ਹੁਸ਼ਿਆਰਪੁਰ: ਇੱਥੋਂ ਦੇ ਸਭ ਤੋਂ ਵੱਡੇ ਰੇਲਵੇ ਮੰਡੀ ਗਰਾਉਂਡ ਦੀਆਂ ਤਸਵੀਰਾਂ ਸਾਮਣੇ ਆਈਆਂ ਹਨ ਜਿਸ ਨੂੰ ਵੇਖ ਕੇ ਲੱਗਦਾ ਹੈ ਕਿ ਇਹ ਖੇਡ ਦੇ ਮੈਦਾਨ ਘੱਟ ਤੇ ਪਸ਼ੂਆਂ ਤੇ ਨਸ਼ੇੜੀਆਂ ਦਾ ਅੱਡਾ ਵੱਧ ਹੈ। ਗਰਾਉਂਡ ਵਿੱਚ ਭੰਗ ਦੇ ਬੂਟੇ ਹਨ ਤੇ ਮੈਦਾਨ ਜੰਗਲ ਬਣ ਚੁੱਕਾ ਹੈ। ਸਰਕਾਰ ਤੇ ਪ੍ਰਸ਼ਾਸਨ ਦਾ ਇਸ ਵੱਲ ਕੋਈ ਧਿਆਨ ਨਹੀਂ ਹੈ।
ਸਥਾਨਕ ਵਾਸੀਆਂ ਦਾ ਕਹਿਣਾ ਹੈ ਕਿ ਇਸ ਗਰਾਉਂਡ ਦੀ ਹਾਲਤ ਅੱਜ ਤੋਂ 30-40 ਸਾਲ ਪਹਿਲਾਂ ਬਹੁਤ ਵਧੀਆ ਸੀ, ਇੱਥੇ ਖੂਬ ਰੋਣਕਾਂ ਲੱਗਦੀਆਂ ਸਨ ਇੰਨਾ ਹੀ ਨਹੀਂ, ਬਾਹਰਲੇ ਸੂਬਿਆਂ ਦੇ ਖਿਡਾਰੀਆਂ ਦੇ ਵੱਖ-ਵੱਖ ਖੇਡ ਮੁਕਾਬਲੇ ਵੀ ਕਰਵਾਏ ਜਾਂਦੇ ਸੀ।
ਉਨ੍ਹਾਂ ਦੱਸਿਆ ਕਿ ਇਹ ਰੇਲਵੇ ਮੰਡੀ ਗਰਾਉਂਡ ਹੁਸ਼ਿਆਰਪੁਰ ਦੇ ਸਰਕਾਰੀ ਕਾਲਜ ਦੀ ਗਰਾਉਂਡ ਹੈ। ਹੁਸ਼ਿਆਰਪੁਰ ਦੇ ਸਰਕਾਰੀ ਕਾਲਜ ਵਿੱਚੋ ਦੇਸ਼ ਦੇ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਵਰਗੀਆਂ ਹਸਤੀਆਂ ਪੜ੍ਹ ਕੇ ਨਿਕਲੀਆਂ ਹਨ, ਉਸੇ ਤਰ੍ਹਾਂ ਇਸ ਗਰਾਉਂਡ ਦੇ ਇਤਿਹਾਸ ਵਿੱਚ ਵੀ ਕਈ ਨਾਮੀ ਖ਼ਿਡਾਰੀ ਖੇਡ ਕੇ ਚੰਗੇ ਅਹੁੱਦਿਆਂ ਉੱਤੇ ਪਹੁੰਚੇ ਹਨ।
ਇਸ ਗਰਾਉਂਡ ਵਿੱਚ ਹਾਕੀ, ਕ੍ਰਿਕੇਟ, ਟੈਨਿਸ, ਫੁੱਟਬਾਲ, 400 ਮੀਟਰ ਰਨਿੰਗ ਟਰੈਕ ਅਤੇ ਬਾਸਕਿਟ ਬਾਲ ਦੇ ਮੈਦਾਨ ਬਣੇ ਹੋਏ ਹਨ ਪਰ ਅੱਜ ਇਹ ਗਰਾਉਂਡ ਦੀ ਹਾਲਤ ਇਹ ਹੈ ਕਿ ਇਹ ਮੈਦਾਨ ਭੰਗ, ਅਵਾਰਾ ਜਾਨਵਰਾਂ ਅਤੇ ਨਸ਼ੇੜੀਆਂ ਦਾ ਅੱਡਾ ਬਣ ਕੇ ਰਹਿ ਗਿਆ ਹੈ।
ਇਹ ਵੀ ਪੜ੍ਹੋ: GST ਵਿੱਚ ਸੋਧ ਕਰਨ ਦੀ ਬਜਾਏ ਭੰਗ ਕਰ ਕੇ ਦੁਬਾਰਾ ਬਣਾਉਣ ਦੀ ਲੋਂੜ: ਮਨਪ੍ਰੀਤ ਬਾਦਲ
ਜਦੋਂ ਈਟੀਵੀ ਭਾਰਤ ਦੀ ਟੀਮ ਵਲੋਂ ਉੱਥੋ ਦੇ ਡੀਸੀ ਤੇ ਅਫ਼ਸਰ ਨਾਲ ਗੱਲ ਕਰਨੀ ਚਾਹੀ ਤਾਂ, ਪਤਾ ਲੱਗਦਾ ਹੈ ਕਿ ਉਹ ਛੁੱਟੀ 'ਤੇ ਸਨ। ਸੋ ਲੋੜ ਹੈ ਕਿ ਜ਼ਿਲ੍ਹਾ ਪ੍ਰਸ਼ਾਸਨ ਤੇ ਸਰਕਾਰ ਇਸ ਗਰਾਉਂਡ ਵੱਲ ਧਿਆਨ ਦੇਵੇ, ਤਾਂ ਜੋਂ ਨਸ਼ਿਆਂ ਦੇ ਰਾਹ ਪਏ ਨੌਜਵਾਨ, ਖੇਡਾਂ ਲਈ ਪ੍ਰੇਰਿਤ ਹੋ ਸਕਣ।
