ਜਲੰਧਰ: ਮੋਮਬੱਤੀ ਕਾਰੋਬਾਰੀ ਦੇ ਮੁੰਡੇ ਵੱਲੋਂ ਕੁੜੀ ਵੱਲੋਂ ਬਲੌਕ ਕਰਨ ਕਰਕੇ ਖੁਦਕੁਸ਼ੀ ਕਰਨ ਦੀ ਖ਼ਬਰ ਸਾਹਮਣੇ ਆਈ ਹੈ। ਦੱਸ ਦੇਈਏ ਕਿ ਮੁੰਡਾ ਕੁੜੀ ਦੋਵੇਂ ਵਿਆਹੁਤਾ ਸਨ ਵਿਆਹ ਤੋਂ ਬਾਅਦ ਮੁੰਡਾ ਜਲੰਧਰ ਰਹਿ ਰਿਹਾ ਸੀ ਤੇ ਕੁੜੀ ਆਸਟ੍ਰੇਲਿਆ 'ਚ। ਖੁਦਕੁਸ਼ੀ ਦਾ ਕਾਰਨ ਕੁੜੀ ਵੱਲੋਂ ਮੁੰਡੇ ਦਾ ਨੰਬਰ ਬਲੌਕ ਕਰਨਾ ਸੀ।
ਮ੍ਰਿਤਕ ਦੇ ਪਿਤਾ ਰਾਜੇਸ਼ ਮਹਿੰਦਰੂ ਨੇ ਦੱਸਿਆ ਕਿ ਮ੍ਰਿਤਕ ਦਾ ਨਾਂਅ ਸਲੀਲ ਹੈ ਤੇ ਉਸ ਦਾ 8 ਮਹੀਨੇ ਪਹਿਲਾਂ ਸੰਤ ਨਗਰ ਦੀ ਕੁੜੀ ਨਾਲ ਵਿਆਹ ਹੋਇਆ ਸੀ ਜਿਸ ਤੋਂ ਬਾਅਦ ਕੁੜੀ ਆਸਟ੍ਰੇਲੀਆ ਚੱਲੀ ਗਈ ਸੀ। ਉਨ੍ਹਾਂ ਨੇ ਕਿਹਾ ਕਿ ਦੋਹਾਂ ਦੇ ਵਿਆਹ ਬਾਰੇ ਕੁੜੀ ਦੇ ਪਿਓ ਨੂੰ ਪਤਾ ਨਹੀਂ ਸੀ। ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਕੁੜੀ ਦੇ ਪਿਓ ਨੂੰ ਦੋਹਾਂ ਦੇ ਵਿਆਹ ਬਾਰੇ ਪਤਾ ਲੱਗਾ ਤਾਂ ਕੁੜੀ ਦੇ ਪਿਓ ਨੇ ਜ਼ਬਰਦਸਤੀ ਉਸ ਤੋਂ ਸਲੀਲ ਦਾ ਨੰਬਰ ਬਲੌਕ ਕਰਵਾ ਦਿੱਤਾ। ਇਸ ਦੇ ਨਾਲ ਹੀ ਸਲੀਲ ਨੂੰ ਤੰਗ ਪਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ। ਇਸ ਤੋਂ ਦੁਖੀ ਹੋ ਕੇ ਹੀ ਸਲੀਲ ਨੇ ਖੁਦਕੁਸ਼ੀ ਕਰ ਲਈ। ਮ੍ਰਿਤਕ ਦੇ ਪਿਤਾ ਨੂੰ ਉਸ ਦੇ ਖ਼ੁਦਕੁਸ਼ੀ ਕਰਨ ਦੀ ਸੂਚਨਾ ਦੇਰ ਰਾਤ ਮਿਲੀ।
ਪੁਲਿਸ ਅਧਿਕਾਰੀ ਭਗਤਵੀਰ ਸਿੰਘ ਨੇ ਦੱਸਿਆ ਕਿ ਸਲੀਲ ਦੇ ਪਿਤਾ ਰਾਜੇਸ਼ ਮਹਿੰਦਰੂ ਦਾ ਬਿਆਨ ਲੈ ਲਿਆ ਹੈ। ਉਨ੍ਹਾਂ ਦੇ ਬਿਆਨ ਮੁਤਾਬਕ ਉਨ੍ਹਾਂ ਦੇ ਪੁੱਤਰ ਸਲੀਲ ਤੇ ਕੁੜੀ ਨੇ ਅੱਠ ਮਹੀਨੇ ਪਹਿਲਾਂ ਕਸਬਾ ਨਕੋਦਰ ਦੇ ਇੱਕ ਗੁਰਦੁਆਰੇ ਵਿੱਚ ਵਿਆਹ ਕੀਤਾ ਸੀ ਤੇ ਕੁੜੀ ਨਵੰਬਰ ਵਿੱਚ ਆਸਟ੍ਰੇਲਿਆ ਚੱਲੀ ਗਈ ਸੀ। ਪੁਲਿਸ ਨੇ ਮੁੰਡੇ ਦੇ ਪਿਓ ਦੇ ਆਧਾਰ 'ਤੇ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਇਹ ਵੀ ਪੜ੍ਹੋ: ਦਿੱਲੀ 'ਚ ਬਦਮਾਸ਼ਾਂ ਨੇ ASI ਦੇ ਪੁੱਤਰ ਦਾ ਕੀਤਾ ਕਤਲ, ਮੁਲਜ਼ਮ ਮੌਕੇ ਤੋਂ ਫ਼ਰਾਰ
