ਸੰਗਰੂਰ: ਸਰਕਾਰੀ ਬੱਸਾਂ ਨੂੰ ਆਮ ਜਨਤਾ ਲਈ ਚਲਾਇਆ ਜਾਂਦਾ ਹੈ। ਹਰ ਸਰਕਾਰ ਵੱਲੋਂ ਆਮ ਲੋਕਾਂ ਦੀ ਸਹੂਲਤ ਨੂੰ ਵੇਖਦੇ ਹੋਏ ਅਤੇ ਖਾਸਕਰ ਉਦੋਂ ਜਦੋਂ ਪੰਜਾਬ 'ਚ ਇੱਕ ਪਾਸੇ ਗੋਪਾਲ ਮੋਚਨੇ ਮੇਲੇ 'ਤੇ ਸੰਗਤਾਂ ਵੱਲੋਂ ਜਾਣਾ ਹੋਵੇ ਤਾਂ ਦੂਸਰੇ ਪਾਸੇ ਬਾਬੇ ਨਾਨਕ ਦੇ ਜਨਮ ਦਿਹਾੜੇ ਨੂੰ ਮੁੱਖ ਰੱਖਦੇ ਹੋਏ ਸੰਗਤਾਂ ਵੱਲੋਂ ਜਿੱਥੇ ਸ੍ਰੀ ਦਰਬਾਰ ਸਾਹਿਬ ਸਣੇ ਹੋਰ ਵੱਖ-ਵੱਖ ਗੁਰਦੁਆਰਾ ਸਾਹਿਬ ਜਾ ਕੇ ਦਰਸ਼ਨ ਕੀਤੇ ਜਾਣੇ ਹਨ।ਇਸੇ ਦੇ ਨਾਲ ਹੀ ਪੰਜਾਬ 'ਚ ਚੋਣਾਂ ਦਾ ਮੇਲਾ ਵੀ ਆਏ ਦਿਨ ਅੱਗੇ ਵੱਧ ਰਿਹਾ ਹੈ। ਜਿਸ ਨੂੰ ਵੇਖਦੇ ਹੋਏ ਪੰਜਾਬ ਦੇ ਮੁੱਖ ਮੰਤਰੀ ਵੱਲੋਂ ਆਪਣੇ ਜ਼ਿਲ੍ਹੇ ਸੰਗਰੂਰ ਦੇ ਹਲਕਾ ਧੂਰੀ 'ਚ ਰੈਲੀ ਰੱਖੀ ਗਈ ਹੈ।
ਸਰਕਾਰੀ ਰੈਲੀ, ਸਰਕਾਰੀ ਬੱਸਾਂ: ਧੂਰੀ 'ਚ ਮੁੱਖ ਮੰਤਰੀ ਦੀ ਰੈਲੀ ਲਈ ਤਿਆਰੀਆਂ ਪੂਰੇ ਜ਼ੋਰਾਂ 'ਤੇ ਕੀਤੀਆਂ ਜਾ ਰਹੀਆਂ ਨੇ, ਇਸੇ ਕਾਰਨ ਤਾਂ ਆਮ ਜਨਤਾ ਅਤੇ ਸ਼ਰਧਾਲੂਆਂ ਦੀ ਫਿਕਰ ਨਾ ਕਰਦੇ ਹੋਏ ਸਰਕਾਰ ਵੱਲੋਂ ਪੂਰੇ ਪੰਜਾਬ ਚੋਂ ਤਕਰੀਬਨ 200 ਬੱਸਾਂ ਧੂਰੀ ਰੈਲੀ 'ਤੇ ਜਾਣ ਲਈ ਤਿਆਰ ਹਨ। ਜੇਕਰ ਸਿਰਫ਼ ਸੰਗਰੂਰ ਦੀ ਗੱਲ ਕੀਤੀ ਜਾਵੇ ਤਾਂ ਸੰਗਰੂਰ ਪੀਆਰਟੀਸੀ ਦੇ ਡੀਪੂ 'ਚ ਮਹਿਜ਼ 125 ਸਰਕਾਰੀ ਬੱਸਾਂ ਨੇ ਜਿੰਨ੍ਹਾਂ ਚੋਂ 90 ਬੱਸਾਂ ਤਾਂ ਮੁੱਖ ਮੰਤਰੀ ਦੀ ਰੈਲੀ 'ਤੇ ਜਾਣਗੀ। ਆਮ ਲੋਕਾਂ ਨੂੰ ਇੰਨ੍ਹਾਂ ਬੱਸਾਂ ਦੇ ਰੈਲੀ 'ਚ ਜਾਣ ਨਾਲ ਕਿੰਨੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਵੇਗਾ ਇਸ ਨਾਲ ਮੱੁਖ ਮੰਤਰੀ ਭਗਵੰਤ ਮਾਨ, ਮੰਤਰੀਆਂ ਅਤੇ ਵਿਧਾਇਕਾਂ ਨੂੰ ਕੋਈ ਫ਼ਰਕ ਨਹੀਂ ਪਵੇਗਾ ਕਿਉਂਕਿ ਉਨ੍ਹਾਂ ਵੱਲੋਂ ਕਿਹੜਾ ਸਰਕਾਰੀ ਬੱਸਾਂ 'ਚ ਸਫ਼ਰ ਕੀਤਾ ਜਾਂਦਾ ਹੈ।
- Balkaur Singh on Gippy Grewal: ਸਿੱਧੂ ਮੂਸੇਵਾਲਾ ਦੇ ਪਿਤਾ ਨੇ ਗਿੱਪੀ ਗਰੇਵਾਲ ਦੇ ਘਰ 'ਤੇ ਹੋਈ ਫਾਇਰਿੰਗ ਨੂੰ ਲੈਕੇ ਚੁੱਕੇ ਸਵਾਲ
