Theft in Ferozepur: ਫਿਰੋਜ਼ਪੁਰ 'ਚ ਚਿੱਟੇ ਦਿਨ ਚੋਰ ਨੇ ਘਰ ਨੂੰ ਬਣਾਇਆ ਨਿਸ਼ਾਨ, ਹਜ਼ਾਰਾਂ ਦੀ ਨਕਦੀ ਅਤੇ 10 ਤੋਲੇ ਸੋਨਾ ਲੈ ਕੇ ਹੋਇਆ ਫਰਾਰ

ਫਿਰੋਜ਼ਪੁਰ ਦੇ ਮੁਹੱਲਾ ਪੀਰ ਬਖ਼ਸ ਵਿੱਚ ਚੋਰਾਂ ਨੇ ਦਿਨ-ਦਿਹਾੜੇ ਇੱਕ ਘਰ (The thief stole from the house) ਨੂੰ ਨਿਸ਼ਾਨ ਬਣਾਇਆ। ਚੋਰ ਘਰ ਅੰਦਰ ਉਸ ਸਮੇਂ ਦਾਖਿਲ ਹੋਇਆ ਜਦੋਂ ਘਰ ਵਿੱਚ ਕੋਈ ਨਹੀਂ ਸੀ। ਇਸ ਤੋਂ ਬਾਅਦ ਵਾਰਦਾਤ ਨੂੰ ਅੰਜਾਮ ਦੇਕੇ ਚੋਰ ਫਰਾਰ ਹੋ ਗਿਆ ਅਤੇ ਸੀਸੀਟੀਵੀ ਵਿੱਚ ਇੱਕ ਮੁਲਜ਼ਮ ਜਾਂਦਾ ਵਿਖਾਈ ਵੀ ਦੇ ਰਿਹਾ ਹੈ।

ਫਿਰੋਜ਼ਪੁਰ: ਆਏ ਦਿਨ ਹੀ ਚੋਰੀ ਦੀਆਂ ਘਟਨਾਵਾਂ ਵਧਦੀਆਂ ਜਾ ਰਹੀਆਂ ਹਨ, ਇਸੇ ਤਰ੍ਹਾਂ ਦਾ ਇੱਕ ਮਾਮਲਾ ਜ਼ੀਰਾ ਦੇ ਮਹੱਲਾ ਪੀਰ ਬਖਸ਼ ਵਿੱਚ ਦੇਖਣ ਨੂੰ ਮਿਲਿਆ। ਪਰਿਵਾਰਕ ਮੈਂਬਰਾਂ ਦੇ ਘਰੇ ਨਾ ਹੋਣ ਕਰਕੇ ਇੱਕ ਚੋਰ ਵੱਲੋਂ ਉਹਨਾਂ ਦੇ ਘਰ ਵਿੱਚ ਪਏ (Gold jewelry) ਸੋਨੇ ਅਤੇ ਚਾਂਦੀ ਦੇ ਗਹਿਣੇ ਤੋਂ ਅਲਾਵਾ 85 ਹਜਾਰ ਰੁਪਏ ਦੀ ਨਕਦੀ ਨੂੰ ਚੋਰੀ ਕਰ ਲਿਆ ਗਿਆ ਅਤੇ ਵਰਾਦਾਤ ਨੂੰ ਅੰਜਾਮ ਦੇਕੇ ਮੁਲਜ਼ਮ ਅਸਾਨੀ ਨਾਲ ਮੌਕੇ ਤੋਂ ਫਰਾਰ ਹੋ ਗਿਆ।

