ਰੂਪਨਗਰ: ਦੇਸ਼ ਦੀ ਸੱਤਾ 'ਤੇ ਕਾਬਜ਼ ਅਕਾਲੀ ਦਲ ਦੀ ਭਾਈਵਾਲ ਸਰਕਾਰ ਬੀਜੇਪੀ ਵੱਲੋਂ ਤਿੰਨ ਕਿਸਾਨ ਆਰਡੀਨੈਂਸ ਲਿਆਂਦੇ ਗਏ ਹਨ, ਜਿਸ ਦਾ ਪੰਜਾਬ ਦੇ ਵਿੱਚ ਹਰ ਰਾਜਨੀਤਿਕ ਪਾਰਟੀ ਅਤੇ ਕਿਸਾਨ ਜਥੇਬੰਦੀ ਵੱਲੋਂ ਵਿਰੋਧ ਹੋ ਰਿਹਾ ਹੈ ਇਸ ਬਾਰੇ ਜਦੋਂ ਈਟੀਵੀ ਭਾਰਤ ਦੀ ਟੀਮ ਨੇ ਅਕਾਲੀ ਦਲ ਤੋਂ ਉਸ ਦਾ ਪੱਖ ਪੁੱਛਿਆ ਤਾਂ ਸੁਣੋ ਉਨ੍ਹਾਂ ਨੇ ਕੀ ਜਵਾਬ ਦਿੱਤਾ।
ਐਮਐਸਪੀ ਵੱਡਾ ਮੁੱਦਾ
ਦਲਜੀਤ ਸਿੰਘ ਚੀਮਾ ਨੇ ਕਿਹਾ ਕਿ ਇਸ ਬਾਰੇ ਕੇਂਦਰ ਸਰਕਾਰ ਦੇ ਖੇਤੀਬਾੜੀ ਮੰਤਰੀ ਨੇ ਸਪੱਸ਼ਟ ਕਰ ਦਿੱਤਾ ਕਿ ਪੰਜਾਬ ਦੇ ਵਿੱਚੋਂ ਐਮਐਸਪੀ ਖ਼ਤਮ ਨਹੀਂ ਹੋਵੇਗੀ ਅਤੇ ਇਹ ਕਿਸਾਨੀ ਦੀ ਬੇਹਤਰੀ ਵਾਸਤੇ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਨੇ ਪਿਛਲੇ ਦਿਨੀਂ ਜੋ ਘੁਟਾਲੇ ਕੀਤੇ ਹਨ ਉਨ੍ਹਾਂ ਸਾਰਿਆਂ 'ਤੇ ਪਰਦਾ ਪਾਉਣ ਲਈ ਕਿਸਾਨ ਆਰਡੀਨੈਂਸ ਦਾ ਮੁੱਦਾ ਬਣਾ ਲਿਆ ਹੈ।
ਅਕਾਲੀ ਦਲ ਬਿੱਲ ਦਾ ਪੰਜਾਬ ਵਿੱਚ ਵਿਰੋਧ ਕਰ ਰਿਹਾ ਅਤੇ ਸੈਂਟਰ ਵਿੱਚ ਸਾਥ, ਅਜਿਹਾ ਕਿਓਂ ?
ਇਸਦੇ ਜਵਾਬ ਦੇ ਵਿੱਚ ਚੀਮਾ ਨੇ ਕਿਹਾ ਅਸੀਂ ਪੰਜਾਬ ਦੇ ਵਿੱਚ ਆਲ ਪਾਰਟੀ ਮੀਟਿੰਗ ਦੇ ਵਿੱਚ ਇਸ ਮੁੱਦੇ 'ਤੇ ਪੰਜਾਬ ਦੇ ਕਿਸਾਨਾਂ ਦੇ ਨਾਲ ਖੜ੍ਹੇ ਹਾਂ।
ਕੀ ਕਿਸਾਨ ਆਰਡੀਨੈਂਸ ਤੋਂ ਬਾਅਦ ਅਕਾਲੀ ਦਲ ਦੀ ਪਕੜ ਘਟੀ ?
ਚੀਮਾ ਨੇ ਕਿਹਾ ਝੂਠਾ ਪ੍ਰਚਾਰ ਕਰਨ ਨਾਲ ਕੋਈ ਫ਼ਰਕ ਨਹੀਂ ਪੈਂਦਾ ਅਕਾਲੀ ਦਲ ਪਹਿਲਾਂ ਵੀ ਮਜਬੂਤ ਸੀ ਅਕਾਲੀ ਦਲ ਅੱਜ ਵੀ ਮਜਬੂਤ ਹੈ।