- FIR against 350 farmers: ਜਲੰਧਰ 'ਚ ਰੇਲਗੱਡੀ ਰੋਕਣ ਵਾਲੇ 350 ਕਿਸਾਨਾਂ ਖਿਲਾਫ FIR, 182 ਟਰੇਨਾਂ ਪ੍ਰਭਾਵਿਤ
- PM Modi's security: ਪ੍ਰਧਾਨ ਮੰਤਰੀ ਮੋਦੀ ਸੁਰੱਖਿਆ ਮਾਮਲੇ 'ਚ 6 ਹੋਰ ਅਫਸਰਾਂ 'ਤੇ ਡਿੱਗੀ ਗਾਜ,ਕੀਤੇ ਕਈ ਮੁਅੱਤਲ
ਪੀਆਰਟੀਸੀ ਨੂੰ ਲੈ ਕੇ ਵੱਡੇ ਖੁਲਾਸੇ: ਇੱਕ ਪਾਸੇ ਤਾਂ ਸਰਕਾਰ ਵੱਲੋਂ ਹਰ ਵਿਭਾਗ 'ਚ ਇਮਾਨਦਾਰੀ, ਵਿਭਾਗ ਨੂੰ ਲਾਭ ਪਹੁੰਚਾਉਣਾ, ਕੱਚੇ ਮੁਲਾਜ਼ਮਾਂ ਨੂੰ ਪੱਕੇ ਕਰਨ ਦੀਆਂ ਵੱਡੀਆਂ-ਵੱਡੀਆਂ ਗੱਲਾਂ ਕੀਤੀਆਂ ਜਾਂਦੀ ਨੇ ਪਰ ਇਸ ਦੇ ਦੂਜੇ ਪਾਸੇ ਸਰਕਾਰੀ ਵਿਭਾਗ ਦੇ ਮੁਲਾਜ਼ਮਾਂ ਦਾ ਕਹਿਣਾ ਹੈ ਕਿ ਇਹ ਸਰਕਾਰ ਤਾਂ ਬਾਕੀ ਸਰਕਾਰਾਂ ਨਾਲੋਂ ਵੀ 2 ਕਦਮ ਅੱਗੇ ਲੰਘ ਚੁੱਕੀ ਹੈ। ਸੰਗਰੂਰ ਪੀਆਰਟੀਸੀ ਡਿਪੂ ਦੇ ਅੱਡਾ ਇੰਚਾਰਜ ਨੇ ਆਖਿਆ ਕਿ ਸਰਕਾਰ ਨੇ ਪਹਿਲਾਂ ਆਪਣੇ ਵਿਰੋਧੀਆਂ 'ਤੇ ਬੱਸਾਂ ਨੂੰ ਲੈ ਕੇ ਤੰਜ ਕੱਸਦੀ ਸੀ ਪਰ ਹੁਣ 'ਆਪ' ਵੱਲੋਂ ਵੀ ਨਿੱਜੀ ਰੈਲੀ 'ਚ ਸਰਕਾਰੀ ਬੱਸਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਆਖਿਆ ਕਿ ਸ਼ਾਇਦ ਭਗਵੰਤ ਮਾਨ ਹੁਣ ਭੁੱਲ ਗਏ ਹਨ ਕਿ ਇਹ ਉਹੀ ਪੰਜਾਬ ਦੀ ਜਨਤਾ ਹੈ ਜੋ ਵਿਰੋਧੀ ਪਾਰਟੀਆਂ ਦੇ ਸਮੇਂ ਪੰਜਾਬ ਵਿੱਚ ਰਹਿੰਦੀ ਸੀ ਅਤੇ ਇਹਨਾਂ ਨੂੰ ਉਸੇ ਤਰ੍ਹਾਂ ਹੀ ਖੱਜਲ ਖੁਆਰ ਹੋਣਾ ਪੈਂਦਾ ਸੀ। ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਚਾਹੀਦਾ ਹੈ ਕਿ ਜੇਕਰ ਉਹਨਾਂ ਨੇ ਆਪਣੀ ਅਜਿਹੀਆਂ ਨਿਜੀ ਰੈਲੀਆਂ ਕਰਨੀਆਂ ਹਨ ਤਾਂ ਪ੍ਰਾਈਵੇਟ ਬੱਸਾਂ ਬੁੱਕ ਕਰਵਾਉਣ ਤਾਂ ਜੋ ਆਮ ਜਨਤਾ ਦੀ ਖੱਜਲ ਖਵਾਰੀ ਨਾ ਹੋਵੇ। ਇਸ ਦੇ ਨਾਲ ਹੀ ਉਨ੍ਹਾਂ ਆਖਿਆ ਕਿ ਸਰਕਾਰ ਵੱਲੋਂ ਬਹੁਤ ਹੀ ਚਲਾਕੀ ਨਾਲ ਕਾਰਪੋਰੇਟ ਘਰਾਣਿਆਂ ਦੀ ਬੱਸਾਂ ਨੂੰ ਪੀਆਰਟੀਸੀ 'ਚ ਮਿਿਲਆ ਜਾ ਰਿਹਾ ਹੈ।
