ਫ਼ਿਲਮੀ ਅੰਦਾਜ਼ ’ਚ ਪੁਲਿਸ ਦੀ ਗੱਡੀ ਵਿੱਚੋਂ ਚੋਰਾਂ ਨੇ ਮਾਰੀ ਛਾਲ, ਹੋਏ ਗੰਭੀਰ ਜ਼ਖ਼ਮੀ

ਖੰਨਾ 'ਚ ਪੁਲਿਸ ਦੀ ਗੱਡੀ ਚੋਂ ਛਾਲ ਮਾਰ ਕੇ ਦੋ ਚੋਰ ਭੱਜੇ ਅਤੇ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਚੋਰਾਂ ਨੇ ਕਰੀਬ 30 ਫੁੱਟ ਉੱਚੇ ਪੁਲ ਤੋਂ ਥੱਲੇ ਛਾਲ ਮਾਰੀ। ਜਿਸ ਕਰਕੇ ਉਹ ਗੰਭੀਰ ਜਖ਼ਮੀ ਹੋਏ। ਇਹ ਦੋਵੇਂ ਹੱਥਕੜੀ ਸਮੇਤ ਭੱਜੇ। ਪੁਲਿਸ ਨੇ ਪਿੱਛਾ ਕਰਕੇ ਇਹਨਾਂ ਨੂੰ ਫੜਿਆ। ਸੱਟਾਂ ਜਿਆਦਾ ਲੱਗਣ ਕਰਕੇ ਪੁਲਿਸ ਨੇ ਇਹਨਾਂ ਨੂੰ ਸਰਕਾਰੀ ਹਸਪਤਾਲ ਦਾਖਲ ਕਰਵਾਇਆ ਗਿਆ।

ਖੰਨਾ: ਪੁਲਿਸ ਵੱਲੋਂ ਅਪਰਾਧ ਉੱਤੇ ਠੱਲ ਪਾਉਣ ਲਈ ਲੱਗੀ ਹੋਈ ਹੈ। ਇਸ ਹੀ ਤਹਿਤ ਨਵਾਂਸ਼ਹਿਰ ਮਾਰਗ ਉਪਰ ਪੁਲਿਸ ਵੱਲੋਂ ਚੋਰਾਂ ਨੂੰ ਕਾਬੂ ਕੀਤਾ ਗਿਆ ,ਪਰ ਚੋਰਾਂ ਵੱਲੋਂ ਇਸ ਮੌਕੇ ਵੀ ਚਲਾਕੀ ਵਰਤੀ ਗਈ ਅਤੇ ਇਸ ਦੌਰਾਨ ਉਹ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਦਰਅਸਲ ਚੋਰਾਂ ਨੂੰ ਜਦ ਪੁਲਿਸ ਗੱਡੀ ਵਿਚ ਲਾਇ ਜਾ ਰਹੀ ਸੀ ਤਾਂ ਅਚਾਨਕ ਹੀ ਗੱਡੀ 'ਚੋਂ ਛਾਲ ਮਾਰ ਕੇ ਤਿੰਨ ਚੋਰ ਭੱਜ ਗਏ। ਇਸ ਦੌਰਾਨ ਚੋਰ ਜਖ਼ਮੀ ਵੀ ਹੋ ਗਏ। ਇਸ ਤੋਂ ਬਾਅਦ ਪੁਲਿਸ ਨੇ ਇਨ੍ਹਾਂ ਚੋਰਾਂ ਨੂੰ ਜ਼ਖਮੀ ਹਾਲਤ ਵਿਚ ਹਸਪਤਾਲ ਵਿਚ ਲਿਜਾ ਕੇ ਇਲਾਜ ਕਰਵਾਇਆ।

