ਹੁਸ਼ਿਆਰਪੁਰ: ਗੜ੍ਹਸ਼ੰਕਰ ਦੇ ਪਿੰਡ ਪੋਸੀ (Posi village of Garhshankar) ਦਾ ਇੱਕ ਨੌਜਵਾਨ ਜੋ ਯੂਕਰੇਨ ਵਿੱਚ ਫਸਿਆ ਹੋਇਆ ਸੀ, ਉਸ ਦੀ ਘਰ ਵਾਪਸੀ ਹੋ ਗਈ ਹੈ। ਜਿਸ ਤੋਂ ਬਾਅਦ ਨੌਜਵਾਨ ਦੇ ਘਰ ਖੁਸ਼ੀ ਦਾ ਮਾਹੌਲ ਹੈ। ਇਸ ਮੌਕੇ ਪਰਿਵਾਰ ਨੇ ਲੱਡੂ ਵੰਡ ਕੇ ਪਿੰਡ ਵਾਸੀਆਂ ਨੇ ਖੁਸ਼ੀ ਸਾਂਝੀ ਕੀਤੀ ਜਾ ਰਹੀ ਹੈ।
ਦਰਅਸਲ ਇਸ ਪਿੰਡ ਦਾ ਹਰਪ੍ਰੀਤ ਸਿੰਘ ਜੋ 5 ਸਾਲ ਪਹਿਲਾਂ ਡਾਕਟਰੀ ਦੀ ਪੜਾਈ ਦੇ ਲਈ ਯੂਕਰੇਨ (Ukraine) ਗਿਆ ਸੀ ਅਤੇ ਉਹ ਪਿਛਲੇ 5 ਸਾਲਾਂ ਤੋਂ ਹੀ ਲਗਾਤਾਰ ਯੂਕਰੇਨ ਵਿੱਚ ਪੜਾਈ ਕਰ ਰਿਹਾ ਸੀ, ਪਰ ਹੁਣ ਰੂਸ ਤੇ ਯੂਕਰੇਨ ਵਿਚਾਲੇ ਜੰਗ (War between Russia and Ukraine) ਲੱਗਣ ਕਰਕੇ ਹਰਪ੍ਰੀਤ ਸਮੇਤ ਉਨ੍ਹਾਂ ਹਜ਼ਾਰਾਂ ਭਾਰਤੀਆਂ ਨੂੰ ਵਾਪਸ ਯੂਕਰੇਨ ਛੱਡਣ ਦੇ ਲਈ ਮਜ਼ਬੂਰ ਹੋਇਆ ਪਿਆ, ਜੋ ਉੱਥੇ ਪੜਾਈ ਕਰ ਰਹੇ ਸਨ।
ਇਸ ਮੌਕੇ ਮੀਡੀਆ ਨੂੰ ਹੱਡੀਬੀਤੀ ਸੁਣਾਉਦੀਆਂ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ਉਹ ਯੂਕਰੇਨ ਦੇ ਖਾਰਕੀਵ ਸ਼ਹਿਰ ਵਿੱਚ ਐੱਮ.ਬੀ.ਬੀ.ਐੱਸ. ਦੀ ਪੜਾਈ (MBBS in Kharkiv, Ukraine Studying) ਕਰ ਰਿਹਾ ਸੀ ਅਤੇ ਉਸ ਦੀ ਡਿਗਰੀ ਪੂਰੀ ਹੋਣ ਨੂੰ ਦੋ-ਤਿੰਨ ਮਹੀਨੇ ਬਾਕੀ ਸਨ।
ਉਨ੍ਹਾਂ ਦੱਸਿਆ ਇਸ ਜੰਗ ਦੌਰਾਨ ਉਹ 6 ਦਿਨਾਂ ਤੱਕ ਆਪਣੇ ਘਰ ਦੇ ਹੇਠਾਂ ਬਣੇ ਹੋਏ ਬੇਸਮੈਂਟ ਵਿੱਚ ਰਹਿਣ ਲਈ ਮਜ਼ਬੂਰ ਸਨ। ਉਨ੍ਹਾ ਦੱਸਿਆ ਕਿ ਇਸ ਸਮੇਂ ਉਨ੍ਹਾਂ ਦਾ ਭੁੱਖ ਤੇ ਪਿਆਸ ਨਾਲ ਹਾਲਾਤ ਬੰਦ ਤੋਂ ਪੱਤਰ ਸੀ।
ਹਰਪ੍ਰੀਤ ਨੇ ਦੱਸਿਆ ਉਹ ਜਿਨ੍ਹਾਂ ਬੰਕਰਾ ਵਿੱਚ ਰਹਿ ਰਹੇ ਹਨ, ਉੱਥੇ ਦੇ ਹਾਲਾਤ ਬਹੁਤ ਮਾੜੇ ਹਨ, ਖਾਣ-ਪੀਣ ਦੇ ਸਮਾਨ ਦੀ ਬਹੁਤ ਘਾਟ ਹੈ ਅਤੇ ਹਮੇਸ਼ਾ ਡਰ ਦੇ ਸਾਏ ਹੇਠ ਉਨ੍ਹਾਂ ਨੇ ਉੱਥੇ ਦਿਨ ਕਟੇ ਹਨ।
ਹਰਪ੍ਰੀਤ ਨੇ ਦੱਸਿਆ ਕਿ 18 ਘੰਟੇ ਦਾ ਸਫ਼ਰ ਕਰਨ ਉਪਰੰਤ ਉਹ ਪੋਲੈਂਡ ਦੇ ਬਾਰਡਰ ‘ਤੇ ਪਹੁੰਚੇ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਇੱਕ ਟੈਕਸੀ ਕਰਕੇ ਭਾਰਤੀ ਦੂਤਾਵਾਸ ਨਾਲ ਸੰਪਰਕ ਕੀਤਾ, ਜਿੱਥੇ ਉਨ੍ਹਾਂ ਨੂੰ ਵਾਪਸ ਭੇਜਣ ਦਾ ਪ੍ਰਬੰਧ ਕੀਤਾ ਗਿਆ।
ਹਰਪ੍ਰੀਤ ਸਿੰਘ ਨੇ ਭਾਰਤ ਸਰਕਾਰ ਦਾ ਧੰਨਵਾਦ (Thank you Government of India) ਕਰਦੇ ਹੋਏ ਕਿਹਾ ਕਿ ਭਾਰਤ ਦੇਸ਼ ਦੇ ਕੋਲ ਵੱਡੀ ਤਾਕਤ ਹੈ ਅਤੇ ਇਸ ਦੇ ਸਬੰਧ ਬਾਕੀ ਦੇਸ਼ਾਂ ਨਾਲ ਵੀ ਬਹੁਤ ਵਧੀਆ ਹਨ। ਜਿਸ ਦੇ ਕਾਰਨ ਸਾਨੂੰ ਉਮੀਦ ਹੈ ਕਿ ਇਸ ਲੜਾਈ ਦਾ ਹੱਲ ਭਾਰਤ ਸਰਕਾਰ (Government of India) ਕੱਢ ਸਕਦੀ ਹੈ।
ਇਹ ਵੀ ਪੜ੍ਹੋ:ਯੂਕਰੇਨ ’ਚ 11 ਦਿਨਾਂ ਦੀ ਜੰਗ ਤੋਂ ਬਾਅਦ ਰੂਸੀ ਫੌਜ ਨੇ ਯੂਕਰੇਨ ਵਿੱਚ ਜੰਗਬੰਦੀ ਦਾ ਕੀਤਾ ਐਲਾਨ
