ਗੁਰਦਾਸਪੁਰ: ਇੱਕ ਨਿੱਜੀ ਟੀ.ਵੀ. ਚੈਨਲ ਦੇ ਇੱਕ ਦੌਰਾਨ ਸ਼ੋ ਵਿੱਚ ਕਲਾਕਾਰ ਭਾਰਤੀ ਸਿੰਘ, ਫਰਹਾ ਖਾਨ ਅਤੇ ਰਵੀਨਾ ਟੰਡਨ ਨੇ ਬਾਇਬਲ ਵਿੱਚ ਦਰਜ ਧਾਰਮਿਕ ਸ਼ਬਦਾਂ ਦੀ ਬੇਅਦਬੀ ਕੀਤੀ ਸੀ। ਸਿੱਟੇ ਵਜੋਂ ਇਨ੍ਹਾਂ ਤਿੰਨਾ ਦਾ ਸਮੂਹ ਇਸਾਈ ਭਾਈਚਾਰੇ ਵੱਲੇਂ ਵਿਰੋਧ ਕੀਤਾ ਜਾ ਰਿਹਾ ਹੈ। ਇਸੇ ਦੇ ਚੱਲਦਿਆਂ ਗੁਰਦਾਸਪੁਰ ਵਿੱਚ ਭਾਰੀ ਗਿਣਤੀ ਵਿੱਚ ਇਸਾਈ ਭਾਈਚਾਰੇ ਦੇ ਲੋਕਾਂ ਨੇ ਇਨ੍ਹਾਂ ਤਿੰਨਾਂ ਆਦਾਕਾਰਾਂ ਦੇ ਖਿਲਾਫ ਰੋਸ਼ ਪ੍ਰਦਰਸ਼ਨ ਕਰਦੇ ਹੋਏ ਉਨ੍ਹਾਂ ਦੇ ਪੁਤਲੇ ਸਾੜੇ।
ਇਸ ਪ੍ਰਦਰਸ਼ਨ ਦੇ ਦੌਰਾਨ ਇਸਾਈ ਭਾਈਚਾਰੇ ਦੇ ਲੋਕਾ ਨੇ ਕਿਹਾ ਕਿ ਅਦਾਕਾਰਾ ਭਾਰਤੀ ਸਿੰਘ, ਰਵੀਨਾ ਟੰਡਨ ਅਤੇ ਫ਼ਾਰਾਹ ਖਾਨ ਨੇ ਟੀ.ਵੀ. ਸ਼ੋਅ ਦੌਰਾਨ ਇਸਾਈ ਭਾਈਚਾਰੇ ਦੇ ਧਾਰਮਿਕ ਗਰੰਥ ਬਾਇਬਲ ਵਿੱਚ ਦਰਜ ਧਾਰਮਿਕ ਸ਼ਬਦ ਹੈਲੇ ਲੂਈਯਾਹ ਨੂੰ ਮਜਾਕਿਆ ਅਤੇ ਗੰਦੇ ਅੰਦਾਜ਼ ਵਿੱਚ ਪੇਸ਼ ਕੀਤਾ ਹੈ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਕਲਾਕਾਰਾਂ ਦੀ ਇਸ ਹਰਕਤ ਕਾਰਨ ਇਸਾਈ ਭਾਈਚਾਰੇ ਦੀ ਅੰਤਰ ਆਤਮਾ ਨੂੰ ਠੇਸ ਪਹੁੰਚੀ ਹੈ ਜਿਸ ਕਾਰਨ ਭਾਈਚਾਰੇ ਵਿੱਚ ਕਾਫ਼ੀ ਰੋਸ ਹੈ।
ਉਨ੍ਹਾਂ ਕਿਹਾ ਕਿ ਭਾਈਚਾਰੇ ਦੀ ਮੰਗ ਹੈ ਕਿ ਤਿੰਨਾਂ ਆਦਾਕਾਰਾਂ ਸਮੇਤ ਚੈਨਲ ਦੇ ਮਾਲਿਕਾਂ ਖਿਲਾਫ ਸਖ਼ਤ ਕਾਨੂੰਨੀ ਕਰਵਾਈ ਕੀਤੀ ਜਾਵੇ। ਜੇਕਰ ਇਸਾਈ ਭਾਈਚਾਰੇ ਨੂੰ ਇੰਸਾਫ ਨਾ ਮਿਲਿਆ ਤਾਂ ਭਾਈਚਾਰਾਂ ਕੁੱਝ ਦਿਨ ਬਾਅਦ ਮੁੰਬਈ ਜਾਕੇ ਵੀ ਇਨ੍ਹਾਂ ਅਦਾਕਾਰਾਂ ਦਾ ਘਿਰਾਉ ਕਰੇਗਾ ਅਤੇ ਨਾਲ ਹੀ ਭਾਰਤੀ ਸਿੰਘ ਦਾ ਪੰਜਾਬ ਵਿੱਚ ਆਉਣ 'ਤੇ ਵਿਰੋਧ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਕਿਹਾ ਪੁਲਿਸ ਪ੍ਰਸ਼ਾਸਨ ਵੱਲੋਂ ਸਖ਼ਤ ਕਾਨੂੰਨੀ ਕਰਵਾਈ ਦਾ ਆਸ਼ਵਾਸ਼ਨ ਦਿੱਤਾ ਗਿਆ ਹੈ ਅਤੇ ਇਸ ਮੌਕੇ ਇਸਾਈ ਭਾਈਚਾਰੇ ਨੇ ਤਹਿਸੀਲਦਾਰ ਅਰਵਿੰਦਰ ਪ੍ਰਕਾਸ਼ ਨੂੰ ਮੰਗ ਦਿੱਤਾ ਗਿਆ ਅਤੇ ਕਾਰਵਾਈ ਕਰਨ ਦੀ ਮੰਗ ਕੀਤੀ।