ਪੁਲ ਦੇ ਉਪਰੋਂ ਦੋ ਵਿਅਕਤੀਆਂ ਨੇ ਥੱਲੇ ਛਾਲ ਮਾਰੀ : ਦੱਸਣਯੋਗ ਹੈ ਕਿ ਜਿਥੇ ਚੋਰਾਂ ਨੇ ਛਾਲ ਮਾਰੀ ਉਹ ਸਮਰਾਲਾ ਰੋਡ ਪੁਲ ਥੱਲੇ ਸਬਜ਼ੀ ਮੰਡੀ ਲੱਗੀ ਹੋਈ ਸੀ ਤੇ ਲੋਕਾਂ ਦੀ ਭੀੜ ਸੀ। ਇਸ ਮਾਮਲੇ ਨੂੰ ਦੇਖ ਕੇ ਸਬ ਹੈਰਾਨ ਹੋ ਗਏ। ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਚੋਰਾਂ ਦਾ ਇੱਕ ਸਾਥੀ ਪੁੱਲ ਦੇ ਉਪਰ ਭੱਜ ਗਿਆ। ਥੋੜ੍ਹੀ ਦੇਰ ਬਾਅਦ ਹੀ ਜਦੋਂ ਪੁਲਿਸ ਦੀਆਂ ਗੱਡੀਆਂ ਨੇ ਘੇਰਾ ਪਾਇਆ ਤੇ ਉਸ ਨੂੰ ਵੀ ਕਾਬੂ ਕਰ ਲਿਆ। ਪੁਲਿਸ ਨੇ ਆਲੇ ਦੁਆਲੇ ਇਨ੍ਹਾਂ ਦਾ ਪਿੱਛਾ ਕਰਕੇ ਬੜੀ ਮੁਸ਼ਕਲ ਨਾਲ ਤਿੰਨਾਂ ਨੂੰ ਕਾਬੂ ਕੀਤਾ ਤੇ ਤੁਰੰਤ ਗੱਡੀ 'ਚ ਬਿਠਾ ਕੇ ਸੀਆਈਏ ਸਟਾਫ ਲੈ ਗਏ। ਇਸ ਦੌਰਾਨ ਇੱਕ ਵਿਅਕਤੀ ਦੇ ਸੱਟ ਵੀ ਲੱਗੀ ਜੋ ਜਖ਼ਮੀ ਹਾਲਤ 'ਚ ਸੀ। ਇਸੇ ਦੌਰਾਨ ਪੁਲ ਤੋਂ ਫਿਲਮੀ ਅੰਦਾਜ਼ 'ਚ ਭੱਜੇ ਚੋਰਾਂ ਨੂੰ ਪੁਲਿਸ ਨੇ ਕਾਬੂ ਵੀ ਇਸ ਹੀ ਅੰਦਾਜ਼ ਵਿਚ ਕੀਤਾ ਜਿਸ ਨੂੰ ਲੈਕੇ ਹੁਣ ਪੁਲਿਸ ਵੱਲੋਂ ਅਗਲੀ ਕਾਰਵਾਈ ਆਰੰਭ ਦਿੱਤੀ।

ਤਿੰਨੋਂ ਪੁਲਸ ਰਿਮਾਂਡ ਉਪਰ ਚੱਲ ਰਹੇ : ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਮਲੌਦ ਥਾਣਾ ਅਧੀਨ ਆਉਂਦੀ ਸਿਆੜ ਚੌਂਕੀ ਦੀ ਪੁਲਿਸ ਨੇ 29 ਮਈ ਨੂੰ ਚੋਰ ਗਿਰੋਹ ਦੇ ਤਿੰਨ ਮੈਂਬਰਾਂ ਸਾਗਰ ਵਾਸੀ ਫਗਵਾੜਾ, ਵਿਜੈ ਵਾਸੀ ਕਾਂਗੜਾ (ਹਿਮਾਚਲ ਪ੍ਰਦੇਸ਼) ਅਤੇ ਰਾਹੁਲ ਵਾਸੀ ਮੁਕੇਰੀਆਂ ਨੂੰ ਕਾਬੂ ਕੀਤਾ ਸੀ। ਇਹ ਤਿੰਨੋਂ ਪੁਲਸ ਰਿਮਾਂਡ ਉਪਰ ਚੱਲ ਰਹੇ ਸੀ। ਜਦੋਂ ਇਹਨਾਂ ਨੂੰ ਅਦਾਲਤ 'ਚ ਪੇਸ਼ ਕਰਨ ਮਗਰੋਂ ਪੁੱਛਗਿੱਛ ਲਈ ਸੀਆਈਏ ਸਟਾਫ ਲਿਆਂਦਾ ਜਾ ਰਿਹਾ ਸੀ, ਤਾਂ ਇਸੇ ਦੌਰਾਨ ਖੰਨਾ ਨਵਾਂਸ਼ਹਿਰ ਮਾਰਗ ਦੇ ਸਮਰਾਲਾ ਰੋਡ ਪੁਲ ਉਪਰ ਦੋ ਚੋਰਾਂ ਨੇ ਪੁਲਸ ਦੀ ਗੱਡੀ ਚੋਂ ਛਾਲ ਮਾਰ ਦਿੱਤੀ। ਚੌਂਕੀ ਇੰਚਾਰਜ ਤਰਵਿੰਦਰ ਕੁਮਾਰ ਬੇਦੀ ਨੇ ਦੱਸਿਆ ਕਿ ਇਹ ਵਿਅਕਤੀ ਨਸ਼ਾ ਕਰਨ ਦੇ ਵੀ ਆਦੀ ਹਨ। ਇਹਨਾਂ ਨੂੰ ਪਤਾ ਲੱਗ ਗਿਆ ਸੀ ਕਿ ਸੀਆਈਏ ਸਟਾਫ਼ ਵਿਖੇ ਇਹਨਾਂ ਕੋਲੋਂ ਪੁੱਛਗਿੱਛ ਹੋਵੇਗੀ ਜਿਸ ਕਾਰਨ ਇਹ ਛਾਲ ਮਾਰ ਗਏ। ਓਹਨਾਂ ਨੇ ਰਾਹਗੀਰਾਂ ਦੇ ਮੋਟਰਸਾਇਕਲ ਫੜਕੇ ਪਿੱਛਾ ਕੀਤਾ ਅਤੇ ਇਹਨਾਂ ਨੂੰ ਕਾਬੂ ਕੀਤਾ ਗਿਆ।