜਥੇਬੰਦੀ (waris punjab de jatehbandi ) ਦੇ ਪ੍ਰਧਾਨ ਅਮ੍ਰਿਤਪਾਲ ਸਿੰਘ ਨੂੰ ਲੈਕੇ ਚੱਲ ਰਹੇ ਵਿਵਾਦਾਂ ਬਾਰੇ ਬੋਲਦਿਆਂ ਮਾਨ ਨੇ ਕਿਹਾ ਕਿ ਖਾਲਿਸਤਾਨ ਦੇ ਮੁੱਦੇ (The issue of Khalistan) ਨੂੰ ਸਰਕਾਰਾਂ ਵਲੋਂ ਜਾਣਬੁੱਝ ਕੇ ਉਛਾਲਿਆ ਜਾ ਰਿਹਾ ਹੈ ਅਤੇ ਕੇਂਦਰ ਸਰਕਾਰ ਪੰਜਾਬ ਦੇ ਨੌਜਵਾਨਾਂ ਨੂੰ ਕਦੇ ਵੀ ਇੱਕਜੁੱਟ ਹੋਕੇ ਆਪਣੇ ਹੱਕ ਮੰਗਣ ਵੱਲ ਜਾਂਦੇ ਨਹੀਂ ਵੇਖ ਸਕਦੀ ਇਸ ਲਈ ਸਾਰਾ ਝੂਠ ਦਾ ਪੁਲਿੰਦਾ ਸਿਰਜਿਆ ਜਾ ਰਿਹਾ ਹੈ।
ਗੈਂਗਸਟਰਾਂ ਨੂੰ ਅਪੀਲ: ਸਿਮਰਨਜੀਤ ਮਾਨ ਗੈਂਗਸਟਰ ਮਾਮਲੇ (Gangster affairs) ਵਾਰੇ ਬੋਲਦਿਆਂ ਕਿਹਾ ਕਿ ਪੰਜਾਬ ਦੀ ਅਮਨ ਸ਼ਾਂਤੀ ਦੀ ਸਥਿਤੀ ਨਾਜ਼ੁਕ ਦੌਰ ਵਿਚੋਂ ਗੁਜ਼ਰ ਰਹੀ ਹੈ ਸਰਕਾਰ ਇਸ ਮਸਲੇ ਤੇ ਧਿਆਨ ਨਹੀਂ ਦੇ ਰਹੀ ਉਹਨਾਂ ਗੈਂਗਸਟਰਾਂ ਨੂੰ ਇੱਕ ਵਾਰ ਫੇਰ ਤੋਂ ਮੁਖ ਧਾਰਾ ਚ ਮੁੜ ਕੇ ਸਾਦਾ ਜੀਵਨ ਬਤੀਤ ਕਰਨ ਦੀ ਅਪੀਲ ਕੀਤੀ। ਸਿਮਰਨਜੀਤ ਮਾਨ ਇਸ ਸਮੇਂ ਮੂਸੇਵਾਲਾ ਕਤਲ ਕਾਂਡ ਅਤੇ ਉਨ੍ਹਾਂ ਦੇ ਮਾਪਿਆਂ ਦਾ ਦਰਦ ਵੀ ਸਭ ਨਾਲ਼ ਸਾਂਝਾ ਕੀਤਾ।
ਲੱਖਾ ਸਿਧਾਣਾ ਬੇਕਸੂਰ: ਦੂਜੇ ਪਾਸੇ ਸਮਾਜ ਸੇਵੀ ਲੱਖੇ ਸੱਧਾਣੇ ਉੱਤੇ ਪਏ ਪਰਚਿਆਂ ਨੂੰ ਸਿਮਰਨਜੀਤ ਮਾਨ ਨੇ ਸਾਜ਼ਿਸ਼ ਦਾ ਹਿੱਸਾ ਦੱਸਿਆ। ਉਨ੍ਹਾਂ ਕਿਹਾ ਕਿ ਲੱਗਦਾ ਹੈ ਕਿ ਪੰਜਾਬ ਸਰਕਾਰ ਲੱਖਾ ਸਿਧਾਣੇ ਵਿਰੁੱਧ ਸਿਆਸੀ ਕੁੜ ਕੱਢ ਰਹੀ ਹੈ ਇਸ ਲਈ ਉਸ ਦੇ ਵਿਰੁੱਧ ਤਮਾਮ ਤਰ੍ਹਾਂ ਦੇ ਪਰਚੇ ਕੀਤੇ ਜਾ ਰਹੇ ਹਨ।
ਇਹ ਵੀ ਪੜ੍ਹੋ: 7 ਅਕਤੂਬਰ ਨੂੰ ਐਸਜੀਪੀਸੀ ਦੇ ਸੱਦੇ ਉੱਤੇ 2 ਤਖ਼ਤਾਂ ਤੋਂ ਕੱਢਿਆ ਜਾਵੇਗਾ ਮਾਰਚ
