ਲੁਧਿਆਣਾ: ਸ਼੍ਰੋਮਣੀ ਅਕਾਲੀ ਦਲ (Shiromani Akali Dal) ਦੇ ਮੁੱਲਾਂਪੁਰ ਹਲਕੇ ਤੋਂ ਵਿਧਾਇਕ ਮਨਪ੍ਰੀਤ ਇਆਲੀ (MLA Manpreet Ayali) ਦੇ ਘਰ ਇਨਕਮ ਟੈਕਸ (Income tax) ਦੀ ਰੇਡ ਚੱਲ ਰਹੀ ਹੈ ਅਤੇ ਥੁੱਕ ਨੂੰ ਰੇੜ੍ਹ ਨੂੰ ਚਲਦੇ ਆ 36 ਘੰਟੇ ਤੋਂ ਵੱਧ ਦਾ ਸਮਾਂ ਹੋ ਚੁੱਕਾ ਹੈ। ਜਿਸ ਕਰਕੇ ਮਨਪ੍ਰੀਤ ਇਯਾਲੀ (Manpreet Ayali) ਦੇ ਸਮਰਥਕ ਅਤੇ ਪਿੰਡ ਵਾਸੀ ਘਰ ਦੇ ਬਾਹਰ ਜਮ੍ਹਾਂ ਹੋਣ ਲੱਗੇ ਹਨ। ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਮਨਪ੍ਰੀਤ ਇਆਲੀ (Manpreet Ayali) ਦੇ ਸਲਾਹਕਾਰ ਮਨੀ ਸ਼ਰਮਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਮਨਪ੍ਰੀਤ ਇਆਲੀ (Manpreet Ayali) ਨਾਲ ਸਿਰਫ਼ ਥੋੜ੍ਹਾ ਸਮਾਂ ਹੀ ਗੱਲਬਾਤ ਹੋਈ ਸੀ ਕਿਉਂਕਿ ਉਨ੍ਹਾਂ ਨੂੰ ਬਾਹਰ ਨਹੀਂ ਆਉਣ ਦਿੱਤਾ ਜਾ ਰਿਹਾ। ਉਨ੍ਹਾਂ ਨੇ ਕਿਹਾ ਕਿ ਵਿਭਾਗ ਨੂੰ ਅੰਦਰੋਂ ਕੁਝ ਵੀ ਬਰਾਮਦ ਨਹੀਂ ਹੋਇਆ, ਮਨੀ ਸ਼ਰਮਾ ਨੇ ਕਿਹਾ ਕਿ ਅੰਦਰ ਖੇਤੀਯੋਗ ਜ਼ਮੀਨ ਹੈ ਜਿਸ ਦੀ ਵਾਹੀ ਕਰਨੀ ਹੈ ਅਤੇ ਕਣਕ ਦੀ ਬਿਜਾਈ ਕਰਨੀ ਹੈ।
ਉਨ੍ਹਾਂ ਦੱਸਿਆ ਕਿ ਘਰ ਦੇ ਅੰਦਰ 70 ਲੋਕਾਂ ਦੀ ਟੀਮ ਹੈ ਜਿਸ ਨੇ ਪੂਰੇ ਪਰਿਵਾਰ (Family) ਨੂੰ ਅੰਦਰ ਨਜ਼ਰਬੰਦ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਘਰ ਦੇ ਸਾਮਾਨ ਦਾ ਵੀ ਵੱਡਾ ਨੁਕਸਾਨ ਕੀਤਾ ਗਿਆ ਹੈ। ਦਵਾਈ ਤੱਕ ਅੰਦਰ ਨਹੀਂ ਭੇਜੀ ਜਾਣ ਦਿੱਤੀ ਜਾ ਰਹੀ।
ਉਨ੍ਹਾਂ ਕਿਹਾ ਕਿ ਮਨਪ੍ਰੀਤ ਸਿੰਘ ਇਆਲੀ (Manpreet Ayali) ਵੱਲੋਂ ਪਹਿਲੇ ਦਿਨ ਤੋਂ ਹੀ ਕਿਸਾਨੀ ਅੰਦੋਲਨ ਦੇ ਹੱਕ ਵਿੱਚ ਖੜ੍ਹੇ ਹੋਣ ਕਰਕੇ ਪੰਜਾਬ ਸਰਕਾਰ (Government of Punjab) ਅਤੇ ਕੇਂਦਰ ਸਰਕਾਰ (Central Government) ਨੇ ਜਾਣ-ਬੁੱਝ ਕੇ ਇਹ ਛਾਪੇਮਾਰੀ ਕਰਵਾਈ ਹੈ। ਉਨ੍ਹਾਂ ਕਿਹਾ ਕਿ ਜਦੋਂ ਘਰ ਅੰਦਰ ਕੋਈ ਨਾਜਾਇਜ਼ ਪੈਸਾ ਜਾ ਗਹਿਣਾ ਹੈ ਹੀ ਨਹੀਂ ਤਾਂ ਸਾਨੂੰ ਡਰ ਵੀ ਕਿਸੇ ਦਾ ਨਹੀਂ ਹੈ। ਉਨ੍ਹਾਂ ਨੇ ਇਸ ਛਾਪੇਮਾਰੀ ਨੂੰ ਸਿਰਫ਼ ਬਦਲਾ-ਖੋਰੀ ਦੀ ਸਿਆਸਤ ਦੱਸਿਆ ਹੈ।
ਉਨ੍ਹਾਂ ਕਿਹਾ ਕਿ ਇੱਕ ਵਾਰ 1999 ਵਿੱਚ ਵੀ ਇਸੇ ਘਰ ‘ਤੇ ਛਾਪੇਮਾਰੀ ਕੀਤੀ ਗਈ ਸੀ, ਪਰ ਸਮੇਂ ਵੀ ਛਾਪੇਮਾਰੀ ਦੌਰਾਨ ਕੋਈ ਵੀ ਨਾਜਾਇਜ਼ ਪੈਸਾ ਜਾ ਗਹਿਣਾ ਨਹੀਂ ਸੀ ਬਰਾਮਦ ਹੋਇਆ ਹੈ ਅਤੇ ਹੁਣ ਵੀ ਇਨਕਾਮ ਟੈਕਸ (Income tax) ਦੀ ਟੀਮ ਨੂੰ ਕੁਝ ਵੀ ਨਹੀਂ ਬਰਾਮਦ ਹੋਣਾ।
ਇਹ ਵੀ ਪੜ੍ਹੋ:PRTC ਅਤੇ ਪੰਜਾਬ ਰੋਡਵੇਜ਼ ਮੁਲਾਜ਼ਮਾਂ ਵੱਲੋਂ 23 ਤਰੀਕ ਨੂੰ ਹੜਤਾਲ ਦਾ ਸੱਦਾ