ਨਕਦੀ ਅਤੇ ਗਹਿਣੇ ਚੋਰੀ: ਇਸ ਸਭ ਦੀ ਜਾਣਕਾਰੀ ਦਿੰਦੇ ਹੋਏ ਘਰ ਦੇ ਮਾਲਕਨ ਵੱਲੋਂ ਦੱਸਿਆ ਗਿਆ ਕਿ ਉਹ ਕੁਝ ਸਮੇਂ ਵਾਸਤੇ ਘਰੋਂ ਬਾਜ਼ਾਰ ਗਏ ਸਨ ਅਤੇ ਜਦੋਂ ਉਹ ਘਰ ਆਏ ਤਾਂ ਦੇਖਿਆ ਕਿ ਚੋਰ ਛੱਤ ਤੋਂ ਆ ਕੇ ਪੌੜੀਆਂ ਦੇ ਦਰਵਾਜ਼ੇ ਨੂੰ ਤੋੜ ਘਰ ਵਿੱਚ ਦਾਖਲ ਹੋਇਆ ਅਤੇ ਉਸ ਨੇ ਕਮਰੇ ਅੰਦਰ ਮੌਜੂਦ ਅਲਮਾਰੀ ਵਿੱਚ ਪਏ ਸੋਨੇ ਅਤੇ ਚਾਂਦੀ ਦੇ ਗਹਿਣੇ ਚੋਰੀ ਕਰ ਲਏ। ਮੁਲਜ਼ਮ ਨੇ ਵੱਖ-ਵੱਖ ਪਰਸਾਂ ਵਿੱਚ ਪਏ ਪੈਸੇ ਵੀ ਚੋਰੀ ਕਰ ਲਏ। ਇਸ ਮੌਕੇ ਉਹਨਾਂ ਦੱਸਿਆ ਕਿ 8 ਤੋਲੇ ਸੋਨਾ ਅਤੇ ਚਾਂਦੀ ਦੇ ਕਾਫੀ ਗਹਿਣੇ ਉਸ ਵੱਲੋਂ ਚੋਰੀ ਕੀਤੀ ਗਏ। ਇਸ ਤੋਂ ਇਲਾਵਾ ਮੁਲਜ਼ਮ ਨੇ ਘਰ ਵਿੱਚ ਮੌਜੂਦ 85 ਹਜ਼ਾਰ ਰੁਪਏ ਦੀ ਨਕਦੀ ਵੀ ਚੋਰੀ ਕਰ ਲਈ। ਉਹਨਾਂ ਦੱਸਿਆ ਕਿ ਚੋਰ ਵੱਲੋਂ ਅਲਮਾਰੀ ਨੂੰ ਤੋੜਨ ਵਾਸਤੇ ਘਰ ਵਿੱਚ ਪਈ ਕੜਛੀ ਅਤੇ ਚਮਚਿਆਂ ਤੋਂ ਇਲਾਵਾ ਕਰਦ ਦਾ ਸਹਾਰਾ ਲਿਆ। ਪੀੜਤ ਪਰਿਵਾਰ ਨੇ ਚੋਰ ਨੂੰ ਜਲਦ ਗ੍ਰਿਫ਼ਤਾਰ ਕਰਨ ਦੀ ਮੰਗ ਕੀਤੀ ਹੈ। (Ferozepur Police)

ਸੀਸੀਟੀਵ 'ਚ ਕੈਦ ਹੋਇਆ ਚੋਰ: ਪੂਰੇ ਮਾਮਲੇ ਦੀ ਜਾਂਚ ਕਰ ਰਹੇ ਏਐੱਸਆਈ ਸੁਖਬੀਰ ਸਿੰਘ (ASI Sukhbir Singh) ਨੇ ਜਾਣਕਾਰੀ ਦਿੱਤੀ ਕਿ ਸੀਸੀਟੀਵੀ ਵਿੱਚ ਚੋਰ ਦੀ ਫੁਟੇਜ ਰਿਕਵਰ ਕਰ ਲਈ ਗਈ ਹੈ, ਜਿਸ ਨਾਲ ਉਹ ਚੋਰ ਨੂੰ ਪਹਿਚਾਣ ਕੇ ਜਲਦ ਗ੍ਰਿਫ਼ਤਾਰ ਕਰ ਲੈਣਗੇ। ਪੁਲਿਸ ਵਿਭਾਗ ਦੇ ਵੱਖ-ਵੱਖ ਗਰੁੱਪਾਂ ਨੂੰ ਚੋਰ ਦੀ ਭਾਲ ਲਈ ਭੇਜਿਆ ਗਿਆ। ਚਿੱਟੇ ਦਿਨ ਹੋਏ ਚੋਰੀ ਦੇ ਇਸ ਮਾਮਲੇ ਤੋਂ ਮਗਰੋਂ ਉਨ੍ਹਾਂ ਕਿਹਾ ਕਿ ਮੁਲਜ਼ਮ ਨੂੰ ਜਲਦ ਤੋਂ ਜਲਦ ਗ੍ਰਿਫ਼ਤਾਰ ਕਰਕੇ ਪੀੜਤ ਪਰਿਵਾਰ ਨੂੰ ਉਨ੍ਹਾਂ ਦਾ ਸਮਾਨ ਵਾਪਿਸ ਕੀਤਾ ਜਾਵੇਗਾ।