ਲੁਧਿਆਣਾ/ਖੰਨਾ: ਦੋਰਾਹਾ ਵਿਖੇ ਵਾਪਰੀ ਦੁਖਦਾਇਕ ਘਟਨਾ 'ਚ 2 ਮੌਤਾਂ ਮਗਰੋਂ ਪ੍ਰਸ਼ਾਸਨ ਹਰਕਤ 'ਚ ਆਇਆ। ਕਾਫੀ ਸਮੇਂ ਤੋਂ ਖਸਤਾ ਹਾਲਤ ਕੁਆਟਰਾਂ ਦੇ ਇਲਾਕੇ ਦਾ ਅੱਜ ਤੱਕ ਮੁਆਇਨਾ ਨਹੀਂ ਕੀਤਾ ਗਿਆ ਸੀ ਪਰ ਘਟਨਾ ਉਪਰੰਤ ਪ੍ਰਸ਼ਾਸਨ ਦੀ ਨੀਂਦ ਖੁੱਲ੍ਹੀ ਤਾਂ ਹੁਣ ਇਸ ਘਟਨਾ ਦੀ ਜਾਂਚ ਦੇ ਨਾਲ-ਨਾਲ ਅਸੁਰੱਖਿਅਤ ਇਲਾਕੇ ਨੂੰ ਸੀਲ ਕੀਤਾ ਗਿਆ। ਇਸ ਤੋਂ ਇਲਾਵਾ ਸ਼ਹਿਰ ਦੇ ਹੋਰ ਇਲਾਕਿਆਂ 'ਚ ਵੀ ਅਸੁਰੱਖਿਅਤ ਬਿਲਡਿੰਗਾਂ ਦੀ ਸੂਚੀ ਮੰਗ ਲਈ ਗਈ ਹੈ। (Khanna Death News)
ਹਾਦਸੇ 'ਚ ਦੋ ਜਣਿਆਂ ਦੀ ਗਈ ਜਾਨ: ਇਸ ਮੌਕੇ ਦਾ ਮੁਆਇਨਾ ਕਰਨ ਪੁੱਜੀ ਹਲਕਾ ਪਾਇਲ ਦੀ ਐੱਸਡੀਐੱਮ ਹਰਲੀਨ ਕੌਰ ਨੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ। ਉਹਨਾਂ ਕਿਹਾ ਕਿ ਇਹ ਮੰਦਭਾਗੀ ਘਟਨਾ ਹੋਈ ਹੈ। ਇਸ ਵਿੱਚ ਇੱਕ ਨੌਜਵਾਨ ਅਤੇ ਉਸਦੀ ਭਤੀਜੀ ਦੀ ਮੌਤ ਹੋ ਗਈ। ਇਸ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਸਿਵਲ ਤੇ ਪੁਲਿਸ ਪ੍ਰਸ਼ਾਸਨ ਦੋਵੇਂ ਜਾਂਚ ਕਰ ਰਹੇ ਹਨ। ਕੁਆਰਟਰ ਮਾਲਕਾਂ ਦੀ ਲਾਪਰਵਾਹੀ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ, ਜਿਹਨਾਂ ਨੇ ਧਿਆਨ ਨਹੀਂ ਦਿੱਤਾ ਕਿ ਉਹਨਾਂ ਦੇ ਕੁਆਰਟਰ ਅਸੁਰੱਖਿਅਤ ਹਨ।
ਜਾਂਚ ਲਈ ਬਣਾ ਦਿੱਤੀ ਕਮੇਟੀ: ਇਸ ਮੌਕੇ ਐੱਸਡੀਐੱਮ ਹਰਲੀਨ ਕੌਰ ਨੇ ਕਿਹਾ ਕਿ ਉਹ ਮਹਿਕਮੇ ਵੱਲੋਂ ਵੀ ਰਿਪੋਰਟ ਮੰਗਵਾ ਰਹੇ ਹਨ। ਤਹਿਸੀਲਦਾਰ ਅਤੇ ਨਗਰ ਕੌਂਸਲ ਅਧਿਕਾਰੀ ਆਪਣੇ ਵੱਲੋਂ ਰਿਪੋਰਟ ਦੇਣਗੇ। ਜਿੱਥੋਂ ਤੱਕ ਕੁਆਰਟਰ ਮਾਲਕ ਦਾ ਸਵਾਲ ਹੈ, ਉਸ ਸਬੰਧੀ ਦੋਰਾਹਾ ਥਾਣਾ ਮੁਖੀ ਨੇ ਦੱਸਿਆ ਹੈ ਕਿ ਕੁਆਰਟਰ ਮਾਲਕ ਪੁਲਿਸ ਦੀ ਹਿਰਾਸਤ 'ਚ ਹੈ। ਉਸ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਨਿਯਮਾਂ ਦੇ ਮੁਤਾਬਕ ਜੋ ਵੀ ਕਾਰਵਾਈ ਬਣਦੀ ਹੈ, ਉਹ ਕੀਤੀ ਜਾਵੇਗੀ।
