ਫਿਰੋਜ਼ਪੁਰ : ਰੇਲ ਮਹਿਕਮੇ ਨੇ ਰੇਲ ਲਾਈਨ ਦੇ ਨਾਲ ਦੇ ਪਿੰਡ ਪੀਰ ਅਹਿਮਦ ਖ਼ਾਨ ਦਾ ਇੱਕੋ ਇੱਕ ਲਾਂਘਾ ਗਾਡਰ ਲਾ ਕੇ ਬੰਦ ਕਰ ਦਿਤਾ। ਇਸ ਪਿੰਡ ਵਿੱਚ ਕਰੀਬ 80 ਪਰਿਵਾਰ ਰਹਿੰਦੇ ਹਨ ਅਤੇ ਪਿੰਡ ਦੀ ਆਪਣੀ ਪੰਚਾਇਤ ਹੈ।
ਇਸ ਦੇ ਰੋਹ ਵੱਜੋਂ ਪਿੰਡ ਦੇ ਵਸਨੀਕਾਂ ਨੇ ਡਿਪਟੀ ਕਮਿਸ਼ਨਰ ਦੇ ਘਰ ਦੇ ਬਾਹਰ ਆ ਕੇ ਆਪਣਾ ਰੋਸ ਜਤਾਇਆ। ਲੋਕਾਂ ਦਾ ਕਹਿਣਾ ਹੈ ਕਿ ਸਾਡੇ ਪਿੰਡ ਦਾ ਇੱਕੋ ਹੀ ਰਾਹ ਜਾਂਦਾ ਹੈ। ਜਿੱਥੇ ਸਵੇਰੇ ਰੇਲ ਮਹਿਕਮੇ ਨੇ ਗਾਡਰ ਲਾ ਕੇ ਸਾਡਾ ਰਾਹ ਬੰਦ ਕਰ ਦਿੱਤਾ ਹੈ। ਅਸੀਂ ਪਿੰਡ ਤੋਂ ਬਾਹਰ ਕਿਵੇਂ ਜਾਈਏ ਸਾਡਾ ਰਾਹ ਖੋਲ੍ਹਿਆ ਜਾਵੇ।
ਇਹ ਵੀ ਪੜ੍ਹੋ : ਰੂਪਨਗਰ 'ਚ ਮੌਸਮ ਵਿਭਾਗ ਵਲੋਂ ਜਾਰੀ ਮੀਂਹ ਦੇ ਅਲਰਟ ਦਾ ਅਸਰ, ਵੇਖੋ ਵੀਡੀਓ
ਦੂਜੇ ਪਾਸੇ ਡਿਪਟੀ ਕਮਿਸ਼ਨਰ ਚੰਦਰ ਗੈਂਧ ਨੇ ਦੱਸਿਆ ਕਿ ਇਹ ਜ਼ਮੀਨ ਰੇਲ ਮਹਿਕਮੇ ਦੀ ਹੈ ਜੋ ਸਾਡੇ ਅਧੀਨ ਨਹੀਂ ਆਉਂਦਾ, ਇਹ ਕੇਂਦਰੀ ਵਿਭਾਗ ਦੇ ਅਧੀਨ ਹੈ। ਫਿਰ ਵੀ ਉਹ ਰੇਲਵੇ ਦੇ ਡੀਆਰਐੱਮ ਨਾਲ ਫ਼ੋਨ 'ਤੇ ਗੱਲ ਕੀਤੀ ਹੈ। ਉਨ੍ਹਾਂ ਮੈਨੂੰ ਕਿਹਾ ਕਿ ਅਸੀਂ ਇਸ ਦਾ ਕੋਈ ਹੱਲ ਕਰਦੇ ਹਾਂ ਫ਼ਿਲਹਾਲ ਉਹ ਫ਼ਿਰੋਜ਼ਪੁਰ ਤੋਂ ਬਾਹਰ ਹਨ।
