ਮਾਛੀਵਾੜਾ ਸਾਹਿਬ : ਪੰਜਾਬ ਦੀਆਂ ਮੰਡੀਆਂ ਵਿੱਚ ਝੋਨੇ ਦੀ ਫ਼ਸਲ ਪਹੁੰਚਣੀ ਸ਼ੁਰੂ ਹੋ ਚੁੱਕੀ ਹੈ। ਮਾਛੀਵਾੜਾ ਦੀ ਅਨਾਜ ਮੰਡੀ ਵਿੱਚ ਵੀ ਝੋਨੇ ਦੀ ਫ਼ਸਲ ਆਉਣੀ ਸ਼ੁਰੂ ਹੋ ਗਈ ਹੈ ਪਰ ਸਰਕਾਰੀ ਅਧਿਕਾਰੀਆਂ ਦੀ ਅਣਗਹਿਲੀ ਕਾਰਨ ਮੰਡੀ ਵਿਚ ਥਾਂ-ਥਾਂ ਤੇ ਕੂੜਾ ਕਰਕਟ ਅਤੇ ਗੰਦਗੀ ਦੇ ਢੇਰ ਲੱਗੇ ਹੋਏ ਹਨ ।
ਗਲੀਆਂ ਵਿੱਚ ਫਿਰ ਰਿਹਾ ਪਾਣੀ ਜਿੱਥੇ ਇੱਕ ਪਾਸੇ ਗੰਦਗੀ ਫੈਲਾ ਰਿਹਾ ਹੈ, ਉੱਧਰ ਹੀ ਦੂਜੇ ਪਾਸੇ ਬਿਮਾਰੀਆਂ ਨੂੰ ਵੀ ਦਾਵਤ ਦੇ ਰਿਹਾ ਹੈ। ਇੱਥੋਂ ਤੱਕ ਮਾਰਕੀਟ ਕਮੇਟੀ ਦੇ ਦਫਤਰ ਸਾਹਮਣੇ ਵੀ ਗਲੀ ਵਿੱਚ ਬੁਰੀ ਤਰਾਂ ਚਿੱਕੜ ਹੋਇਆ ਪਿਆ ਹੈ। ਕੀ ਕੋਲੋਂ ਲੰਗਣ ਵਾਲੇ ਅਧਿਕਾਰੀ ਅੱਖਾਂ ਬੰਦ ਕਰ ਕੇ ਲੰਘਦੇ ਹਨ ਜੋ ਉਹਨਾਂ ਨੂੰ ਚਿੱਕੜ ਨਹੀਂ ਦਿੱਖ ਰਿਹਾ?
ਇਸ ਸਬੰਧੀ ਜਦੋਂ ਮੰਡੀ ਦੇ ਸੈਕਟਰੀ ਕੁਲਦੀਪ ਕੁਮਾਰ ਨਾਲ ਗੱਲਬਾਤ ਕੀਤੀ ਗਈ ਪਹਿਲਾਂ ਤਾਂ ਉਹ ਮੀਡੀਆ ਤੋਂ ਭੱਜਦੇ ਨਜ਼ਰ ਆਏ। ਬਾਅਦ ਵਿੱਚ ਉਨ੍ਹਾਂ ਕਿਹਾ ਕਿ ਮੰਡੀ ਵਿਚ ਸਾਰੇ ਪ੍ਰਬੰਧ ਮੁਕੰਮਲ ਹਨ। ਮੰਡੀ ਵਿੱਚ ਪੂਰੀ ਤਰ੍ਹਾਂ ਸਾਫ਼-ਸਫ਼ਾਈ ਦੇ ਪ੍ਰਬੰਧ ਕੀਤੇ ਜਾ ਚੁੱਕੇ ਹਨ ਅਤੇ ਕਿਤੇ ਵੀ ਗੰਦਗੀ ਨਹੀਂ ਹੈ ।
ਅਧਿਕਾਰੀਆਂ ਦੇ ਮੁਕੰਮਲ ਪ੍ਬੰਧਾਂ ਦੀਆਂ ਮੂੰਹ ਬੋਲਦੀਆਂ ਤਸਵੀਰਾਂ ਸੱਚਾਈ ਬਿਆਨ ਕਰ ਰਹੀਆਂ ਸਨ।ਜੇਕਰ ਕਿਸਾਨਾਂ ਦੀ ਮੰਡੀਆਂ ਵਿੱਚ ਪਈ ਫਸ਼ਲ ਇਹੋ ਜਿਹੇ ਝੂਠੇ ਦਾਅਵੇ ਕਰਨ ਵਾਲੇ ਅਧਿਕਾਰੀਆਂ ਦੀ ਗਲਤੀ ਕਾਰਨ ਕਿਸੇ ਤਰਾਂ ਵੀ ਖਰਾਬ ਹੋ ਜਾਵੇ ਤਾਂ ਇਸ ਦਾ ਜਿੰਮੇਵਾਰ ਕੌਣ ਹੋਵੇਗਾ?
ਜ਼ਿਮਨੀ ਚੋਣਾਂ:ਦਾਖਾ ਤੋਂ ਅਕਾਲੀ ਉਮੀਦਵਾਰ ਵਿਕਾਸ ਦੇ ਨਾਂਅ 'ਤੇ ਲੋਕਾਂ ਤੋਂ ਮੰਗਣਗੇ ਵੋਟਾਂ
