ਹੁਸ਼ਿਆਰਪੁਰ: ਮਾਮਲਾ ਹੁਸ਼ਿਆਰਪੁਰ ਦੇ ਪਿੰਡ ਪੀਪਲਾਵਾਲਾ ਦਾ ਹੈ ਜਿਥੇ ਇੱਕ ਬਜ਼ੁਰਗ ਜੋੜਾ ਸੈਰ ਕਰ ਰਿਹਾ ਸੀ ਕਿ ਇੱਕ ਅਣਪਛਾਤਾ ਆਦਮੀ ਉਨ੍ਹਾਂ ਦੇ ਨਾਲ ਸੈਰ ਕਰਨ ਲੱਗ ਪਿਆ ਅਤੇ ਬਜ਼ੁਰਗ ਔਰਤ ਨੂੰ ਆਪਣੀਆਂ ਗੱਲਾਂ ‘ਚ ਪਾ ਕੇ ਉਸ ਦੀ ਬਿਮਾਰੀ ਨੂੰ ਠੀਕ ਕਰਨ ਦੇ ਉਪਾਅ ਦੀਆਂ ਗੱਲਾਂ ਕਰ ਕੇ ਔਰਤ ਦੀ ਅੰਗੂਠੀ ਠਾਕ ਕੇ ਦੇਣ ਦਾ ਢੌਂਗ ਕਰਨ ਲੱਗਾ।
ਵਿਅਕਤੀ ਦੇ ਮਹਿਲਾ ਦੇ ਘਰ ਪਹੁੰਚ ਗਿਆ ਤਾਂ ਉਨ੍ਹਾਂ ਦੀ ਨੂੰਹ ਨੂੰ ਔਲਾਦ ਪ੍ਰਾਪਤੀ ਦੇ ਉਪਾਅ ਦੱਸਦੇ ਹੋਏ ਉਸਦੇ ਸਾਰੇ ਗਹਿਣੇ ਇੱਕ ਰੁਮਾਲ ‘ਚ ਲਪੇਟ ਪੂਜ ਕੇ ਸੁੱਚਾ ਕਰ ਦੇਵੇ ਦੀ ਗੱਲ ਆਖੀ। ਗਹਿਣਿਆਂ ਨੂੰ ਪੂਜਣ ਦਾ ਡਰਾਮਾ ਕਰ ਕੇ ਘਰ ਵਾਲਿਆਂ ਨੂੰ ਬੰਦ ਰੁਮਾਲ ਆਪਣੇ ਘਰ ‘ਚ ਬਣੇ ਮੰਦਿਰ ‘ਚ ਰੱਖਣ ਦੀ ਗੱਲ ਕੀਤੀ। ਪਖੰਡੀ ਸਾਧ ਨੇ ਕਿਹਾ ਕਿ ਸ਼ਾਮ ਨੂੰ ਧੂਫ ਬਤੀ ਕਰਕੇ ਗਹਿਣੇ ਪਾ ਲਏ ਜਾਣ ਅਤੇ ਆਪ ਰਫੂਚਕਰ ਹੋ ਗਿਆ।
ਪਰਿਵਾਰ ਵਲੋਂ ਜਦੋਂ ਸ਼ਾਮ ਨੂੰ ਰੁਮਾਲ ਖੋਲਿਆ ਗਿਆ ਤਾਂ ਉਸ 'ਚ ਗਹਿਣੇ ਨਾ ਹੋਣ ਤੇ ਪਰਿਵਾਰ ਦੇ ਹੋਸ਼ ਉੱਡ ਗਏ, ਪਰਿਵਾਰ ਵਲੋਂ ਪੁਲਿਸ ਕੋਲ ਇਸ ਦੀ ਸ਼ਿਕਾਇਤ ਦਰਜ ਕਰਵਾਈ ਗਈ। ਸੂਚਨਾ ਮਿਲਣ 'ਤੇ ਥਾਣਾ ਮਾਡਲ ਟਾਊਨ ਦੇ SHO ਕਰਨੈਲ ਸਿੰਘ ਨੇ ਮੁਹੱਲੇ ‘ਚ ਲੱਗੇ CCTV ਫੁਟੇਜ ਖੰਗਾਲੇ ਅਤੇ ਅਣਪਛਾਤੇ ਢੋਂਗੀ ਬਾਬੇ ਖਿਲਾਫ਼ ਮਾਮਲਾ ਦਰਜ ਕਲ ਲਿਆ ਗਿਆ ਅਤੇ ਨਾਲ ਹੀ ਲੋਕਾਂ ਸੁਚੇਤ ਰਹਿਣ ਦੀ ਅਪੀਲ ਵੀ ਕੀਤੀ।
ਇਹ ਵੀ ਪੜ੍ਹੋ:ਘਰ ਦੇ ਬਾਹਰ ਖੜੀਆਂ ਕਾਰਾਂ ਦੇ ਸ਼ਰਾਰਤੀ ਅਨਸ਼ਰਾ ਨੇ ਤੋੜੇ ਸ਼ੀਸ਼ੇ