- World Cup 2023: ਅੱਜ ਨਿਊਜ਼ੀਲੈਂਡ ਬਨਾਮ ਬੰਗਲਾਦੇਸ਼ ਦਾ ਹੋਵੇਗਾ ਮਹਾਂ ਮੁਕਾਬਲਾ, 6 ਮਹੀਨਿਆਂ ਬਾਅਦ ਵਾਪਸੀ ਕਰਨਗੇ ਕੇਨ ਵਿਲੀਅਮਸਨ, ਜਾਣੋ ਮੌਸਮ ਤੇ ਪਿੱਚ ਦਾ ਹਾਲ
- Punjabi Youth Died in Canada: ਕੈਨੇਡਾ ਦੀ ਧਰਤੀ ਨੇ ਖਾ ਲਿਆ ਪੰਜਾਬ ਦਾ ਇੱਕ ਹੋਰ ਨੌਜਵਾਨ, ਭੇਦਭਰੇ ਹਲਾਤਾਂ 'ਚ ਹੋਈ ਮੌਤ, ਪਰਿਵਾਰ ਦਾ ਰੋ-ਰੋ ਬੁਰਾ ਹਾਲ
- Operation Ajay: 'ਅਪਰੇਸ਼ਨ ਅਜੇ' ਤਹਿਤ ਇਜ਼ਰਾਈਲ ਤੋਂ 212 ਭਾਰਤੀਆਂ ਨੂੰ ਲੈ ਕੇ ਇੱਕ ਜਹਾਜ਼ ਦਿੱਲੀ ਪਹੁੰਚਿਆ
ਖਸਤਾ ਹਾਲਤ ਬਿਲਡਿੰਗਾਂ ਦੀ ਭਾਲ ਸ਼ੁਰੂ: ਇਸੇ ਤਰ੍ਹਾਂ ਜੋ ਨਗਰ ਕੌਂਸਲ ਦੀ ਹੱਦ ਦਾ ਸਵਾਲ ਹੈ, ਉਹਨਾਂ ਕੋਲੋਂ ਅੱਜ ਹੀ ਰਿਪੋਰਟ ਲਈ ਜਾਵੇਗੀ ਕਿ ਹੋਰ ਸ਼ਹਿਰ ਅੰਦਰ ਕਿੱਥੇ-ਕਿੱਥੇ ਅਸੁਰੱਖਿਅਤ ਬਿਲਡਿੰਗਾਂ ਹਨ। ਇਹਨਾਂ ਦਾ ਸਰਵੇ ਕਰਾਇਆ ਜਾਵੇਗਾ। ਜੇਕਰ ਕਿਸੇ ਬਿਲਡਿੰਗ ਅੰਦਰ ਕੋਈ ਰਹਿੰਦਾ ਹੋਵੇਗਾ ਤਾਂ ਉਸ ਨੂੰ ਕਿਤੇ ਹੋਰ ਠਹਿਰਨ ਲਈ ਕਿਹਾ ਜਾਵੇਗਾ। ਅਸੁਰੱਖਿਅਤ ਬਿਲਡਿੰਗਾਂ ਸੀਲ ਕੀਤੀਆਂ ਜਾਣਗੀਆਂ। ਪਰਿਵਾਰ ਨੂੰ ਮਦਦ ਦੇ ਸਵਾਲ ਉਪਰ ਐੱਸਡੀਐੱਮ ਨੇ ਕਿਹਾ ਕਿ ਇਹੋ ਜਿਹੀਆਂ ਘਟਨਾਵਾਂ ਦੇ ਮਾਮਲੇ 'ਚ ਸਰਕਾਰ ਦੀ ਪਾਲਿਸੀ ਹੈ। ਉਸ ਪਾਲਿਸੀ ਮੁਤਾਬਕ ਕੇਸ ਬਣਾਇਆ ਜਾਵੇਗਾ ਅਤੇ ਮ੍ਰਿਤਕ ਦੇ ਪਰਿਵਾਰ ਨੂੰ ਬਣਦੀ ਮਦਦ ਦਿੱਤੀ ਜਾਵੇਗੀ। ਦੱਸ ਦਈਏ ਕਿ ਇਸ ਦੁਖਦਾਇਕ ਘਟਨਾ 'ਚ ਖਸਤਾ ਹਾਲਤ ਕੁਆਟਰ ਦੀ ਛੱਤ ਡਿੱਗਣ ਨਾਲ ਦੋ ਜਣਿਆਂ ਦੀ ਮੌਤ ਹੋ ਗਈ ਸੀ ਅਤੇ ਤਿੰਨ ਜਣੇ ਜ਼ਖ਼ਮੀ ਹੋ ਗਏ ਸੀ। ਜਿਸ 'ਚ ਜ਼ਖ਼ਮੀਆਂ ਦਾ ਇਲਾਜ ਹੋ ਰਿਹਾ ਹੈ।
